- Абынмазлыкъ аякъ джокъ, джангылмазлыкъ джаякъ джокъ.
- Аманнга да, игиге да оноусуз къатышма.
- Ишлегенден, къарагъан уста.
- Суу да къайтады чыкъгъан джерине.
- Бермеген къол, алмайды.
- Аууз сакълагъан – джан сакълар.
- Киштикге къанат битсе, чыпчыкъ къалмаз эди.
- Джаханимни кёрмей, джандетге кёл салмазса.
- Къарыусузгъа кюлме, онгсузгъа тийме.
- Аз айтсам, кёб ангылагъыз.
- Адебни адебсизден юрен.
- Азыкълы ат арымаз, къатыны аман джарымаз.
- Ашарыкъда сайлагъаннга – чий гырджын.
- Ёксюзню тилеги къабыл болур.
- Ариуну – ауруу кёб.
- Халкъгъа джарагъан, джарлы къалмаз.
- Дуния малгъа сатылма, кесингден телиге къатылма.
- Джырына кёре эжиую.
- Оюмсуз атлагъан, аджалсыз ёлюр.
- Иги болса, тамадама – махтау, аман болса, меннге – айыб.
- Мухардан ач ычхынмаз.
- Тойчу джашха къарама, къойчу джашха къара.
- Кийимни бичсенг, кенг бич, тар этген къыйын тюлдю.
- Окъ къызбайны джокълайды.
- Джиби бир къат джетмей эди да, эки къат тарта эди.
- Кюн – узун, ёмюр – къысха.
- Бозанг болмагъан джерге, къалагъынгы сукъма.
- Ариу – кёзге, акъыл – джюрекге.
- Таш бла ургъанны, аш бла ур.
- Тюзню ётмеги тюзде къалса да, тас болмаз.
- Эрни эр этерик да, къара джер этерик да, тиширыуду.
- Адеби болмагъан къыз – тузсуз хант.
- Ханнга да келеди хариблик.
- Бир абыннган – минг сюрюнюр.
- Хансыз джомакъ болмаз.
- Джарашыу сюйген – джалынчакъ.
- Тил – кесген бычакъ, сёз – атылгъан окъ.
- Ёнгкюч къууана барыр, джылай келир.
- Кёпюр салгъан кеси ётер, уру къазгъан кеси кетер.
- Джумушакъ сёз къаты таякъны сындырыр.
- Ач къарным, тынч къулагъым.
- Акъыл сабырлыкъ берир.
- Дуния аламаты сен эсенг да, игиме деб айтма.
- Адеб этмеген, адеб кёрмез.
- Кёб къычыргъандан – къоркъма, тынч олтургъандан – къоркъ.
- Ата Джуртун танымагъан, атасын да танымаз.
- Таукел адам тау тешер.
- Тамчы таш тешер.
- Къанны къан бла джуума, аманны аман бла къуума.
- Акъыл неден да кючлюдю.
