Войти на сайт
25 Июня 2026 года

 

  • Суугъа – чабакъ, къаягъа – ыргъакъ.
  • Ана кёлю – балада, бала кёлю – талада.
  • Ашхылыкъ джерде джатмайды, аманлыкъ суугъа батмайды.
  • Керек ташны ауурлугъу джокъ.
  • Элге къуллукъ этмеген, элге ие болмаз.
  • Душманны тышы – акъ, ичи – къара.
  • Ишин билген, аны сыйын чыгъарады.
  • Сютню башын джалагъан къутулур, тюбюн ичген тутулур.
  • Аман адам этегингден тутса, кес да къач.
  • Бал ашаргъа сюе эсенг, чибин ургъаннга тёз.
  • Адам сёзюнден белгили.
  • Къарт бла баш аша, джаш бла аякъ аша.
  • Акъыллы башны – тили къысха.
  • Бетинги сатма, малынгы сат.
  • Гугурук къычырмаса да, тангны атары къалмаз.
  • Гыдай эчки суугъа къараб, мюйюзле кёрмесе, джашма алкъын, дегенди.
  • Ашлыкъ – бюртюкден, джюн – тюкден.
  • Къоркъакъны кёзю экили кёрюр.
  • Тюзню ётмеги тюзде къалса да, тас болмаз.
  • Арбаз сайлама да, хоншу сайла.
  • Къолу уллу – асыу, аягъы уллу – джарсыу.
  • Мухардан ач ычхынмаз.
  • Джиби бир къат джетмей эди да, эки къат тарта эди.
  • Тилде сюек болмаса да, сюек сындырыр.
  • Олтуруб кёрюнмей эди да, ёрге туруб кёрюне эди.
  • Байлыкъ келсе, акъыл кетер.
  • Иги сёз – джаннга азыкъ, аман сёз башха – къазыкъ.
  • Джылкъыдан – ат чыгъар, тукъумдан – джаш чыгъар.
  • Кесине гебен этелмеген, биреуге черен эте эди.
  • Эл ауузу – элия.
  • Джырчы ёлсе, джыры къалыр.
  • Тешигини къатында, чычхан да батыр болур.
  • Кеси юйюмде мен да ханма.
  • Чомарт бергенин айтмаз.
  • Чакъырылмагъан къонакъ тёрге атламаз.
  • Алим болгъандан эсе, адам болгъан къыйынды.
  • Къарны аманнга къазан такъдырма, къолу аманнга от джакъдырма.
  • Акъыл аздырмаз, билим тоздурмаз.
  • Башы джабылгъан челекге, кир тюшмез.
  • Биреуню къыйынлыгъы бла кесинге джол ишлеме.
  • Суу ичген шауданынга тюкюрме.
  • Джарлы эскисин джамаса, къууаныр.
  • Аджашханны ызындагъы кёреди, джангылгъанны джанындагъы биледи.
  • Керти сёзге тёре джокъ.
  • Тин – байлыгъынг, терен саулугъунг.
  • Джерни букъусу кёкге къонмаз.
  • Ач – эснер, ат – кишнер.
  • Ариу сёз джыланны орнундан чыгъарыр.
  • Ишни аллы бла къууанма да, арты бла къууан.
  • Гырджын – тепсини тамадасы.

 

Архив Форума » Зеленый Форум [архив] » - ЗФ - Ана тилибизде
Страницы: Пред. 1 ... 6 7 8 9 10 ... 62 След.
RSS
Келигиз, тил байлыгъыбызны сакълайыкъ!
 
#176
Джаратама0
23.02.2008 22:49:19
Asya
Бергенме, къагъытха джазыб да, компьютеринде адреслеге да къошуб кетгенме. Бек къууаннган эди джазгъанынга. Джазарыкъма, деб къалгъан эди.
 
 
 
#177
Джаратама0
23.02.2008 22:59:01
Девушка Гор
сау бол джаным мени бек кууандырдынг Аллахта сени кууандырсын, бетинги аруулугуча насибинде муратынгда аруу болсун.
 
 
 
#178
Джаратама0
23.02.2008 23:03:02
Asya
Сау бол!
Бусагъатда телефон бла сёлешгенме да Азамат бла, Rassel-ни джумушу бла, сенге да керек эсе электрон адресин берейим?
 
 
 
#179
Джаратама0
23.02.2008 23:05:01
Акъыллычыкъ
Кертиси бла бек арию джырды! Биринчи кере эшиткенимде, джылагъан да этгенеем.
 
 
 
#180
Джаратама0
23.02.2008 23:08:07
Ариадна
Мен да кёб джылагъанма ол джыргъа. Терен магъаналы сёзлери барды. Алай джазаргъа бек уллу фахму керекди.
 
 
 
#181
Джаратама0
23.02.2008 23:08:25
Девушка Гор
тамам джаным бек сау бол
 
 
 
#182
Джаратама0
23.02.2008 23:13:09
Asya
Rassel
Сюйюнчланы Азаматны электрон адресин экигизге да джазама, анга письмола джаза турлукъсуз деб ышанама. Биртданда бек сюеди джаш адамла бла кесини чыгъармаларыны, джашау джолуну юсюнден сёлеширге.
E-mail:suyunchev@mail.ru
 
 
 
#183
Джаратама0
23.02.2008 23:14:58
Девушка Гор
Тюз айтаса. Аны бла айта болурла, джазыучула къалгъанладан терен кёредиле джашауну!
 
 
 
#184
Джаратама0
23.02.2008 23:17:26
Ариадна
Кеслери кёрген бла къалмайын, бизге да кёргюзедиле! Ансын, биз кёб затны эслемей ётебиз, сан этмейин кетебиз.
 
 
 
#185
Джаратама0
23.02.2008 23:19:02
Девушка Гор
Алача бир болур эди адам!
 
 
 
#186
Джаратама0
23.02.2008 23:22:36
Ариадна
Тюзюн айтсам, поэт болалмагъандан ары, ала джазгъанны окъургъа борчлугъа санайма кесими. Поэтге къанат берген кимди? Окъуучу. Окъуб, азбар этиб, тенглерибизге, джыйылгъан джерде адамлагъа айта турсакъ, олду джазыучулагъа эм уллу саугъа!
 
 
 
#187
Джаратама0
23.02.2008 23:23:24
Ариадна
Девушка Гор
Алача бир болур эди адам!



Аллах аитса болурса.
 
 
 
#188
Джаратама0
23.02.2008 23:26:03
Девушка Гор
Билемисе, мен стихлени окъургъа сюмейме, джырланы уа бек сюеме. Музыкагъа салынса стих, башха тюрлю эшитиледи. Джанынгы блай бурдуртуб къояды.
 
 
 
#189
Джаратама0
23.02.2008 23:29:40
Ариадна
Мен а уа гитчелигимден бери назмуланы окъургъа сюеме. Аны ючюн болур, бюгюн да назму китабчыкъла биргеме айланадыла. тилинги ариу, бай этерге уллу болушлукъ этедиле ала.
 
 
 
#190
Джаратама0
23.02.2008 23:46:02
Мен тертюнчю классда окъугъан сагъатда. бизгешколгъа къонакъгъа Лаипанланы Билял келиб, назмула джазаргъа юретген эди.Бизда бирер тетрад къураб . ары аланы джаза эдик.бусагъатда тас этгенме аны , ансы бир талай джазаргъа кюрешген эдик классыбызда къызларыбыз
 
 
 
#191
Джаратама0
23.02.2008 23:48:56
всезнайка
Мени да бар эди аллай заманым, кесим кесиме поэт кёрюнюб тургъан, джазгъанларымы кёбюсюн бюгюн да асыраб турама, насыбха дженгил огъуна ангылагъан эдим, менден поэт болмазлыгъын, ансын бусагъатда миллетни кюлдюре айланныкъ эдим.
 
 
 
#192
Джаратама0
24.02.2008 00:02:34
Девушка Гор
всезнайка
Бир заманда, школда конкурс этедиле да, Пушкинни юбилейине назмула джазаргъа керек эди. Къайсы классда болгъанымы унутханма, гитче уа тюл эдим, назму къураб, линейканы аллында окъугъан да этген эдим. Андан сора да джаза тургъан эдим, алай а Сюйюнчланы Азаматха келиучю илхам (вдохновение) менге джол табмай къалгъан болур эди.
 
 
 
#193
Джаратама0
24.02.2008 00:09:10
Девушка Гор
всезнайка
Мени да бар эди аллай заманым, кесим кесиме поэт кёрюнюб тургъан, джазгъанларымы кёбюсюн бюгюн да асыраб турама, насыбха дженгил огъуна ангылагъан эдим, менден поэт болмазлыгъын, ансын бусагъатда миллетни кюлдюре айланныкъ эдим.



Сенлеинме.Мен болургъа излемеген къалмады дунияда артистликден башлаб. юиде иимедиле ансы.Артдагъылада уа журфакда окъугъан бир дваюрадный эгечим практикада болгъанында "Къарачай" газетде анга статья джазыб бергенем.Газетде аны басмалагъанларында, кесими журналист кибик кердюм.Телевизорда халатла бла селешселе къарачай белюмню журналистлери алагъа ачыулангандан анда ишлерим да келе эди.
 
 
 
#194
Джаратама0
24.02.2008 00:11:02
Акъыллычыкъ
Азаматха келиучю илхам (вдохновение) менге джол табмай къалгъан болур эди.
Менге да))))
 
 
 
#195
Джаратама0
24.02.2008 00:40:25
Девушка Гор

халал, иги къыз - саубол
Аллах айтса, керти гоккалада берирме саугъагъа сеннге))
 
 
 
#196
Джаратама0
24.02.2008 15:18:41
Девушка Гор
Бри иги кюн эди, ол кюн... Бир игичик ишлеген эдик... кече джукъламай
 
 
 
#197
Джаратама0
24.02.2008 15:21:42
Rassel
А менге?))))

кокетка
Мени да чакъырсагъыза ?
 
 
 
#198
Джаратама0
24.02.2008 15:24:06
Ариадна
Уоу, чакъырылмай мы къалгъанса((( Разы бол
Сен къайсыса? Мен таныймамы?
 
 
 
#199
Джаратама0
24.02.2008 15:25:19
кокетка
Сен мени танымайся, мен Черкесскиденме
 
 
 
#200
Джаратама0
24.02.2008 15:27:05
Ариадна
Кел бизге къонакъгъа!!! Джашларыбызда кетгендиле))) Девишник этербиз
 
 
 
#
Джаратама0
 
 
 
Страницы: Пред. 1 ... 6 7 8 9 10 ... 62 След.
Читают тему (гостей: 2)

 

Написать нам

Фонд «Содействие развитию карачаево-балкарской молодежи «Эльбрусоид»

© 2003-2026 Elbrusoid.org  |  Все права защищены Законами Гор.