- Эки къатын алгъан – эки ташны ортасына башын салгъан.
- Харам къарнашдан, халал тенг ашхы.
- Тил – миллетни джаны.
- Ариу сёзде ауруу джокъ.
- Джол бла сёзню къыйыры джокъ.
- Ата Джуртуму башы болмасам да, босагъасында ташы болайым.
- Къолунгдан къуймакъ ашатсанг да, атаны борчундан къутулмазса.
- Кютгени беш эчки, сызгъыргъаны уа, джерни джарады.
- Джангыз терек къынгыр ёсер.
- Аш кетер да бет къалыр.
- Окъумагъан сокъурду, сокъур ташха абыныр!
- Тил – кесген бычакъ, сёз – атылгъан окъ.
- Ургъан суудан башынгы сакъла.
- Тенги кёбню джау алмаз, акъылы кёбню дау алмаз.
- Чомарт къонакъ юй иесин сыйлар.
- Рысхы – насыбха къор.
- Юй ишлеген балта эшикде къалыр.
- Атлыны кёрсе, джаяуну буту талыр.
- Къызны минг тилер, бир алыр.
- Баш болса, бёрк табылыр.
- Къонакъ аман болса, къонакъбай джунчур
- Адебни адебсизден юрен.
- Эр абынмай, эл танымаз.
- Юреннген ауруу къалмаз.
- Эте билген, этген этеди, эте билмеген, юретген этеди!
- Ат да турмайды бир териде.
- Бек ашыкъгъан меннге джетсин, дегенди аракъы.
- Байдан умут эте, джарлыдан ёгюз багъасы къорады.
- Керти сёзге тёре джокъ.
- Эл элде бирер малынг болгъандан эсе, бирер тенгинг болсун.
- Ишлемеген – тишлемез.
- Айтханы чапыракъдан ётмеген.
- Аман хансны – урлугъу кёб.
- Айтылгъан сёз ызына къайтмаз.
- Ашхылыкъ джерде джатмайды, аманлыкъ суугъа батмайды.
- Таш бла ургъанны, аш бла ур.
- Билими азны – ауузунда кирит.
- Ауурну тюбю бла, дженгилни башы бла джюрюген.
- Билмезни кёзю кёрмез, этмезни къулагъы эшитмез.
- Таукелге нюр джауар.
- Джауумдан сора, кюн кюйдюрюр, ётюрюкден сора, айыб кюйдюрюр.
- Окъуусуз билим – джокъ, билимсиз кюнюнг – джокъ.
- Ат басханны джер билед.
- Эртде тургъан бла эртде юйленнген сокъуранмаз.
- Итли къонакъ джарашмаз.
- Олтуруб кёрюнмей эди да, ёрге туруб кёрюне эди.
- Кёкдеги болмаса, джердегин кёрмейди.
- Экиндини кеч къылсанг, чабыб джетер ашхам.
- Ойнай-ойнай кёз чыгъар.
- Ауругъанны сау билмез, ач къарынны токъ билмез.
"Поделиться с друзьями"
|
В новом портале это все будет)
|
|
|
|
|
|
А ещё... Создайте мобильную версию сайта. Я знаю, это вполне реально)
|
||||
|
|
|
|||
Читают тему (гостей: 1)