- Гугурук къычырмаса да, тангны атары къалмаз.
- Тюзлюк шохлукъну бегитир.
- Кёзден кетген, кёлден да кетеди.
- Тынгылагъан тынгы бузар.
- Хата – гитчеден.
- Аманны къуугъан, аманлыкъ табар.
- Окъумагъан сокъурду, сокъур ташха абыныр!
- Аш иеси бла татлыды.
- Сёз садакъдан кючлюдю.
- Нарт сёз къарт болмаз.
- Акъыл бла адеб эгизледиле.
- Адамны адамлыгъы къыйынлыкъда айгъакъланады.
- Ариу сёз – джаннга азыкъ, аман сёз – башха къазыкъ.
- Нёгерсизни джолу узун.
- Аш хазыр болса, иш харам болур.
- Эл тойса, тоймагъан, эл къойса, къоймагъан.
- Ачны эсинде – аш.
- Чабар ат – джетген къыз.
- Битмегеннге сакъал – танг.
- Бозанг болмагъан джерге, къалагъынгы сукъма.
- Аманнга алтын чыдамаз.
- Ачыу алгъа келсе, акъыл артха къалады.
- Тил джюрекге джол ишлейди.
- Чабакъ башындан чирийди.
- Ач къарынны, токъ билмез
- Кёб къычыргъандан – къоркъма, тынч олтургъандан – къоркъ.
- Окъугъан – асыу, окъумагъан – джарсыу.
- Ёлген аслан – сау чычхан.
- Телиге акъыл салгъандан эсе, ёлгеннге джан салырса.
- Къонагъынгы артмагъын алма да, алгъышын ал.
- Къызын тута билмеген, тул этер, джашын тута билмеген, къул этер.
- Ханы къызы буюгъа-буюгъа киштик болду.
- Къарнынг ауруса, ауузунгу тый
- Билими азны – ауузунда кирит.
- Тулпарлыкъ, билекден тюл – джюрекден.
- Хатерли къул болур.
- Сакъламагъан затынга джолукъсанг, не бек къууанаса, не бек ачыйса.
- Бермеген къол, алмайды.
- Ишлегенде эринме, ишде чолакъ кёрюнме.
- Ана къойну – балагъа джандет.
- Чомарт бергенин айтмаз.
- Окъуу – билимни ачхычы, окъуу – дунияны бачхычы.
- Къолунгдан къуймакъ ашатсанг да, атаны борчундан къутулмазса.
- Биреуню къыйынлыгъы бла кесинге джол ишлеме.
- Бал чибинни ургъаны – ачы, балы – татлы.
- Тай асырагъан, атха минер.
- Шайтан алдады, тюзлюк къаргъады.
- Айран ичген – къутулду, джугъусун джалагъан – тутулду.
- Уллу айтханны этмеген – уллаймаз.
- Къонакъ кёб келюучю юйню, къазаны отдан тюшмез.
