- Джауумдан сора, кюн кюйдюрюр, ётюрюкден сора, айыб кюйдюрюр.
- Ётюрюкден тюбю джокъ, кёлтюрюрге джиби джокъ.
- Эркишини аманы тиширыуну джылатыр.
- Джангыз торгъай джырламаз.
- Аманны эки битли тону болур, бирин сеннге кийдирир, бирин кеси киер.
- Кюлме джашха – келир башха.
- Эл тойса, тоймагъан, эл къойса, къоймагъан.
- Эр абынмай, эл танымаз.
- Гитче джилтин уллу элни джандырыр.
- Аш берме да, къаш бер.
- Акъыл бла адеб эгизледиле.
- Биреуню къыйынлыгъы бла кесинге джол ишлеме.
- Къонакъ хазыр болгъанлыкъгъа, къонакъбай хазыр тюлдю.
- Чабакъ башындан чирийди.
- Билмезни кёзю кёрмез, этмезни къулагъы эшитмез.
- Агъач – джерни чырайы, кийим – эрни чырайы.
- Сакъалы текени да бар, мыйыгъы киштикни да бар.
- Мадар болса, къадар болур.
- Бети бедерден, намыс сакълама.
- Суу да къайтады чыкъгъан джерине.
- Минг тенг да азды, бир джау да кёбдю.
- Кёл ашады да, кеси ашады.
- Сакъ юйюне сау барыр.
- Тамырсыз терекге таянма – джыгъылырса.
- Ауузу аманнга «иги», деме.
- Тёрде – темир таякълы, къаяда – чыпчыкъ аякълы.
- Сакъламагъан затынга джолукъсанг, не бек къууанаса, не бек ачыйса.
- Айтхан – тынч, этген – къыйын.
- Кёб ант этген, кёб ётюрюк айтыр.
- Къонакъны къачан кетерин сорма, къачан келлигин сор.
- Къарнынг ауруса, ауузунгу тый
- Уллу къазанда бишген эт, чий къалмаз.
- Абынмазлыкъ аякъ джокъ, джангылмазлыкъ джаякъ джокъ.
- Джолда аягъынга сакъ бол, ушакъда тилинге сакъ бол.
- Хаухну атма, ёнгкючню сатма.
- Артына баргъанны, къатына барма.
- Аджашхан тёгерек айланыр.
- Джерни букъусу кёкге къонмаз.
- Ач къарынны, токъ билмез
- Аякъларынгы джууургъанынга кёре узат.
- Ёпкелегенни ашы татлы болады.
- Тойгъа барсанг, тоюб бар, эски тонунгу къоюб бар.
- Тилсиз миллет джокъ болур.
- Ёлген ийнек сютлю болур.
- Ачлыкъда тары гырджын халыуадан татлы.
- Ишлемеген – тишлемез.
- Чакъырылмагъан къонакъ – орунсуз.
- Ёксюзню тилеги къабыл болур.
- Ишленмеген джаш – джюгенсиз ат, ишленмеген къыз – тузсуз хант.
- Кёбден умут этиб, аздан къуру къалма.
СРОЧНО!!! ТРЕБУЕТСЯ НЯНЯ!
|
за дополнительной информацией и с предложениями обращаться по телефону 89091620443 - Марина
электронный адрес elbrysska@mail.ru
|
||||
|
|
|
|||
Читают тему (гостей: 1)