- Къонакъны къачан кетерин сорма, къачан келлигин сор.
- Эрни эр этерик да, къара джер этерик да, тиширыуду.
- Борчунг бар эсе, хурджунунга ойлаб узал.
- Адеб джокъда, намыс джокъ.
- Кёбден умут этиб, аздан къуру къалма.
- Аякъларынгы джууургъанынга кёре узат.
- Бек ашыкъгъан меннге джетсин, дегенди аракъы.
- Эринчекге кюн узун.
- Иги адамны бир сёзю эки болмаз.
- Кимни – тили, тиши онглу, кимни – къолу, иши онглу.
- Ёгюзню мюйюзюнден тутадыла, адамны сёзюнден тутадыла.
- Иги – алгъыш этер, аман – къаргъыш этер.
- Термилгенинги табмазса, кюлгенинге тюберсе.
- Кёб ант этген, кёб ётюрюк айтыр.
- Шапа кёб болса, аш татымсыз болур.
- Биреуню тёрюнден, кесинги эшик артынг игиди.
- Джаным-тиним – окъуу, билим.
- Абынмазлыкъ аякъ джокъ, джангылмазлыкъ джаякъ джокъ.
- Элге къуллукъ этмеген, элге ие болмаз.
- Кенгеш болса, уруш болмаз.
- Ханнга да келеди хариблик.
- Билмейме деген – бир сёз
- Айранын берсенг, челегин да къызгъанма.
- Кийим тукъум сордурур.
- Ханы къызы буюгъа-буюгъа киштик болду.
- Берекет берсин деген джерде, берекет болур.
- Эркишиге тары кебек танг кёрюнюр.
- Джырчы джырчыгъа – къарнаш.
- Джуртун къоругъан озар.
- Сакъалы текени да бар, мыйыгъы киштикни да бар.
- Къая джолда джортма, ачыкъ сёзден къоркъма.
- Эки къатын алгъан – эки ташны ортасына башын салгъан.
- Къатын байлыкъны сюер, эр саулукъну сюер.
- Айтылгъан сёз ызына къайтмаз.
- Биреуге аманлыкъ этиб, кесинге игилик табмазса.
- Тешик этген тынчды, аны джамагъан къыйынды.
- Окъдан джара эртде-кеч болса да бителир, сёз джара, ёмюрге къалыр.
- Джигер – джаннга къыйынлыкъ.
- Аш хазыр болса, иш харам болур.
- Азыгъы аз, алгъа къабар, аты аман, алгъа чабар.
- Чомарт бергенин айтмаз.
- Джашлыкъ этмеген, башлыкъ этмез.
- Мал ёлсе, сюек къалыр, адам ёлсе, иши къалыр.
- Арба аугъандан сора, джол кёргюзтюучю кёб болур.
- Ишни ахырын ойламай, аллын башлама.
- Адеб базарда сатылмаз.
- Сабийни джумушха джибер да, ызындан бар.
- Хар ишни да аллы къыйынды.
- Акъыллы башны – тили къысха.
- Айыбны суу бла джууалмазса.
- ЗФ - Ана тилибизде
Темы |
Ответы | Просмотры | Обновление | |
|---|---|---|---|---|
| 5 | 3781 | |||
| 28 | 14343 | |||
| 15 | 11926 | |||
| 7 | 4520 | |||
|
КЕЛИГИЗ ДЖЫРЛАЙЫКЪ (, , ... )
|
348 | 51641 | ||
| 6 | 4578 | |||
|
Къарачай-малкъар халкъны нарт сёзлери (, , ... )
|
449 | 54190 | ||
| 17 | 8906 | |||
| 7 | 3595 | |||
| 3 | 13095 | |||
|
Къарачай джырла! (, , ... )
|
151 | 35334 | ||
| 196 | 40301 | |||
|
Джел сюймеклик... (, , )
|
70 | 18718 | ||
|
Келигиз, тил байлыгъыбызны сакълайыкъ! (, , ... )
|
1529 | 487030 | ||
|
Чам хапарла (, , ... )
|
297 | 40131 | ||
| 50 | 15239 | |||
| 21 | 7832 | |||
| 30 | 19485 | |||
| 7 | 4337 | |||
| 5 | 4287 | |||
| 40 | 15126 | |||
| 10 | 5633 | |||
| 55 | 17796 | |||
| 1025 | 500783 | |||
Сейчас на форуме (гостей: 9)