- Джаз бир кюнню джатсанг, къыш талай кюнню абынырса.
- Мухарны эси – ашарыкъда.
- Къуллукъчума, деб махтанма, къуллукъ – хаух джамчыды!
- Элде адам къалмаса, ит тахтагъа минер.
- Кёбню кёрген – кёб билир.
- Тил бла келеди джыр да.
- Тюз сёз баргъан сууну тыяр.
- Ушамагъан – джукъмаз.
- Ачылгъан эт джабылыр, кёрген кёз унутмаз.
- Аманны къуугъан, аманлыкъ табар.
- Тамырсыз терекге таянма – джыгъылырса.
- Махтаннган къыз, тойда джукълар.
- Кеси юйюмде мен да ханма.
- Тенгинг джокъ эсе – изле, бар эсе – сакъла!
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Къарнынг къанлынга кийирир.
- Билгенни къолу къарны джандырыр.
- Адамны адамлыгъы къыйынлыкъда айгъакъланады.
- Бермеген къол, алмайды.
- Чабакъсыз кёлге къармакъ салгъанлыкъгъа, чабакъ тутмазса.
- Эринчекни эр алмаз, эр алса да, кёл салмаз, кёл салса да, кёб бармаз!
- Узун джолну барсанг, бюгюн келирсе, къысха джолну барсанг, тамбла келирсе.
- Сютню башын джалагъан къутулур, тюбюн ичген тутулур.
- Ёлген эшек бёрюден къоркъмайды.
- Таукел тауну аудурур.
- Эркишини аманы тиширыуну джылатыр.
- Къонакъ аман болса, къонакъбай джунчур
- Чоюнну башы ачыкъ болса, итге уят керекди.
- Хар ишни да аллы къыйынды.
- Акъыл къартда, джашда тюйюлдю – башдады.
- Кёл – къызбай, къол – батыр.
- Кечеси – аяз, кюню – къыш, джарлы къаргъагъа бир аш тюш!
- Намысы болмагъанны, сыйы болмаз.
- Этни да ашады, бетни да ашады.
- Тойну къарнашы – харс, джырны къарнашы – эжиу.
- Джангыз терек къынгыр ёсер.
- Акъыллы башны – тили къысха.
- Иги сёз – джаннга азыкъ, аман сёз башха – къазыкъ.
- Окъ къызбайны джокълайды.
- Ишин билген, аны сыйын чыгъарады.
- Бети къызарыучу адамны, джюреги харам болмаз.
- Джарашыу сюйген – джалынчакъ.
- Ашхы – джыяр, аман – джояр.
- Чомартны къолу берекет.
- Баш болса, бёрк табылыр.
- Адеб джокъда, намыс джокъ.
- Байма, деб да, къууанма, джарлыма, деб да, джылама.
- Накъырданы арты керти болур.
- Уллу къазанда бишген эт, чий къалмаз.
- Айтхан – тынч, этген – къыйын.
"Поделиться с друзьями"
|
В новом портале это все будет)
|
|
|
|
|
|
А ещё... Создайте мобильную версию сайта. Я знаю, это вполне реально)
|
||||
|
|
|
|||
Читают тему (гостей: 1)