- Тас болгъан бычакъны сабы – алтын.
- Тил джюрекге джол ишлейди.
- Намыс болмагъан джерде, насыб болмаз.
- Аджал соруб келмез, келсе, къайтыб кетмез.
- Арба аугъандан сора, джол кёргюзтюучю кёб болур.
- Ата Джуртуму башы болмасам да, босагъасында ташы болайым.
- Ишге юренсин къоллары, халкъ бла болсун джоллары.
- Дууулдаса – бал чибин, къонса – къара чибин.
- Къыйынлы джети элни къайгъысын этер.
- Айраннга суу къош, телиге джол бош.
- Ауругъанны сау билмез, ач къарынны токъ билмез.
- Кёз – сюйген джерде, къол – ауругъан джерде.
- Окъугъан – асыу, окъумагъан – джарсыу.
- Къартха ушагъан джаш – акъыллы, джашха ушагъан къарт – тели.
- Джарлы эскисин джамаса, къууаныр.
- Юйюнгден чыкъдынг – кюнюнгден чыкъдынг.
- Ойнай билмеген, уруб къачар.
- Ашхы атаны – джашы ашхы, ашхы ананы – къызы ашхы.
- Къарт айтханны этмеген, къартаймаз.
- Тенгинг джокъ эсе – изле, бар эсе – сакъла!
- Арпа, будай – ащды, алтын, кюмюш а – ташды.
- Къумурсхала джыйылсала, пилни да джыгъадыла.
- Къолу уллу – асыу, аягъы уллу – джарсыу.
- Уллу сёзде уят джокъ.
- Ат да турмайды бир териде.
- Къарнынг къанлынга кийирир.
- Таукел къуру къалмаз.
- Сёз – кюмюш, джыр – алтын.
- Башсыз урчукъ тюзюне айланмаз.
- Сёз къанатсыз учар.
- Бети – къучакълар, джюреги – бычакълар.
- Сёлеш деб шай берген, тохта деб, сом берген.
- Тёзген – тёш ашар!
- Сангырау къулакъ эл бузар.
- Сютден ауузу кюйген, суугъа юфгюре эди.
- Тойгъа барсанг, тоюб бар, эски тонунгу къоюб бар.
- Айтхан – тынч, этген – къыйын.
- Айран тёгюлсе, джугъусу къалыр.
- Иги адамны бир сёзю эки болмаз.
- Оюмсуз атлагъан, аджалсыз ёлюр.
- Байны оноуу, джарлыгъа джарамаз.
- Таула не мийик болсала да, аууш табылыр.
- Джарашыу сюйген – джалынчакъ.
- Уллу айтханны этмеген – уллаймаз.
- Джолунга кёре – джюрюшюнг, джагъанга кёре – юлюшюнг.
- Юй ишлеген балта эшикде къалыр.
- Джыйырма къойну юч джыйырма эбзе кюте эди.
- Кюл тюбюндеги от кёрюнмейди.
- Сакъламагъан затынга джолукъсанг, не бек къууанаса, не бек ачыйса.
- Берекет берсин деген джерде, берекет болур.
Сказки народов Кавказа в одном издании. Совместный проект Эльбрусоида и РКНК
Читают тему (гостей: 1)