- Ачылгъан эт джабылыр, кёрген кёз унутмаз.
- Тёрде – темир таякълы, къаяда – чыпчыкъ аякълы.
- Сабийликде юретмесенг, уллу болса – тюзелмез.
- Халкъгъа джарагъан, джарлы къалмаз.
- Тил бла келеди джыр да.
- Тойну къарнашы – харс, джырны къарнашы – эжиу.
- Баш болса, бёрк табылыр.
- Этни да ашады, бетни да ашады.
- Миллетни бойну – базыкъ, аны бла кюрешген – джазыкъ.
- Къалгъан ишге къар джауар.
- Окъугъанны бети джарыкъ.
- Чыбыкълыкъда бюгюлмеген, къазыкълыкъда бюгюлмей эди.
- Байма, деб да, къууанма, джарлыма, деб да, джылама.
- Къууут – джелге, берне – бошха.
- Дженгил джетерикме деб, узун джолну къоюб, къысхасын барма.
- Мухарны эси – ашарыкъда.
- Къуллукъчума, деб махтанма, къуллукъ – хаух джамчыды!
- Огъурлуну сёзю – суу, огъурсузну сёзю – уу.
- Элде адам къалмаса, ит тахтагъа минер.
- Уллу атлама – абынырса, уллу къабма – къарылырса.
- Ашлыкъны арба юйге келтирир, чана базаргъа элтир.
- Сёз сёзню айтдырыр.
- Тынгылагъан тынгы бузар.
- Джеринден айырылгъан – джети джылар, джуртундан айырылгъан – ёлгюнчю джылар.
- Аш иеси бла татлыды.
- Биреуню тёрюнден, кесинги эшик артынг игиди.
- Аурууну келиую тынч, кетиую – къыйын.
- Ишни аллы бла къууанма да, арты бла къууан.
- Джарлы тюеге минсе да, ит къабар.
- Адам туугъан джеринде, ит тойгъан джеринде.
- Ата джурт – алтын бешик.
- Тилсиз миллет джокъ болур.
- Алим болгъандан эсе, адам болгъан къыйынды.
- Юйюнгден чыкъдынг – кюнюнгден чыкъдынг.
- Таула не мийик болсала да, аууш табылыр.
- Шапа кёб болса, аш татымсыз болур.
- Тойгъан джерден туугъан джер игиди.
- Хунаны тюбюн къазсанг, юсюнге ауар.
- Оюмсуз атлагъан, аджалсыз ёлюр.
- Узун джолну барсанг, бюгюн келирсе, къысха джолну барсанг, тамбла келирсе.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Бермеген къол, алмайды.
- Нарт сёз – тилни бети.
- Эшекге миннген – биринчи айыб, андан джыгъылгъан – экинчи айыб.
- Акъыл аздырмаз, билим тоздурмаз.
- Джюрекге ариу – кёзге да ариу.
- Аз айтсам, кёб ангылагъыз.
- Соргъан айыб тюлдю, билмеген айыбды.
- Ёлюр джаннга, ёкюл джокъ.
- Зар адамны насыбы болмаз.
СРОЧНО!!! ТРЕБУЕТСЯ НЯНЯ!
|
за дополнительной информацией и с предложениями обращаться по телефону 89091620443 - Марина
электронный адрес elbrysska@mail.ru
|
||||
|
|
|
|||
Читают тему (гостей: 1)