- Адеб базарда сатылмаз.
- Эл ауузу – элия.
- Чёбню кёлтюрсенг, тюбюнден сёз чыгъар.
- Ашлыкъ – бюртюкден, джюн – тюкден.
- Къая джолда джортма, ачыкъ сёзден къоркъма.
- Эшекни не къадар тюйсенг да, ат болмаз.
- Керек ташны ауурлугъу джокъ.
- Биреу къой излей, биреу той излей.
- Эшекге миннген – биринчи айыб, андан джыгъылгъан – экинчи айыб.
- Гугук кесини атын айтыб къычыргъанча, мен, мен деб нек тураса?
- Магъанасыз сёз – тауушсуз сыбызгъы.
- Тыш элде солтан болгъандан эсе, кесинги элде олтан болгъан игиди!
- Мухар, кеси тойса да, кёзю тоймаз.
- Ариу сёз аурууунгу алыр.
- Джырчы джырчыгъа – къарнаш.
- Этни да ашады, бетни да ашады.
- Тойгъандан сора, ашны сёкме.
- Къуру гыбыт бек дыгъырдар.
- Гитче джилтин уллу элни джандырыр.
- Дуния мал дунияда къалады.
- Аманны тукъумуна къарама, игини тукъумун сорма.
- Окъдан джара эртде-кеч болса да бителир, сёз джара, ёмюрге къалыр.
- Чакъырылмагъан къонакъ къачан кетерин сормаз.
- Кёб къычыргъандан – къоркъма, тынч олтургъандан – къоркъ.
- Ишлемеген – тишлемез.
- Тёгюлген тюгел джыйылмайды.
- Чакъырылмай келген къонакъ сыйланмай кетер.
- Башда акъыл болмаса, эки аякъгъа кюч джетер.
- Бюгюн дуния кибик, тамбла ахыратды.
- Айранны сюйген, ийнек тутар.
- Джан саулукъ бермей, сан саулукъ бермезсе.
- Сабийни джумушха джибер да, ызындан бар.
- Иши джокъну, сыйы джокъ.
- Ана – юйню кюн джарыгъы.
- Чомарт къолда мал къалмаз.
- Биреуню эскиси биреуге джангы болмайды.
- Юйюнгден чыкъдынг – кюнюнгден чыкъдынг.
- Ач къарынны, токъ билмез
- Кёл ашады да, кеси ашады.
- Къыйынлы джети элни къайгъысын этер.
- Иги джашны ышаны – аз сёлешиб, кёб тынгылар.
- Битмегеннге сакъал – танг.
- Тамбла алтындан бюгюн багъыр ашхы.
- Биреуню тёрюнден, кесинги эшик артынг игиди.
- Акъыл неден да кючлюдю.
- Насыблы элин сюер, насыбсыз кесин сюер.
- Чакъырылмагъан джерге барма, чакъырылгъан джерден къалма.
- Сагъыш – къартлыкъгъа сюйюмчю.
- Джырына кёре эжиую.
- Эрни эр этерик да, къара джер этерик да, тиширыуду.
Внимание!
Сообщение будет показано после одобрения модератором.
Обращение к Международному Олимпийскому Комитету и Оргкомитету "Сочи-2014"
Внимание!
Сообщение будет показано после одобрения модератором.
Читают тему (гостей: 1)