- Аурууну келиую тынч, кетиую – къыйын.
- Ачыкъ джюрекге джол – ачыкъ.
- Байлыкъдан саулукъ ашхыды.
- Ишге юренсин къоллары, халкъ бла болсун джоллары.
- Кенгеш болса, уруш болмаз.
- Адамгъа аман кюн соруб келмейди.
- Бир абыннган – минг сюрюнюр.
- Намысы болмагъанны, сыйы болмаз.
- Джыйырма къойну юч джыйырма эбзе кюте эди.
- Хар адамгъа кеси миннген тау кибик.
- Босагъа таш юйге кирмей эди, тыбыр таш эшикге чыкъмай эди.
- Ёксюзню къалачы уллу кёрюнюр.
- Ашаса, ашамаса да, бёрюню ауузу – къан.
- Тёзген – тёш ашар!
- Кюлме джашха – келир башха.
- Биреу ашаб къутулур, биреу джалаб тутулур.
- Тюз сёз баргъан сууну тыяр.
- Къонакъ кёб келюучю юйню, къазаны отдан тюшмез.
- Ишин билген, аны сыйын чыгъарады.
- Эринчекге кюн узун.
- Эртде тургъан бла эртде юйленнген сокъуранмаз.
- Ханнга да келеди хариблик.
- Aдам боллукъ, сыфатындан белгили.
- Адамны аты башхача, акъылы да башхады.
- Бозаны арты дауур болур.
- Иги болса, тамадама – махтау, аман болса, меннге – айыб.
- Кёз – сюйген джерде, къол – ауругъан джерде.
- Аманны тукъумуна къарама, игини тукъумун сорма.
- Тюзню ётмеги тюзде къалса да, тас болмаз.
- Баш – акъыл ючюн, акъылман – халкъ ючюн.
- Гитче джилтин уллу элни джандырыр.
- Кийимни бичсенг, кенг бич, тар этген къыйын тюлдю.
- Окъдан джара эртде-кеч болса да бителир, сёз джара, ёмюрге къалыр.
- Къыз чыгъаргъан – къызыл къымжа.
- Ашыкъгъан cуу, тенгизге джетмез.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Чоюнну башы ачыкъ болса, итге уят керекди.
- Башда акъыл болмаса, эки аякъгъа кюч джетер.
- Этни да ашады, бетни да ашады.
- Кесине оноу эте билмеген, халкъына да эте билмез.
- Кесинг сынамагъан затны, адамгъа буюрма.
- Азыкълы ат арымаз, къатыны аман джарымаз.
- Кеси юйюмде мен да ханма.
- Къралынгы – душмандан, башынгы от бла суудан сакъла.
- Къаллай салам берсенг, аллай джууаб алырса.
- Аууздан келген, къолдан келсе, ким да патчах болур эди.
- Арыгъан къош чамчы болур.
- Накъырданы арты керти болур.
- Келгинчи, къонакъ уялыр, келгенден сора, къонакъбай уялыр.
- Эркиши – от, тиширыу – суу.
ДЖИРИКОВЫ (КБР И КЧР) ОТЗОВИТЕСЬ
|
ПРИВЕТ! МЕНЯ ЗОВУТ ДЖИРИКОВА ЗУХРА. ХОТЕЛОСЬ БЫ НАЙТИ СВОИХ РОДСТВЕННИКОВ И ОДНОФАМИЛЬЦЕВ. НАС МАЛО, НО МЫ-СИЛА!
|
|
|
|
|
Читают тему (гостей: 1)