- Къулакъдан эсе, кёзге ышан.
- Хар адамгъа кеси миннген тау кибик.
- Аш иеси бла татлыды.
- Окъугъанны бети джарыкъ.
- Къууут – джелге, берне – бошха.
- Мадар болса, къадар болур.
- Аман эсирсе, юйюн ояр.
- Танг атмайма десе да, кюн къоярыкъ тюйюлдю.
- Кимни – тили, тиши онглу, кимни – къолу, иши онглу.
- Насыблы элин сюер, насыбсыз кесин сюер.
- Ана къойну – балагъа джандет.
- Аш кетер да бет къалыр.
- Бозаны арты дауур болур.
- Тюзлюк шохлукъну бегитир.
- Айтылгъан буйрукъ, сёгюлмез
- Чабакъ башындан чирийди.
- Ариу джол аджал келтирмез.
- Ач – эснер, ат – кишнер.
- Арбаз къынгырды да, ийнек сауалмайма.
- Азыкълы ат арымаз, къатыны аман джарымаз.
- Игилик игилик бла сингдирилиучю затды.
- Эли джокъну – кёлю джокъ.
- Сакъламагъан затынга джолукъсанг, не бек къууанаса, не бек ачыйса.
- Эр абынмай, эл танымаз.
- Окъдан джара эртде-кеч болса да бителир, сёз джара, ёмюрге къалыр.
- Уллу сёзде уят джокъ.
- Берекет берсин деген джерде, берекет болур.
- Эки итни арасына сюек атма, эки адамны арасында сёз чыгъарма.
- Джангыз терек къынгыр ёсер.
- Таякъ этден ётер, тил сюекден ётер.
- Ата Джуртун танымагъан, атасын да танымаз.
- Адамны артындан къара сабан сюрме.
- Эркиши – от, тиширыу – суу.
- Терслик кетер, тюзлюк джетер.
- Кёлю джокъну – джолу джокъ.
- Керек ташны ауурлугъу джокъ.
- Билим къая тешер.
- Ёлюк кебинсиз къалмаз.
- Алим болгъандан эсе, адам болгъан къыйынды.
- Таукелге нюр джауар.
- Баланы адам этген анады.
- Тил – миллетни джаны.
- Джогъун бар этген, барын бал этген.
- Кёб джашагъан – кёб билир.
- Керилген да, ургъан кибикди.
- Кёбге таш атма.
- Биреуню къыйынлыгъы бла кесинге джол ишлеме.
- Сабийликде юретмесенг, уллу болса – тюзелмез.
- Ишни аллы бла къууанма да, арты бла къууан.
- Билим – акъылны чырагъы.
ARSENAL 2011 Осень
|
без предварительной записи?
|
||||
|
|
|
|||
Читают тему (гостей: 1)