- Ауругъанны сау билмез, ач къарынны токъ билмез.
- Ат басханны джер билед.
- Экеу тутушса, биреу джыгъылыр.
- Къарт болгъан джерде, берекет болур, сабий болгъан джерде, оюн болур.
- Эки элинги тыйсанг, джети элде махталырса.
- Мухар, кеси тойса да, кёзю тоймаз.
- Кёлю джокъну – джолу джокъ.
- Кёкдеги болмаса, джердегин кёрмейди.
- Арба аугъандан сора, джол кёргюзтюучю кёб болур.
- Адамны артындан къара сабан сюрме.
- Эл бла кёргенинг эрелей.
- Ашаса, ашамаса да, бёрюню ауузу – къан.
- Кёз – сюйген джерде, къол – ауругъан джерде.
- Бет бетге къараса, бет да джерге къарар.
- Джылкъыдан – ат чыгъар, тукъумдан – джаш чыгъар.
- Ётюрюкден тюбю джокъ, кёлтюрюрге джиби джокъ.
- Аманнга алтын чыдамаз.
- Уллу къазанда бишген эт, чий къалмаз.
- Къралынгы – душмандан, башынгы от бла суудан сакъла.
- Ёгюзню мюйюзлери ауурлукъ этмейдиле.
- Эки къатын алгъанны къулагъы тынгнгаймаз.
- Ашхы адам – халкъ байлыгъы, ашхы джер – джашау байлыгъы.
- Къызын тута билмеген, тул этер, джашын тута билмеген, къул этер.
- Джан саулукъ бермей, сан саулукъ бермезсе.
- Айран тёгюлсе, джугъусу къалыр.
- Хаухну атма, ёнгкючню сатма.
- Адеби болмагъан къыз – тузсуз хант.
- Ишленмеген джаш – джюгенсиз ат, ишленмеген къыз – тузсуз хант.
- Зарда марда джокъ.
- Юреннген ауруу къалмаз.
- Къазанчы аман болса, къазаны къайнамаз.
- Тилчиден кери бол.
- Эринчекге кюн узун.
- Сормай – алма, чакъырылмай – барма.
- Урунуу – насыбны анасы.
- Нёгер болсанг, тенг бол, тенг болмасанг, кенг бол.
- Тилчи тилден къаныкъмаз.
- Ашхы сёз таш тешер.
- Эки итни арасына сюек атма, эки адамны арасында сёз чыгъарма.
- Ариу сёз аурууунгу алыр.
- Акъыл неден да кючлюдю.
- Иги джашны ышаны – аз сёлешиб, кёб тынгылар.
- Ашхылыкъ джерде джатмайды, аманлыкъ суугъа батмайды.
- Ойнай-ойнай кёз чыгъар.
- Аш иеси бла татлыды.
- Тилчи бир сагъатха айлыкъ хата этер.
- Тин – байлыгъынг, терен саулугъунг.
- Акъдан къара болмаз.
- Джол бла сёзню къыйыры джокъ.
- Къалгъан ишге къар джауар.
Ко дню рождения Эльбы: номинации для форумчан
|
Tayлy
сдала! чему очень рада  СОХТА  рано подметать! я еще сорить буду семечками  |
|
|
|
|
|
NAKA
ну сори.. я серавно ж подметаю |
|
|
|
|
Читают тему (гостей: 1)