- Байлыкъдан саулукъ ашхыды.
- Джарлыны эшигин махтагъан джабар.
- Аллахдан тилесенг, кёб тиле.
- Туз, гырджын аша, тюзлюк бла джаша.
- Келинин тута билмеген, къул этер, къызын тута билмеген, тул этер.
- Ана къойну – балагъа джандет.
- Къызны минг тилер, бир алыр.
- Сёлеш деб шай берген, тохта деб, сом берген.
- Тюкюрюк баш джармаз, налат кёз чыгъармаз!
- Къолунгдан къуймакъ ашатсанг да, атаны борчундан къутулмазса.
- «Ёгюз, джаргъа джууукъ барма, меннге джюк боллукъса», - дегенди эшек.
- Къартны сыйын кёрмеген, къартлыгъында сыйлы болмаз.
- Элге къуллукъ этмеген, элге ие болмаз.
- Биреуге аманлыкъ этиб, кесинге игилик табмазса.
- Хазыр ашха – терен къашыкъ.
- Къолу уллу – асыу, аягъы уллу – джарсыу.
- Халкъгъа джарагъан, джарлы къалмаз.
- Ашыкъгъан cуу, тенгизге джетмез.
- Эркишини аманы тиширыуну джылатыр.
- Уясында не кёрсе, учханында аны этер.
- Атлыны кёрсе, джаяуну буту талыр.
- Чыкълы кюнде чыкъмагъан, чыкъса къуру кирмеген.
- Сабий болмагъан джерде, мёлек болмаз.
- Телиге акъыл салгъандан эсе, ёлгеннге джан салырса.
- Ётюрюкден тюбю джокъ, кёлтюрюрге джиби джокъ.
- Ишлерге уял да, ашаргъа табма.
- Эринчекни аурууу – кёб.
- Нарт сёз къарт болмаз.
- Тёрде – темир таякълы, къаяда – чыпчыкъ аякълы.
- Хоншуну тауугъу къаз кёрюнюр, келини къыз кёрюнюр.
- Аллахха ийнаннган кишини, Аллах онгдурур ишин.
- Эринчекге кюн узун.
- Халкъны джырын джырласанг, халкъ санга эжиу этер.
- Дуния мал дунияда къалады.
- Ариу сёз джыланны орнундан чыгъарыр.
- Сабийни джумушха джибер да, ызындан бар.
- Чомарт бергенин айтмаз.
- Аджаллыгъа окъсуз шкок атылыр.
- Эринчекни эр алмаз, эр алса да, кёл салмаз, кёл салса да, кёб бармаз!
- Тил – миллетни джаны.
- Илму – джашауну джолу.
- Керек ташны ауурлугъу джокъ.
- Биреуню эскиси биреуге джангы болмайды.
- Кёб джашагъан – кёб билир.
- Адам сёзюнден белгили.
- Берекет берсин деген джерде, берекет болур.
- Кёкдеги болмаса, джердегин кёрмейди.
- Адам туугъан джеринде, ит тойгъан джеринде.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Келгинчи, къонакъ уялыр, келгенден сора, къонакъбай уялыр.
ARSENAL 2011 Осень
|
без предварительной записи?
|
||||
|
|
|
|||
Читают тему (гостей: 1)