- Билмегенинги, билгеннге сор.
- Адеби болмагъан къыз – тузсуз хант.
- Мал тутхан – май джалар.
- Акъылсызны джууукъгъа алма, акъыллыны кенгнге салма.
- Ашлыкъны арба юйге келтирир, чана базаргъа элтир.
- Киштикге къанат битсе, чыпчыкъ къалмаз эди.
- Тай асырагъан, атха минер.
- Тилсиз миллет джокъ болур.
- Кёкдеги болмаса, джердегин кёрмейди.
- Кёбню кёрген – кёб билир.
- Кёзюнде тереги болгъан, чёбю болгъаннга кюле эди.
- Бети – къучакълар, джюреги – бычакълар.
- Хатерли къул болур.
- Сёлеш деб шай берген, тохта деб, сом берген.
- Кёл – къызбай, къол – батыр.
- Биреуге кёлтюрген таягъынг, кесинги башынга урур.
- Намысы болмагъанны, сыйы болмаз.
- Къайгъы тюбю – тенгиз.
- Акъыллы эркиши атын махтар, акъылсыз эркиши къатынын махтар.
- Ёлген аслан – сау чычхан.
- Урама да – ёледи, сатама да – келеди.
- Артына баргъанны, къатына барма.
- Тура эдим джата, къайдан чыкъды хата?
- Байдан умут эте, джарлыдан ёгюз багъасы къорады.
- Джаным-тиним – окъуу, билим.
- Эркишиге тары кебек танг кёрюнюр.
- Къарнынг ауруса, ауузунгу тый
- Гугурук къычырмаса да, тангны атары къалмаз.
- Мен да «сен», дейме, сен да «кесим», дейсе.
- Уллу атлама – абынырса, уллу къабма – къарылырса.
- Чабакъгъа акъыл, табагъа тюшсе келеди.
- Ким бла джюрюсенг, аны кёзю бла кёрюнюрсе.
- Кесинге джетмегенни, кёб сёлешме.
- Чакъырылмагъан джерге барма, чакъырылгъан джерден къалма.
- Кёлю джокъну – джолу джокъ.
- Иги джашны ышаны – аз сёлешиб, кёб тынгылар.
- Кёл ашады да, кеси ашады.
- Атлыны ашхысы, ат тизгининден билинир
- Джыйырма къойну юч джыйырма эбзе кюте эди.
- Ач къарынны, токъ билмез
- Адам сёзге тынгыла, акъыл сёзню ангыла.
- Къыйынлы джети элни къайгъысын этер.
- Аманнга да, игиге да оноусуз къатышма.
- Кёб джашагъан – кёб билир.
- Татлы тилде – сёз ариу, чемер къолда – иш ариу.
- Эл тойса, тоймагъан, эл къойса, къоймагъан.
- Хазыр ашха – терен къашыкъ.
- Этни да ашады, бетни да ашады.
- Ач бёрюге мекям джокъ.
- Джюрекге ариу – кёзге да ариу.
