- От кюйдюрген, сау болса да, тот кюйдюрген, сау болмаз.
- Баш болса, бёрк табылыр.
- Азыгъы аз, алгъа къабар, аты аман, алгъа чабар.
- Ата Джуртун танымагъан, атасын да танымаз.
- Биреуге аманлыкъ этиб, кесинге игилик табмазса.
- Ач къалгъандан, кеч къалгъан къолай.
- Байлыкъ тауусулур, билим тауусулмаз.
- Аз сёлешген, къайгъысыз турур.
- Бозанг болмагъан джерге, къалагъынгы сукъма.
- Кютгени беш эчки, сызгъыргъаны уа, джерни джарады.
- Тулпарлыкъ, билекден тюл – джюрекден.
- Айыбны суу бла джууалмазса.
- Джан саулукъ бермей, сан саулукъ бермезсе.
- Ишленмеклик адамлыкъды.
- Ёзденликни кёбю ётюрюк.
- Акъдан къара болмаз.
- Тёрени джагъы джокъ.
- Ач бёрюге мекям джокъ.
- Орундукъ тюбюнде атылсам да, орта джиликме, де да айлан.
- Эркишини аманы тиширыуну джылатыр.
- Керилген да, ургъан кибикди.
- Чомарт джарлы болмаз.
- Билимсиз иш бармаз.
- Тюз сёз баргъан сууну тыяр.
- Бетинги сатма, малынгы сат.
- Сёз сёзню айтдырыр.
- Эр сокъур болсун, къатын тилсиз болсун.
- Джашлыкъ этмеген, башлыкъ этмез.
- Чыкълы кюнде чыкъмагъан, чыкъса къуру кирмеген.
- Ачылгъан эт джабылыр, кёрген кёз унутмаз.
- Сагъыш – къартлыкъгъа сюйюмчю.
- Джарлыны эшигин махтагъан джабар.
- Зарда марда джокъ.
- Ойнай билмеген, уруб къачар.
- Аманны къуугъан, аманлыкъ табар.
- Арбаз сайлама да, хоншу сайла.
- Сабыр джетер муратха, сабырсыз къалыр уятха.
- Айырылгъанланы айю ашар, бёлюннгенлени бёрю ашар.
- Тиширыусуз юй – отсуз от джагъа.
- Къозулугъунда тоймагъан, къойлугъунда тоймаз.
- Ата – билек, ана – джюрек!
- Ариу – кёзге, акъыл – джюрекге.
- Ауругъан – джашаудан умутчу.
- Юй ишлеген балта эшикде къалыр.
- Билмегенинги, билгеннге сор.
- Окъумагъан сокъурду, сокъур ташха абыныр!
- Джиби бир къат джетмей эди да, эки къат тарта эди.
- Сютден ауузу кюйген, суугъа юфгюре эди.
- Сагъышы джокъ – джукъучу, акъылы джокъ – къаугъачы.
- Ишлемеген – тишлемез.
"Поделиться с друзьями"
|
В новом портале это все будет)
|
|
|
|
|
|
А ещё... Создайте мобильную версию сайта. Я знаю, это вполне реально)
|
||||
|
|
|
|||
Читают тему (гостей: 1)