- Тойчу джашха къарама, къойчу джашха къара.
- Аманнга да, игиге да оноусуз къатышма.
- Аджалсыз ёлюм болмаз.
- Окъугъан – асыу, окъумагъан – джарсыу.
- Тенгинг джокъ эсе – изле, бар эсе – сакъла!
- Дууулдаса – бал чибин, къонса – къара чибин.
- Керек ташны ауурлугъу джокъ.
- Элиб деген, элге болушур.
- Эр абынмай, эл танымаз.
- Тамырсыз терекге таянма – джыгъылырса.
- Джигер – джаннга къыйынлыкъ.
- Къанны къан бла джуума, аманны аман бла къуума.
- Тюкюрюк баш джармаз, налат кёз чыгъармаз!
- Чабакъ башындан чирийди.
- Биреу къой излей, биреу той излей.
- Ауругъаннга – кийик саулукъ, джетген къызгъа – чилле джаулукъ.
- Кёпюр салгъан кеси ётер, уру къазгъан кеси кетер.
- Хар ишни да аллы къыйынды.
- Бюгюн дуния кибик, тамбла ахыратды.
- Тойгъа алгъа да барма, тойда артха да къалма.
- Кесине гебен этелмеген, биреуге черен эте эди.
- Джумушакъ терекни къурт ашар.
- Малны кют, джерни тюрт.
- Кенгеш болса, уруш болмаз.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Джылкъыдан – ат чыгъар, тукъумдан – джаш чыгъар.
- Итли къонакъ джарашмаз.
- Ёнгкюч къууана барыр, джылай келир.
- Эм уллу байлыкъ – джан саулукъ.
- Байлыкъдан саулукъ ашхыды.
- Юйлю уругъа ит чабмаз.
- Байны оноуу, джарлыгъа джарамаз.
- Эл ауузу – элек, анга ийнаннган – халек.
- Арбаз къынгырды да, ийнек сауалмайма.
- От этилмеген джерден тютюн чыкъмайды.
- Ауругъанны сау билмез, ач къарынны токъ билмез.
- Эл бла кёргенинг эрелей.
- Хунаны тюбюн къазсанг, юсюнге ауар.
- Аман адам этегингден тутса, кес да къач.
- Келгинчи, къонакъ уялыр, келгенден сора, къонакъбай уялыр.
- Айран тёгюлсе, джугъусу къалыр.
- Биреуге аманлыкъны тилеме да, кесинге ашхылыкъны тиле.
- Окъдан джара эртде-кеч болса да бителир, сёз джара, ёмюрге къалыр.
- Суугъа – таянма, джаугъа – ийнанма.
- Адеб этмеген, адеб кёрмез.
- Къозулугъунда тоймагъан, къойлугъунда тоймаз.
- Битмегеннге сакъал – танг.
- Байлыкъ адамны сокъур этер.
- Эркишиге тары кебек танг кёрюнюр.
- Ёгюзню мюйюзюнден тутадыла, адамны сёзюнден тутадыла.
Для тех хочет заработать и при этом сделать полезное дело
Читают тему (гостей: 1)