- Ёнгкюч къууана барыр, джылай келир.
- Алим болгъандан эсе, адам болгъан къыйынды.
- Окъ къызбайны джокълайды.
- Къаллай салам берсенг, аллай джууаб алырса.
- Этим кетсе да, сюегим къалыр.
- Керилген да, ургъан кибикди.
- Терек ауса, отунчу – кёб.
- Олтуруб кёрюнмей эди да, ёрге туруб кёрюне эди.
- Акъыллы эркиши атын махтар, акъылсыз эркиши къатынын махтар.
- Тойгъанлыкъ къойгъа джарашады.
- Чакъырылмагъан къонакъ къачан кетерин сормаз.
- Кютгени беш эчки, сызгъыргъаны уа, джерни джарады.
- Ана – юйню кюн джарыгъы.
- Ёзденликни джайгъан – джокълукъ.
- Ёлюк кебинсиз къалмаз.
- Джетген къыз джерли эшекни танымаз.
- Джангызны оту джарыкъ джанмаз!
- Уллу сёлешме да, уллу къаб.
- Къарнынг тойгъунчу аша да, белинг талгъынчы ишле.
- Уллу айтханны этмеген – уллаймаз.
- Мал кёб болса, джууукъ кёб болур.
- Аджал соруб келмез, келсе, къайтыб кетмез.
- Ариу сёз – джаннга азыкъ, аман сёз – башха къазыкъ.
- Биреуню къыйынлыгъы бла кесинге джол ишлеме.
- Ариу сёз аурууунгу алыр.
- Башда акъыл болмаса, эки аякъгъа кюч джетер.
- Эли джокъну – кёлю джокъ.
- Душманны тышы – акъ, ичи – къара.
- Тёзген – тёш ашар!
- Ашына кёре табагъы, балына кёре къалагъы.
- Къонагъынгы артмагъын алма да, алгъышын ал.
- Къуллукъчума, деб махтанма, къуллукъ – хаух джамчыды!
- Аз айтсам, кёб ангылагъыз.
- Ханы къызы буюгъа-буюгъа киштик болду.
- Чарсда алчыны эл кёреди.
- Кирсизни – саны таза, халалны – къаны таза.
- Телини эшигин, махтау джабар.
- Насыблы элин сюер, насыбсыз кесин сюер.
- Эркишиге тары кебек танг кёрюнюр.
- Нёгерсизни джолу узун.
- Къыз чыгъаргъан – къызыл къымжа.
- Нарт сёз – тилни бети.
- Къралынгы – душмандан, башынгы от бла суудан сакъла.
- Суу кетер, таш къалыр.
- Джарашыу сюйген – джалынчакъ.
- Къатын къылыкъсыз, эр тынчлыкъсыз.
- Айран тёгюлсе, джугъусу къалыр.
- Аман адам элни бир-бирине джау этер.
- Байлыкъдан саулукъ ашхыды.
- Мен да «сен», дейме, сен да «кесим», дейсе.
