- Кесине оноу эте билмеген, халкъына да эте билмез.
- Аманны тукъумуна къарама, игини тукъумун сорма.
- Эли джокъну – кёлю джокъ.
- Эр абынмай, эл танымаз.
- Ханнга да келеди хариблик.
- Тилде сюек болмаса да, сюек сындырыр.
- Адам сёзге тынгыла, акъыл сёзню ангыла.
- Керилген да, ургъан кибикди.
- Гитче джилтин уллу элни джандырыр.
- Билим ат болуб да чабар, къуш болуб да учар.
- Аджашхан тёгерек айланыр.
- Аманны къуугъан, аманлыкъ табар.
- Тили узунну, намысы – къысха.
- Байны оноуу, джарлыгъа джарамаз.
- Эте билген, этген этеди, эте билмеген, юретген этеди!
- Аджал соруб келмез, келсе, къайтыб кетмез.
- Накъырда – кертини келечиси.
- Юреннген ауруу къалмаз.
- Къатын къылыкъсыз, эр тынчлыкъсыз.
- Тай асырагъан, атха минер.
- Абынмазлыкъ аякъ джокъ, джангылмазлыкъ джаякъ джокъ.
- Аманнга игилик этсенг, юйюнге сау бармазса.
- Минг тенг да азды, бир джау да кёбдю.
- Бети – къучакълар, джюреги – бычакълар.
- Джаз бир кюнню джатсанг, къыш талай кюнню абынырса.
- Намыс сатылыб алынмайды.
- Эркишиге тары кебек танг кёрюнюр.
- Джылкъыдан – ат чыгъар, тукъумдан – джаш чыгъар.
- Ышармагъан – кюлмез, кюлмеген – къууанчны билмез.
- Тойгъан антын унутур.
- Юйюнгден чыкъдынг – кюнюнгден чыкъдынг.
- Керти сёзге тёре джокъ.
- Кесинге джетмегенни, кёб сёлешме.
- Агъач – джерни чырайы, кийим – эрни чырайы.
- Сёз къанатсыз учар.
- Экеулен сёлеше тура эселе, орталарына барыб кирме.
- Джумушакъ терекни къурт ашар.
- Сормай – алма, чакъырылмай – барма.
- Нёгер болсанг, тенг бол, тенг болмасанг, кенг бол.
- Биреуге аманлыкъны тилеме да, кесинге ашхылыкъны тиле.
- Кёкдеги болмаса, джердегин кёрмейди.
- Элге къуллукъ этмеген, элге ие болмаз.
- Хазыр ашха – терен къашыкъ.
- Тил – миллетни джаны.
- Аджалсыз ёлюм болмаз.
- Джырчы ёлсе, джыры къалыр.
- Тюз сёз баргъан сууну тыяр.
- Тилсиз миллет джокъ болур.
- Таш ата билмеген, башына урур.
- Элни кючю – эмеген.
Сказки народов Кавказа в одном издании. Совместный проект Эльбрусоида и РКНК
Читают тему (гостей: 1)