- Ашхы атаны – джашы ашхы, ашхы ананы – къызы ашхы.
- Миллетни бойну – базыкъ, аны бла кюрешген – джазыкъ.
- Таула не мийик болсала да, аууш табылыр.
- Ашыкъгъан cуу, тенгизге джетмез.
- Ашыкъгъанны этеги бутуна чырмалыр.
- Телини эшигин, махтау джабар.
- Ашын ашагъанынгы, башын да сыйла.
- Битмегеннге сакъал – танг.
- Тюзлюк тас болмайды.
- Тойгъа алгъа да барма, тойда артха да къалма.
- Ашда уялгъан – мухар, ишде уялгъан – хомух.
- Джукъу тёшек сайламайды.
- Кёлю джокъну – джолу джокъ.
- Атадан ёксюз – бир ёксюз, анадан ёксюз – эки ёксюз.
- Аман адам этегингден тутса, кес да къач.
- Эрни эр этерик да, къара джер этерик да, тиширыуду.
- Ёлген аслан – сау чычхан.
- Къолу уллу – асыу, аягъы уллу – джарсыу.
- Аманнга игилик этсенг, юйюнге сау бармазса.
- Элде адам къалмаса, ит тахтагъа минер.
- Джылар джаш, атасыны сакъалы бла ойнар.
- Бетинги сатма, малынгы сат.
- Хар адамгъа кеси миннген тау кибик.
- Адамны аты башхача, акъылы да башхады.
- Мухардан ач ычхынмаз.
- Ат да турмайды бир териде.
- Иги адам абынса да, джангылмаз.
- Къалгъан ишге къар джауар.
- Ёзденликни кёбю ётюрюк.
- Биреу къой излей, биреу той излей.
- Эл ауузу – элек, анга ийнаннган – халек.
- Джылыгъа джылан илешир.
- Айтхан – тынч, этген – къыйын.
- Акъыллы айтыр эди, акъылсыз къоймайды.
- Дууулдаса – бал чибин, къонса – къара чибин.
- Кёб джат да, бек чаб.
- Аманны тукъумуна къарама, игини тукъумун сорма.
- Ашына кёре табагъы, балына кёре къалагъы.
- Джарлы джети элни сёзюн этер.
- Нёгер болсанг, тенг бол, тенг болмасанг, кенг бол.
- Джиби бир къат джетмей эди да, эки къат тарта эди.
- Баш болса, бёрк табылыр.
- Айраннга суу къош, телиге джол бош.
- Кёл – къызбай, къол – батыр.
- Адамгъа аман кюн соруб келмейди.
- Ёлген эшек бёрюден къоркъмайды.
- Тик ёргени, тик энгишгеси да болады.
- Джолунга кёре – джюрюшюнг, джагъанга кёре – юлюшюнг.
- Ашлыкъ – бюртюкден, джюн – тюкден.
- Адам бла мюлк юлешмеген эсенг, ол адамны билиб бошагъанма, деб кесинги алдама.
Сказки народов Кавказа в одном издании. Совместный проект Эльбрусоида и РКНК
Читают тему (гостей: 1)