- Сагъышы джокъ – джукъучу, акъылы джокъ – къаугъачы.
- Ата Джуртуму башы болмасам да, босагъасында ташы болайым.
- Чабакъсыз кёлге къармакъ салгъанлыкъгъа, чабакъ тутмазса.
- Ата – баланы уясы.
- Айраннга суу къош, телиге джол бош.
- Бозанг болмагъан джерге, къалагъынгы сукъма.
- Дууулдаса – бал чибин, къонса – къара чибин.
- Адеб базарда сатылмаз.
- Эки элинги тыйсанг, джети элде махталырса.
- Къонагъынгы артмагъын алма да, алгъышын ал.
- Къазанны башы ачыкъ болса, итге уят керекди.
- Кесинг сынамагъан затны, адамгъа буюрма.
- Джолунга кёре – джюрюшюнг, джагъанга кёре – юлюшюнг.
- Кёзден кетген, кёлден да кетеди.
- Таякъ этден ётер, тил сюекден ётер.
- Насыблы элин сюер, насыбсыз кесин сюер.
- Джарлыны эшигин махтагъан джабар.
- Чарсда алчыны эл кёреди.
- Сескекли кесин билдирир.
- Ушамагъан – джукъмаз.
- Телини эшигин, махтау джабар.
- Тёгюлген тюгел джыйылмайды.
- Ишленмеклик адамлыкъды.
- Акъылсызны джууукъгъа алма, акъыллыны кенгнге салма.
- Джарашыу сюйген – джалынчакъ.
- Джашлыкъ этмеген, башлыкъ этмез.
- Ётюрюкню башын керти кесер.
- Байдан умут эте, джарлыдан ёгюз багъасы къорады.
- Эринчекге кюн узун.
- Кёрмегеннге кебек – танг, битмегеннге сакъал – танг.
- Ариу сёзде ауруу джокъ.
- Кёб къычыргъандан – къоркъма, тынч олтургъандан – къоркъ.
- Арба аугъандан сора, джол кёргюзтюучю кёб болур.
- Ариу сёз – джаннга азыкъ, аман сёз – башха къазыкъ.
- Уясында не кёрсе, учханында аны этер.
- Кимни – тили, тиши онглу, кимни – къолу, иши онглу.
- Къатын къылыкъсыз, эр тынчлыкъсыз.
- Аз айтсам, кёб ангылагъыз.
- Ауругъан – джашаудан умутчу.
- Къонакъ хазыр болгъанлыкъгъа, къонакъбай хазыр тюлдю.
- Тай асырагъан, атха минер.
- Билим – акъылны чырагъы.
- Мураты болгъанны джюрек тебюую башхады.
- Тилде сюек болмаса да, сюек сындырыр.
- Кёб ант этген, кёб ётюрюк айтыр.
- Акъыллы айтыр эди, акъылсыз къоймайды.
- Насыб бютеу халкъны юлюшюдю.
- Кёкдеги болмаса, джердегин кёрмейди.
- Бастасын ашагъан, хантусун да ичер.
- Башсыз урчукъ тюзюне айланмаз.
Внимание!!!Срочно!!!Сдаю комнату в Москве!
Читают тему (гостей: 1)