- Айырылгъанланы айю ашар, бёлюннгенлени бёрю ашар.
- Къонакъ болсанг, ийнакъ бол.
- Элни кючю – эмеген.
- Бастасын ашагъан, хантусун да ичер.
- Суу да къайтады чыкъгъан джерине.
- Адам боллукъ, атламындан белгили болур.
- Иги – алгъыш этер, аман – къаргъыш этер.
- Тойгъа барсанг, тоюб бар, эски тонунгу къоюб бар.
- Тюз сёз баргъан сууну тыяр.
- Къарын къуру болса, джюрек уру болур.
- Рысхы джалгъанды: келген да этер, кетген да этер.
- Терслик кетер, тюзлюк джетер.
- Иги сёз – джаннга азыкъ, аман сёз башха – къазыкъ.
- Къуллукъчума, деб махтанма, къуллукъ – хаух джамчыды!
- Тойгъанлыкъ къойгъа джарашады.
- Окъугъанны бети джарыкъ.
- Ауузу бла къуш тута айланады.
- Сютню башын джалагъан къутулур, тюбюн ичген тутулур.
- Эшекге миннген – биринчи айыб, андан джыгъылгъан – экинчи айыб.
- Билими азны – ауузунда кирит.
- Aдам боллукъ, сыфатындан белгили.
- Ариуну – ауруу кёб.
- Тил – кесген бычакъ, сёз – атылгъан окъ.
- Юйюнгден чыкъдынг – кюнюнгден чыкъдынг.
- Суугъа – чабакъ, къаягъа – ыргъакъ.
- Сёз – кюмюш, джыр – алтын.
- Дуния малгъа сатылма, кесингден телиге къатылма.
- Къонакъ аз олтурур, кёб сынар.
- Тилчи бир сагъатха айлыкъ хата этер.
- Алгъанда – джууукъ, бергенде – джау.
- Ишлегенде эринме, ишде чолакъ кёрюнме.
- Башынга джетмегенни сорма.
- Баланы адам этген анады.
- Ач, тоймам, дейди, тойгъан, ач болмам, дейди.
- Ашхы атаны – джашы ашхы, ашхы ананы – къызы ашхы.
- Къаллай салам берсенг, аллай джууаб алырса.
- Гугук кесини атын айтыб къычыргъанча, мен, мен деб нек тураса?
- Рысхы – насыбха къор.
- Ишни ахырын ойламай, аллын башлама.
- Халкъны джырын джырласанг, халкъ санга эжиу этер.
- Тойгъа алгъа да барма, тойда артха да къалма.
- Окъдан джара эртде-кеч болса да бителир, сёз джара, ёмюрге къалыр.
- Къолу уллу – асыу, аягъы уллу – джарсыу.
- Тешик этген тынчды, аны джамагъан къыйынды.
- Ариу сёз – джаннга азыкъ, аман сёз – башха къазыкъ.
- Джашынгы кесинг юретмесенг, джашау юретир.
- Тенги кёбню джау алмаз, акъылы кёбню дау алмаз.
- Ёлюр джаннга, ёкюл джокъ.
- Ашатыргъа иш – ашхы, ишлетирге аш – ашхы.
- Уллу айтханны этмеген – уллаймаз.
Для тех хочет заработать и при этом сделать полезное дело
Читают тему (гостей: 1)