- Джаралыны джастыгъында сау ёлюр.
- Джукъу тёшек сайламайды.
- Уллу айтханны этмеген – уллаймаз.
- Къарнынг къанлынга кийирир.
- Джашлыкъ этмеген, башлыкъ этмез.
- Тойгъанлыкъ къойгъа джарашады.
- Нарт сёз къарт болмаз.
- Эки къатын алгъанны къулагъы тынгнгаймаз.
- Джаханимни кёрмей, джандетге кёл салмазса.
- Ачылгъан эт джабылыр, кёрген кёз унутмаз.
- Джумушакъ сёз къаты таякъны сындырыр.
- Къыз келсе, джумуш эте келеди, къатын келсе, ушакъ эте келеди.
- Ауругъан – джашаудан умутчу.
- Аман адам этегингден тутса, кес да къач.
- Олтуруб кёрюнмей эди да, ёрге туруб кёрюне эди.
- Бал – татлы, балдан да бала – татлы.
- Аман къатын сабий табса, бий болур…
- Этни бети бла шорпасы.
- Джангыз торгъай джырламаз.
- Джырчы джырчыгъа – къарнаш.
- Ургъан суудан башынгы сакъла.
- Къатын къылыкъсыз, эр тынчлыкъсыз.
- Джашда акъыл джокъ, къартда къарыу джокъ.
- Ашхы сёз таш тешер.
- Рысхы – насыбха къор.
- Джыйырма къойну юч джыйырма эбзе кюте эди.
- Кийимни бичсенг, кенг бич, тар этген къыйын тюлдю.
- Зар адамны насыбы болмаз.
- Башынга джетмегенни сорма.
- Итли къонакъ джарашмаз.
- Джумушакъ терекни къурт ашар.
- Соргъан айыб тюлдю, билмеген айыбды.
- Бек анасы джыламаз.
- Кимни – тили, тиши онглу, кимни – къолу, иши онглу.
- Оюмсуз атлагъан, аджалсыз ёлюр.
- Сагъыш – къартлыкъгъа сюйюмчю.
- Эртде тургъан бла эртде юйленнген сокъуранмаз.
- Рысхы джалгъанды: келген да этер, кетген да этер.
- Къазанчы аман болса, къазаны къайнамаз.
- Ач да бол, токъ да бол – намысынга бек бол.
- Билими азны – ауузунда кирит.
- Суу кетер, таш къалыр.
- Джаш къарыу бла кючлю, къарт акъыл бла кючлю.
- Бети – къучакълар, джюреги – бычакълар.
- Ётген ёмюр – акъгъан суу.
- Ёлюр джаннга, ёкюл джокъ.
- Ачыу алгъа келсе, акъыл артха къалады.
- Келинни – келгинчи, бёркню кийгинчи кёр.
- Юреннген ауруу къалмаз.
- Къарнынг тойгъунчу аша да, белинг талгъынчы ишле.
Внимание!!!Срочно!!!Сдаю комнату в Москве!
Читают тему (гостей: 1)