- Джогъун бар этген, барын бал этген.
- Чакъырылгъанны аты, чакъырылмагъанны багъасы болур.
- Чыкълы кюнде чыкъмагъан, чыкъса къуру кирмеген.
- Накъырданы арты керти болур.
- Аман къатын сабий табса, бий болур…
- Юй кюйдю да, кюйюз чыкъды, ортасындан тюйюш чыкъды.
- Таугъа чыгъаллыкъ эсенг, тюзде къалма.
- Дуния малгъа сатылма, кесингден телиге къатылма.
- Чомартха хар кюн да байрамды.
- Тура эдим джата, къайдан чыкъды хата?
- Иги адам абынса да, джангылмаз.
- Накъырда – кертини келечиси.
- Джашлыкъ этмеген, башлыкъ этмез.
- Элиб деген, элге болушур.
- Окъугъанны бети джарыкъ.
- Эки ойлашыб, бир сёлешген.
- Ач уят къоймаз.
- Олтуруб кёрюнмей эди да, ёрге туруб кёрюне эди.
- Байлыкъдан саулукъ ашхыды.
- Кюн – узун, ёмюр – къысха.
- Кёб джашагъан – кёб билир.
- Мухарны эси – ашарыкъда.
- Илму – джашауну джолу.
- Тенгинг джокъ эсе – изле, бар эсе – сакъла!
- Тенги кёбню джау алмаз, акъылы кёбню дау алмаз.
- Булут кёкге джарашыу, уят бетге джарашыу.
- Окъдан джара эртде-кеч болса да бителир, сёз джара, ёмюрге къалыр.
- Керилген да, ургъан кибикди.
- Зар адамны насыбы болмаз.
- Татлы сёз – балдан татлы.
- Башда акъыл болмаса, эки аякъгъа кюч джетер.
- Ашхы адам – халкъ байлыгъы, ашхы джер – джашау байлыгъы.
- Билеги кючлю, бирни джыгъар, билими кючлю, мингни джыгъар.
- Къыз тиширыу кеси юйюнде да къонакъды.
- Ата Джуртун танымагъан, атасын да танымаз.
- Ауругъанны сау билмез, ач къарынны токъ билмез.
- Чомартны къолун джокълукъ байлар.
- Джеринден айырылгъан – джети джылар, джуртундан айырылгъан – ёлгюнчю джылар.
- Сибиртки да сыйлы болду, кюрек да кюнлю болду.
- Тойгъанлыкъ къойгъа джарашады.
- Магъанасыз сёз – тауушсуз сыбызгъы.
- Мухардан ач ычхынмаз.
- Телини эшигин, махтау джабар.
- Тешик этген тынчды, аны джамагъан къыйынды.
- Агъач – джерни чырайы, кийим – эрни чырайы.
- Чарсда алчыны эл кёреди.
- Ашхы тенг джолгъа салыр, аман тенг джолдан тайдырыр.
- Огъурлуну сёзю – суу, огъурсузну сёзю – уу.
- Акъыллы башны – тили къысха.
- Чёбню кёлтюрсенг, тюбюнден сёз чыгъар.
Для тех хочет заработать и при этом сделать полезное дело
Читают тему (гостей: 1)