- Джашны джигитлиги сорулур, къызны джигерлиги сорулур.
- Сабийни джумушха джибер да, ызындан бар.
- Ата джурт – алтын бешик.
- Арыгъан къош чамчы болур.
- Экеу тутушса, биреу джыгъылыр.
- Сыфатында болмагъаны, суратында болмаз.
- Телини эшигин, махтау джабар.
- Джаш болсун, къыз болсун, акъылы, саны тюз болсун.
- Уллу къазанда бишген эт, чий къалмаз.
- Миллетни бойну – базыкъ, аны бла кюрешген – джазыкъ.
- Къыз келсе, джумуш эте келеди, къатын келсе, ушакъ эте келеди.
- Ётюрюк хапар аякъ тюбю бла джюрюйдю.
- Сёз къанатсыз учар.
- Къыз чыгъаргъан – къызыл къымжа.
- Агъач халкъгъа алтынды, иссиликге салкъынды.
- Арба аугъандан сора, джол кёргюзтюучю кёб болур.
- Ач отунчуну ачыуу – бурнунда.
- Кёл ашады да, кеси ашады.
- Джерни букъусу кёкге къонмаз.
- Бойнуму джети джерден кессенг да, мен ол ишни этеллик тюлме.
- Къонакъ болсанг, ийнакъ бол.
- Шекер бла туз – бир болмаз, ушамагъан – юй болмаз.
- Тас болгъан бычакъны сабы – алтын.
- Тил – миллетни джаны.
- Ач – эснер, ат – кишнер.
- Эркишиге тары кебек танг кёрюнюр.
- Байлыкъ келсе, акъыл кетер.
- Этек чакъмакълары баш джаргъан, сёлешген сёзлери таш джаргъан.
- Тёзгеннге, джабылгъан эшик ачылыр.
- Билим насыб берир, билим джолну керир.
- Джаш къарыу бла кючлю, къарт акъыл бла кючлю.
- Адам къыйынлыгъын кёлтюрюр, зауукълугъун кёлтюрмез.
- Хар адамгъа кеси миннген тау кибик.
- Ашына кёре табагъы, балына кёре къалагъы.
- Кёб джат да, бек чаб.
- Билими азны – ауузунда кирит.
- Окъугъанны бети джарыкъ.
- Эки къатын алгъанны къулагъы тынгнгаймаз.
- Тилчи тилден къаныкъмаз.
- Рысхы – сют юсюнде кёмюк кибикди.
- Ёлген эшек бёрюден къоркъмайды.
- Байлыкъ тауусулур, билим тауусулмаз.
- Алтыда кюлмеген, алтмышда кюлмез.
- Ариу – кёзге, акъыл – джюрекге.
- Ачлыкъда тары гырджын халыуадан татлы.
- От этилмеген джерден тютюн чыкъмайды.
- Чакъырылмай келген къонакъ сыйланмай кетер.
- Орну джокъну – сыйы джокъ.
- Тик ёргени, тик энгишгеси да болады.
- Аман къатын алгъан, арыр, иги къатын алгъан джарыр.
Внимание!!!Срочно!!!Сдаю комнату в Москве!
Читают тему (гостей: 1)