- Байны къызы баймакъ болса да, юйде къалмаз!
- Таш бла ургъанны, аш бла ур.
- Адам къыйынлыгъын кёлтюрюр, зауукълугъун кёлтюрмез.
- Акъыл къартда, джашда тюйюлдю – башдады.
- Чакъырылмагъан къонакъ – орунсуз.
- Азыкълы ат арымаз, къатыны аман джарымаз.
- Келлик заман – къартлыкъ келтирир, кетген заман – джашлыкъ ёлтюрюр.
- Къарнынг бла ёч алма.
- Дженгил джетерикме деб, узун джолну къоюб, къысхасын барма.
- Суу кетер, таш къалыр.
- Ёпкелегенни ашы татлы болады.
- Чалманны аллы къалай башланса, арты да алай барады.
- Ханы къызы буюгъа-буюгъа киштик болду.
- Кёзден кетген, кёлден да кетеди.
- Биреуню тёрюнден, кесинги эшик артынг игиди.
- Къазанчы аман болса, къазаны къайнамаз.
- Сескекли кесин билдирир.
- Нёгер болсанг, тенг бол, тенг болмасанг, кенг бол.
- Чабакъсыз кёлге къармакъ салгъанлыкъгъа, чабакъ тутмазса.
- Къралынгы – душмандан, башынгы от бла суудан сакъла.
- Бюгюн дуния кибик, тамбла ахыратды.
- Адеб джокъда, намыс джокъ.
- Башынга джетмегенни сорма.
- Къатын байлыкъны сюер, эр саулукъну сюер.
- Бет бетге къараса, бет да джерге къарар.
- Къайтырыкъ эшигинги, къаты уруб чыкъма.
- Аманнга да, игиге да оноусуз къатышма.
- Ач отунчуну ачыуу – бурнунда.
- «Ёгюз, джаргъа джууукъ барма, меннге джюк боллукъса», - дегенди эшек.
- Тенги кёбню джау алмаз, акъылы кёбню дау алмаз.
- Игилик игилик бла сингдирилиучю затды.
- Байлыкъ адамны сокъур этер.
- Билмегенинги, билгеннге сор.
- Ариу джол аджал келтирмез.
- Къарыусузгъа кюлме, онгсузгъа тийме.
- Тилчи бир сагъатха айлыкъ хата этер.
- Джарлы тюеге минсе да, ит къабар.
- Тин – байлыгъынг, терен саулугъунг.
- Тил бла келеди джыр да.
- Ашхы тенг джолгъа салыр, аман тенг джолдан тайдырыр.
- Окъугъан озар, окъумагъан тозар.
- Гугурук къычырмаса да, тангны атары къалмаз.
- Магъанасыз сёз – тауушсуз сыбызгъы.
- Адам сёзге тынгыла, акъыл сёзню ангыла.
- Кёрмегеннге кебек – танг, битмегеннге сакъал – танг.
- Адамны джюреги нени кёрюрге сюйсе, кёзю да аны кёрюрге ёч болады.
- Баш болса, бёрк табылыр.
- Азыгъы аз, алгъа къабар, аты аман, алгъа чабар.
- Рысхы – насыбха къор.
- Эркишини аманы тиширыуну джылатыр.
ДЖИРИКОВЫ (КБР И КЧР) ОТЗОВИТЕСЬ
|
ПРИВЕТ! МЕНЯ ЗОВУТ ДЖИРИКОВА ЗУХРА. ХОТЕЛОСЬ БЫ НАЙТИ СВОИХ РОДСТВЕННИКОВ И ОДНОФАМИЛЬЦЕВ. НАС МАЛО, НО МЫ-СИЛА!
|
|
|
|
|
Читают тему (гостей: 1)