- Акъыллы эркиши атын махтар, акъылсыз эркиши къатынын махтар.
- Aдам боллукъ, сыфатындан белгили.
- Джаз бир кюнню джатсанг, къыш талай кюнню абынырса.
- Ётюрюкчюню шагъаты – къатында.
- Байлыкъ тауусулур, билим тауусулмаз.
- Ачыу алгъа келсе, акъыл артха къалады.
- Тамбла алтындан бюгюн багъыр ашхы.
- Ач да бол, токъ да бол – намысынга бек бол.
- Айтханы чапыракъдан ётмеген.
- Чёбню кёлтюрсенг, тюбюнден сёз чыгъар.
- Къолу уллу – асыу, аягъы уллу – джарсыу.
- Башынга джетмегенни сорма.
- Киштикге къанат битсе, чыпчыкъ къалмаз эди.
- Алтыда кюлмеген, алтмышда кюлмез.
- Экеу тутушса, биреу джыгъылыр.
- Эринчекни аурууу – кёб.
- Кеси юйюмде мен да ханма.
- Нарт сёз – тилни бети.
- Орну джокъну – сыйы джокъ.
- Къралынгы – душмандан, башынгы от бла суудан сакъла.
- Мухар, кеси тойса да, кёзю тоймаз.
- Эри аманны, къатыны – аман.
- Къартны бурнун сюрт да, оноугъа тут.
- Арба аугъандан сора, джол кёргюзтюучю кёб болур.
- Иги джашны ышаны – аз сёлешиб, кёб тынгылар.
- Берекет берсин деген джерде, берекет болур.
- Ашыкъгъан cуу, тенгизге джетмез.
- Эм уллу байлыкъ – джан саулукъ.
- Борчунг бар эсе, хурджунунга ойлаб узал.
- Таякъ этден ётер, тил сюекден ётер.
- Къая джолда джортма, ачыкъ сёзден къоркъма.
- Къарын къуру болса, джюрек уру болур.
- Бир онгсуз адам адет чыгъарды, деб эштирик тюлсе.
- Биреуню къыйынлыгъы бла кесинге джол ишлеме.
- Мен да «сен», дейме, сен да «кесим», дейсе.
- Къонакъ кёб келюучю юйню, къазаны отдан тюшмез.
- Ауузу бла къуш тута айланады.
- Баргъанынга кёре болур келгенинг.
- Иги адам абынса да, джангылмаз.
- Оюмсуз атлагъан, аджалсыз ёлюр.
- Ёлюк кебинсиз къалмаз.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Окъуусуз билим – джокъ, билимсиз кюнюнг – джокъ.
- Бек ашыкъгъан меннге джетсин, дегенди аракъы.
- Къызбайны юйюне дери сюрсенг, батыр болур.
- Аман адам этегингден тутса, кес да къач.
- Кийим тукъум сордурур.
- Билмегенинги, билгеннге сор.
- Ашлыкъны арба юйге келтирир, чана базаргъа элтир.
- Адам сёзюнден белгили.
Для тех хочет заработать и при этом сделать полезное дело
Читают тему (гостей: 1)