- Джогъун бар этген, барын бал этген.
- Ауузу аманнга «иги», деме.
- Джыланны къуйругъундан басарынг келсе, аны башы болгъанын унутма.
- Кёз – сюйген джерде, къол – ауругъан джерде.
- Кюл тюбюндеги от кёрюнмейди.
- Ач бёрюге мекям джокъ.
- Келинин тута билмеген, къул этер, къызын тута билмеген, тул этер.
- Эринчекге кюн узун.
- Джети тилни билген джети кишиди.
- Ариу сёзде ауруу джокъ.
- Джауумдан сора, кюн кюйдюрюр, ётюрюкден сора, айыб кюйдюрюр.
- Билими азны – ауузунда кирит.
- Атынг аманнга чыкъгъандан эсе, джанынг тамагъынгдан чыкъсын.
- Ачыкъ джюрекге джол – ачыкъ.
- Эр абынмай, эл танымаз.
- Ариу – кёзге, акъыл – джюрекге.
- Джаным-тиним – окъуу, билим.
- Къайтырыкъ эшигинги, къаты уруб чыкъма.
- Аман адам этегингден тутса, кес да къач.
- Кёлсюзден сёзсюз тууар.
- Ариу сёз – къылычдан джити.
- Тюзню ётмеги тюзде къалса да, тас болмаз.
- Оюмсуз атлагъан, аджалсыз ёлюр.
- Ёгюзню мюйюзлери ауурлукъ этмейдиле.
- Кеси юйюмде мен да ханма.
- Джылар джаш, атасыны сакъалы бла ойнар.
- Туз, гырджын аша, тюзлюк бла джаша.
- Башсыз урчукъ тюзюне айланмаз.
- Кимни – тили, тиши онглу, кимни – къолу, иши онглу.
- Ашатыргъа иш – ашхы, ишлетирге аш – ашхы.
- Артына баргъанны, къатына барма.
- Ачлыкъ отха секиртир.
- Эркишини аманы тиширыуну джылатыр.
- Джашынгы кесинг юретмесенг, джашау юретир.
- Тели турса – той бузар.
- Кёбню кёрген – кёб билир.
- Джигер – джаннга къыйынлыкъ.
- Ашлыкъ – бюртюкден, джюн – тюкден.
- Тешик этген тынчды, аны джамагъан къыйынды.
- Ишлегенде эринме, ишде чолакъ кёрюнме.
- Ат басханны джер билед.
- Намыс сатылыб алынмайды.
- Танг атмайма десе да, кюн къоярыкъ тюйюлдю.
- Битмегеннге сакъал – танг.
- Билимден уллу байлыкъ джокъду.
- Ата – баланы уясы.
- Аман хансны – урлугъу кёб.
- Сакъ юйюне сау барыр.
- Хазыр ашха – терен къашыкъ.
- Халкъны джырын джырласанг, халкъ санга эжиу этер.
СРОЧНО!!! ТРЕБУЕТСЯ НЯНЯ!
|
за дополнительной информацией и с предложениями обращаться по телефону 89091620443 - Марина
электронный адрес elbrysska@mail.ru
|
||||
|
|
|
|||
Читают тему (гостей: 1)