- Джарлы тюеге минсе да, ит къабар.
- Тёрени джагъы джокъ.
- Урунуу – насыбны анасы.
- Эркишини аманы тиширыуну джылатыр.
- Билгенни къолу къарны джандырыр.
- Билим насыб берир, билим джолну керир.
- Хоншуну тауугъу къаз кёрюнюр, келини къыз кёрюнюр.
- Бек анасы джыламаз.
- Къарнынг бла ёч алма.
- Накъырда – кертини келечиси.
- Баланы адам этген анады.
- Мадар болса, къадар болур.
- Ишни ахырын ойламай, аллын башлама.
- Чакъырылмагъан джерге барма, чакъырылгъан джерден къалма.
- Ишленмеклик адамлыкъды.
- Биреуге кёлтюрген таягъынг, кесинги башынга урур.
- Накъырданы арты керти болур.
- Миллетни бойну – базыкъ, аны бла кюрешген – джазыкъ.
- Таугъа чыгъаллыкъ эсенг, тюзде къалма.
- Минг тенг да азды, бир джау да кёбдю.
- Гугук кесини атын айтыб къычыргъанча, мен, мен деб нек тураса?
- Мени джылытмагъан кюн, меннге тиймесин!
- Келлик заман – къартлыкъ келтирир, кетген заман – джашлыкъ ёлтюрюр.
- Чабакъсыз кёлге къармакъ салгъанлыкъгъа, чабакъ тутмазса.
- Кёб джат да, бек чаб.
- Баргъанынга кёре болур келгенинг.
- Тил – кесген бычакъ, сёз – атылгъан окъ.
- Тёзген – тёш ашар!
- Мен да «сен», дейме, сен да «кесим», дейсе.
- Юйюнг бла джау болгъандан эсе, элинг бла джау бол.
- Байлыкъ тауусулур, билим тауусулмаз.
- Ашхы тенг джолгъа салыр, аман тенг джолдан тайдырыр.
- Сабий болмагъан джерде, мёлек болмаз.
- Айраннга суу къош, телиге джол бош.
- Уллу атлама – абынырса, уллу къабма – къарылырса.
- Кёзюнде тереги болгъан, чёбю болгъаннга кюле эди.
- Кёз – сюйген джерде, къол – ауругъан джерде.
- Дженгил джетерикме деб, узун джолну къоюб, къысхасын барма.
- Намысы болмагъанны, сыйы болмаз.
- Ач, тоймам, дейди, тойгъан, ач болмам, дейди.
- Акъыллы – эл иеси, тели – эл баласы.
- Бёрю да ач къалмасын, эчки да ашалмасын.
- Сабыр джетер муратха, сабырсыз къалыр уятха.
- Къозулугъунда тоймагъан, къойлугъунда тоймаз.
- Махтаннган къыз, тойда джукълар.
- Берекет берсин деген джерде, берекет болур.
- Эринчекге кюн узун.
- Ач – эснер, ат – кишнер.
- Намыс болмагъан джерде, насыб болмаз.
- Суу ичген шауданынга тюкюрме.
Общедоступный электронный банк документов 'Подвиг народа' www.podvignaroda.mil.ru/ - Сохраненная коп
|
Общедоступный электронный банк документов 'Подвиг народа'
www.podvignaroda.mil.ru/ - Сохраненная копия Общедоступный электронный банк документов ?Подвиг Народа в Великой Отечественной войне 1941-1945 гг.? О ПРОЕКТЕ. КАК РАБОТАТЬ. ОТЗЫВЫ ... Здесь размещены документы времен Великой Отечественной войны, в том числе и Наградные листы.Я прочитал про подвиги более 400 карачаевцев. |
|
|
|
|
|
лалаш какаш улу
 |
||||
|
|
|
|||
Читают тему (гостей: 1)