- Биреуню тёрюнден, кесинги эшик артынг игиди.
- Къарын къуру болса, джюрек уру болур.
- Билимсиз иш бармаз.
- Адебсиз адам – джюгенсиз ат.
- Эки элинги тыйсанг, джети элде махталырса.
- Адеб джокъда, намыс джокъ.
- Чакъырылмай келген къонакъ сыйланмай кетер.
- Аякъларынгы джууургъанынга кёре узат.
- Акъыл аздырмаз, билим тоздурмаз.
- Иги болса, тамадама – махтау, аман болса, меннге – айыб.
- Мухардан ач ычхынмаз.
- Айтылгъан сёз ызына къайтмаз.
- Къошда джокъгъа – юлюш джокъ.
- Ёзденликни кёбю ётюрюк.
- Уллу къазанда бишген эт, чий къалмаз.
- Ариу сёз аурууунгу алыр.
- Кюн – узун, ёмюр – къысха.
- Биреуню эскиси биреуге джангы болмайды.
- Джюрекден джюрекге джол барды.
- Таугъа чыгъаллыкъ эсенг, тюзде къалма.
- Ариу сёз – джаннга азыкъ, аман сёз – башха къазыкъ.
- Байлыкъдан саулукъ ашхыды.
- Чабакъ башындан чирийди.
- Эки къатын алгъанны къулагъы тынгнгаймаз.
- Атадан ёксюз – бир ёксюз, анадан ёксюз – эки ёксюз.
- Тёрде – темир таякълы, къаяда – чыпчыкъ аякълы.
- Арбаз сайлама да, хоншу сайла.
- Ана кёлю – балада, бала кёлю – талада.
- Билген билмегенни юретген адетди.
- Ач бёрюге мекям джокъ.
- Иги – алгъыш этер, аман – къаргъыш этер.
- Кёлсюзден сёзсюз тууар.
- Босагъа таш юйге кирмей эди, тыбыр таш эшикге чыкъмай эди.
- Джылар джаш, атасыны сакъалы бла ойнар.
- Кёзю сокъурдан – къоркъма, кёлю сокъурдан – къоркъ.
- Ашлыкъны арба юйге келтирир, чана базаргъа элтир.
- Киштикге къанат битсе, чыпчыкъ къалмаз эди.
- Уллу сёзде уят джокъ.
- Халкъгъа джарагъан, джарлы къалмаз.
- Къолу уллу – асыу, аягъы уллу – джарсыу.
- Баш – акъыл ючюн, акъылман – халкъ ючюн.
- Адамны сабийин сюйген джюреги, бычакъча, джитиди.
- Минг тенг да азды, бир джау да кёбдю.
- Чабар ат – джетген къыз.
- Кёбге таш атма.
- Сёз – кюмюш, джыр – алтын.
- Къызбайны юйюне дери сюрсенг, батыр болур.
- Босагъагъа джууукъ орун болса, ашыгъыб тёрге озма.
- Окъумагъан сокъурду, сокъур ташха абыныр!
- Къайтырыкъ эшигинги, къаты уруб чыкъма.
