- Суу ичген шауданынга тюкюрме.
- Ауругъанны сау билмез, ач къарынны токъ билмез.
- Айранын берсенг, челегин да къызгъанма.
- Дуния аламаты сен эсенг да, игиме деб айтма.
- Юй кюйдю да, кюйюз чыкъды, ортасындан тюйюш чыкъды.
- Билмегенинги, билгеннге сор.
- Ёлюк кебинсиз къалмаз.
- Бичгенде ашыкъма, тикгенде ашыкъ.
- Эли джокъну – кёлю джокъ.
- Таякъ этден ётер, тил сюекден ётер.
- Къралынгы – душмандан, башынгы от бла суудан сакъла.
- Башсыз урчукъ тюзюне айланмаз.
- Ата Джуртча джер болмаз, туугъан элча эл болмаз.
- Элде адам къалмаса, ит тахтагъа минер.
- Джарлы эскисин джамаса, къууаныр.
- Эл тойса, тоймагъан, эл къойса, къоймагъан.
- Джаханимни кёрмей, джандетге кёл салмазса.
- Къарнынг тойгъунчу аша да, белинг талгъынчы ишле.
- Ач къалгъандан, кеч къалгъан къолай.
- Арпа, будай – ащды, алтын, кюмюш а – ташды.
- Тамбла алтындан бюгюн багъыр ашхы.
- Намыс болмагъан джерде, насыб болмаз.
- Чомартны къолу берекет.
- Экеулен сёлеше тура эселе, орталарына барыб кирме.
- Къатын къылыкъсыз, эр тынчлыкъсыз.
- Ач, тоймам, дейди, тойгъан, ач болмам, дейди.
- Эски джаугъа ышанма.
- Ачны эсинде – аш.
- Нёгерсизни джолу узун.
- Болджал ишни бёрю ашар.
- Арбаз сайлама да, хоншу сайла.
- Къарнынг ауруса, ауузунгу тый
- Тура эдим джата, къайдан чыкъды хата?
- Абынмазлыкъ аякъ джокъ, джангылмазлыкъ джаякъ джокъ.
- Ашына кёре табагъы, балына кёре къалагъы.
- Ишлемеген – тишлемез.
- Къонагъынгы артмагъын алма да, алгъышын ал.
- Огъурлуну сёзю – суу, огъурсузну сёзю – уу.
- Ашхылыкъ джерде джатмайды, аманлыкъ суугъа батмайды.
- Бек ашыкъгъан меннге джетсин, дегенди аракъы.
- Къарт бла баш аша, джаш бла аякъ аша.
- Джюз элде джюз ёгюзюм болгъандан эсе, джюз джууугъум болсун.
- Чомарт къонакъ юй иесин сыйлар.
- Аурууну келиую тынч, кетиую – къыйын.
- Ариу сёзде ауруу джокъ.
- Джырына кёре эжиую.
- Адамны аты башхача, акъылы да башхады.
- Шекер бла туз – бир болмаз, ушамагъан – юй болмаз.
- Кёб джашагъан – кёб билир.
- Кёкдеги болмаса, джердегин кёрмейди.
