- Къолу уллу – асыу, аягъы уллу – джарсыу.
- Ана кёлю – балада, бала кёлю – талада.
- Хар ишни да аллы къыйынды.
- Миллетни бойну – базыкъ, аны бла кюрешген – джазыкъ.
- Джарлы эскисин джамаса, къууаныр.
- Керилген да, ургъан кибикди.
- Чомартны къолу берекет.
- Къыз келсе, джумуш эте келеди, къатын келсе, ушакъ эте келеди.
- Адамны джюреги нени кёрюрге сюйсе, кёзю да аны кёрюрге ёч болады.
- Эм уллу байлыкъ – джан саулукъ.
- Ариу сёзде ауруу джокъ.
- Къуллукъчума, деб махтанма, къуллукъ – хаух джамчыды!
- Сангырау къулакъ эл бузар.
- Аз сёлешген, къайгъысыз турур.
- Алтыда кюлмеген, алтмышда кюлмез.
- Урама да – ёледи, сатама да – келеди.
- Чомартха хар кюн да байрамды.
- Окъугъан – асыу, окъумагъан – джарсыу.
- Джети тилни билген джети кишиди.
- Ат да турмайды бир териде.
- Хата – гитчеден.
- Биреуге аманлыкъ этиб, кесинге игилик табмазса.
- Байны оноуу, джарлыгъа джарамаз.
- Соргъан айыб тюлдю, билмеген айыбды.
- Тик ёргени, тик энгишгеси да болады.
- Къарнынг бла ёч алма.
- Эки къатын алгъанны къулагъы тынгнгаймаз.
- Ишлемеген – тишлемез.
- Джашны джигитлиги сорулур, къызны джигерлиги сорулур.
- Азыкъ аз болса, эртде орун сал.
- Сабий болмагъан джерде, мёлек болмаз.
- Терек ауса, отунчу – кёб.
- Кюл тюбюндеги от кёрюнмейди.
- Къонакъны къачан кетерин сорма, къачан келлигин сор.
- Махтаннган къыз, тойда джукълар.
- Чёбню кёлтюрсенг, тюбюнден сёз чыгъар.
- Аллахха ийнаннган кишини, Аллах онгдурур ишин.
- Джюрекге ариу – кёзге да ариу.
- Аманны тукъумуна къарама, игини тукъумун сорма.
- Аз айтсам, кёб ангылагъыз.
- Ашатыргъа иш – ашхы, ишлетирге аш – ашхы.
- Джыланны къуйругъундан басарынг келсе, аны башы болгъанын унутма.
- Къонакъ болсанг, ийнакъ бол.
- Дууулдаса – бал чибин, къонса – къара чибин.
- Ичимден чыкъды хата, къайры барайым сата?
- Насыблы элин сюер, насыбсыз кесин сюер.
- Билеги кючлю, бирни джыгъар, билими кючлю, мингни джыгъар.
- Нарт сёз – тилни бети.
- «Ёгюз, джаргъа джууукъ барма, меннге джюк боллукъса», - дегенди эшек.
- Къатын байлыкъны сюер, эр саулукъну сюер.
