- Халкъны джырын джырласанг, халкъ санга эжиу этер.
- Азыкълы ат арымаз, къатыны аман джарымаз.
- Тиширыусуз юй – отсуз от джагъа.
- Ёгюзню мюйюзлери ауурлукъ этмейдиле.
- Сууда джау джокъ, кёб сёзде магъана джокъ.
- Бастасын ашагъан, хантусун да ичер.
- Арба аугъандан сора, джол кёргюзтюучю кёб болур.
- Келинни – келгинчи, бёркню кийгинчи кёр.
- Эл бла кёргенинг эрелей.
- Ашаса, ашамаса да, бёрюню ауузу – къан.
- Къолунгдан къуймакъ ашатсанг да, атаны борчундан къутулмазса.
- Айран ичген – къутулду, джугъусун джалагъан – тутулду.
- Ариу сёз – къылычдан джити.
- Къонакъ аман болса, къонакъбай джунчур
- Хунаны тюбюн къазсанг, юсюнге ауар.
- Джюрекге ариу – кёзге да ариу.
- Баш болса, бёрк табылыр.
- Башсыз урчукъ тюзюне айланмаз.
- Къайтырыкъ эшигинги, къаты уруб чыкъма.
- Ёзденликни джайгъан – джокълукъ.
- Эл ауузу – элек, анга ийнаннган – халек.
- Къууут – джелге, берне – бошха.
- Джыйырма къойну юч джыйырма эбзе кюте эди.
- Айтхан сёзюне табылгъан.
- Мухарны эси – ашарыкъда.
- Этим кетсе да, сюегим къалыр.
- Уллу къазанда бишген эт, чий къалмаз.
- Таукел къуру къалмаз.
- Бермеген къол, алмайды.
- Тау башында, тау болмаз, джангыз терек, бау болмаз.
- Чалманны аллы къалай башланса, арты да алай барады.
- Джырчы ёлсе, джыры къалыр.
- Сакъ юйюне сау барыр.
- Байлыкъ болгъан джерде, тынчлыкъ джокъду.
- Чакъырылгъанны аты, чакъырылмагъанны багъасы болур.
- Иги сеники эсе да, сюйген кесимикин этеме.
- Ишлерге уял да, ашаргъа табма.
- Кюн кёрмеген, кюн кёрсе, кюндюз чыракъ джандырыр.
- Нарт сёз къарт болмаз.
- Къарыусузгъа кюлме, онгсузгъа тийме.
- Таукелге нюр джауар.
- Джаным-тиним – окъуу, билим.
- Артына баргъанны, къатына барма.
- Сабий кёргенин унутмаз.
- Эринчекге кюн узун.
- Джаханимни кёрмей, джандетге кёл салмазса.
- Алтыда кюлмеген, алтмышда кюлмез.
- Ач, тоймам, дейди, тойгъан, ач болмам, дейди.
- Намыс болмагъан джерде, насыб болмаз.
- Аз айтсам, кёб ангылагъыз.
