- Бозаны арты дауур болур.
- Джаш къарыу бла кючлю, къарт акъыл бла кючлю.
- Ётюрюкню къуйругъу – бир тутум.
- Арба аугъандан сора, джол кёргюзтюучю кёб болур.
- Бёрю да ач къалмасын, эчки да ашалмасын.
- Илму – джашауну джолу.
- Булут кёкге джарашыу, уят бетге джарашыу.
- Ашатыргъа иш – ашхы, ишлетирге аш – ашхы.
- Халкъны юйю – туугъан джери.
- Байдан умут эте, джарлыдан ёгюз багъасы къорады.
- Адам сёзге тынгыла, акъыл сёзню ангыла.
- Иги адамны бир сёзю эки болмаз.
- Къолунгдан къуймакъ ашатсанг да, атаны борчундан къутулмазса.
- Кесине гебен этелмеген, биреуге черен эте эди.
- Окъумагъан сокъурду, сокъур ташха абыныр!
- Чабакъгъа акъыл, табагъа тюшсе келеди.
- Аз сёлеш, кёб ишле.
- Адамгъа аман кюн соруб келмейди.
- Керти сёзге тёре джокъ.
- Кёл ашады да, кеси ашады.
- Къарт болгъан джерде, берекет болур, сабий болгъан джерде, оюн болур.
- Джюрекден джюрекге джол барды.
- Эринчекге кюн узун.
- Баланы адам этген анады.
- Ётюрюкню башын керти кесер.
- Гырджын – тепсини тамадасы.
- Аманны къуугъан, аманлыкъ табар.
- Джукъу тёшек сайламайды.
- Ачыу алгъа келсе, акъыл артха къалады.
- Ишленмеген джаш – джюгенсиз ат, ишленмеген къыз – тузсуз хант.
- Башда акъыл болмаса, эки аякъгъа кюч джетер.
- Джашынгы кесинг юретмесенг, джашау юретир.
- Хар адамгъа кеси миннген тау кибик.
- Чабакъсыз кёлге къармакъ салгъанлыкъгъа, чабакъ тутмазса.
- Байны къызы баймакъ болса да, юйде къалмаз!
- Битмегеннге сакъал – танг.
- Чомартха Тейри да борчлуду.
- Ариуну – ауруу кёб.
- Ач бёрюге мекям джокъ.
- Тура эдим джата, къайдан чыкъды хата?
- Тынгылагъан тынгы бузар.
- Ауругъаннга – кийик саулукъ, джетген къызгъа – чилле джаулукъ.
- Къайгъыны сюйген, къайгъы табар.
- Кимни – тили, тиши онглу, кимни – къолу, иши онглу.
- Джангыз торгъай джырламаз.
- Мураты болгъанны джюрек тебюую башхады.
- Окъугъанны бети джарыкъ.
- Джарлы тюеге минсе да, ит къабар.
- Азыкъ аз болса, эртде орун сал.
- Акъыллы башны – тили къысха.
