- Оюмсуз атлагъан, аджалсыз ёлюр.
- Биреуге кёлтюрген таягъынг, кесинги башынга урур.
- Сабийни джумушха джибер да, ызындан бар.
- Ётюрюкчюню шагъаты – къатында.
- Кийиминг бла танылма, адамлыкъ бла таныл.
- Эри аманны, къатыны – аман.
- Игини сыйлагъан адетди.
- Алим болгъандан эсе, адам болгъан къыйынды.
- Ашхы тенг джолгъа салыр, аман тенг джолдан тайдырыр.
- Намысы джокъну – дуниясы джокъ.
- Кёзден кетген, кёлден да кетеди.
- Ханнга да келеди хариблик.
- Акъдан къара болмаз.
- Къазанда болса, чолпугъа чыгъар.
- Джашны джигитлиги сорулур, къызны джигерлиги сорулур.
- Керти сёзге тёре джокъ.
- Аурууну келиую тынч, кетиую – къыйын.
- Келгинчи, къонакъ уялыр, келгенден сора, къонакъбай уялыр.
- Чакъырылмагъан къонакъ къачан кетерин сормаз.
- Билимли ёлмез, билимсиз кёрмез.
- Аманны тукъумуна къарама, игини тукъумун сорма.
- Гыдай эчки суугъа къараб, мюйюзле кёрмесе, джашма алкъын, дегенди.
- Бет бетге къараса, бет да джерге къарар.
- Ёгюзню мюйюзюнден тутадыла, адамны сёзюнден тутадыла.
- Ётюрюкден тюбю джокъ, кёлтюрюрге джиби джокъ.
- Айранны сюйген, ийнек тутар.
- Джети тилни билген джети кишиди.
- Эшекни не къадар тюйсенг да, ат болмаз.
- Махтаннган къыз, тойда джукълар.
- Эл тойса, тоймагъан, эл къойса, къоймагъан.
- Сормай – алма, чакъырылмай – барма.
- Сёз сёзню айтдырыр.
- Биреу къой излей, биреу той излей.
- Чакъырылмагъан къонакъ тёрге атламаз.
- Тойгъанлыкъ къойгъа джарашады.
- Къонагъынгы артмагъын алма да, алгъышын ал.
- Тёрдеги кюлсе, эшикдеги ышарыр.
- Тёзген – тёш ашар!
- Джумушакъ сёз къаты таякъны сындырыр.
- Къайгъыны сюйген, къайгъы табар.
- Байлыкъ адамны сокъур этер.
- Билмейме деген – бир сёз
- Аш иеси бла татлыды.
- Тамырсыз терекге таянма – джыгъылырса.
- Атадан ёксюз – бир ёксюз, анадан ёксюз – эки ёксюз.
- Хар зат кесини орнуна иги.
- Хазыр ашха – терен къашыкъ.
- Аллахха ийнаннган кишини, Аллах онгдурур ишин.
- Кенгеш болса, уруш болмаз.
- Аз айтсам, кёб ангылагъыз.
