- Аллахха ийнаннган кишини, Аллах онгдурур ишин.
- Уллу айтханны этмеген – уллаймаз.
- «Ёгюз, джаргъа джууукъ барма, меннге джюк боллукъса», - дегенди эшек.
- Ишни ахырын ойламай, аллын башлама.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Кёкдеги болмаса, джердегин кёрмейди.
- Джети тилни билген джети кишиди.
- Узун джолну барсанг, бюгюн келирсе, къысха джолну барсанг, тамбла келирсе.
- Аш хазыр болса, иш харам болур.
- Сабийликде юретмесенг, уллу болса – тюзелмез.
- Акъыллы – эл иеси, тели – эл баласы.
- Бек анасы джыламаз.
- Аз сёлешген, къайгъысыз турур.
- Ашхы тенг джолгъа салыр, аман тенг джолдан тайдырыр.
- Тилчи тилден къаныкъмаз.
- Къумурсхала джыйылсала, пилни да джыгъадыла.
- Къайгъыны сюйген, къайгъы табар.
- Борчунг бар эсе, хурджунунга ойлаб узал.
- Ётюрюкден тюбю джокъ, кёлтюрюрге джиби джокъ.
- Къалгъан ишге къар джауар.
- Ётюрюкчюню шагъаты – къатында.
- Тойну къарнашы – харс, джырны къарнашы – эжиу.
- Адамны артындан къара сабан сюрме.
- Мен да «сен», дейме, сен да «кесим», дейсе.
- Тура эдим джата, къайдан чыкъды хата?
- Аджашханны ызындагъы кёреди, джангылгъанны джанындагъы биледи.
- Нёгер болсанг, тенг бол, тенг болмасанг, кенг бол.
- Ана кёлю – балада, бала кёлю – талада.
- Акъылсызны джууукъгъа алма, акъыллыны кенгнге салма.
- Ач да бол, токъ да бол – намысынга бек бол.
- Тас болгъан бычакъны сабы – алтын.
- Чабакъгъа акъыл, табагъа тюшсе келеди.
- Мухар, кеси тойса да, кёзю тоймаз.
- Тойгъандан сора, ашны сёкме.
- Кийимни бир кюнню аясанг, минг кюннге джарар.
- Магъанасыз сёз – тауушсуз сыбызгъы.
- От этилмеген джерден тютюн чыкъмайды.
- Аманны къуугъан, аманлыкъ табар.
- Ёзденликни джайгъан – джокълукъ.
- Ариу сёз – джаннга азыкъ, аман сёз – башха къазыкъ.
- Ёзденликни кёбю ётюрюк.
- Сагъышы джокъ – джукъучу, акъылы джокъ – къаугъачы.
- Эрни эр этерик да, къара джер этерик да, тиширыуду.
- Сабыр джетер муратха, сабырсыз къалыр уятха.
- Кёлсюзден сёзсюз тууар.
- Ёпкелегенни ашы татлы болады.
- Къыйынлы джети элге оноу этер.
- Ким бла джюрюсенг, аны кёзю бла кёрюнюрсе.
- Биреуню эскиси биреуге джангы болмайды.
- Миллетни бойну – базыкъ, аны бла кюрешген – джазыкъ.
Келигиз, тил байлыгъыбызны сакълайыкъ!
|
Asya
Бергенме, къагъытха джазыб да, компьютеринде адреслеге да къошуб кетгенме. Бек къууаннган эди джазгъанынга. Джазарыкъма, деб къалгъан эди.  |
|
|
|
|
|
Девушка Гор
сау бол джаным мени бек кууандырдынг Аллахта сени кууандырсын, бетинги аруулугуча насибинде муратынгда аруу болсун.  |
|
|
|
|
|
Asya
Сау бол! Бусагъатда телефон бла сёлешгенме да Азамат бла, Rassel-ни джумушу бла, сенге да керек эсе электрон адресин берейим? |
|
|
|
|
|
Акъыллычыкъ
Кертиси бла бек арию джырды! Биринчи кере эшиткенимде, джылагъан да этгенеем. |
|
|
|
|
|
Ариадна
Мен да кёб джылагъанма ол джыргъа. Терен магъаналы сёзлери барды. Алай джазаргъа бек уллу фахму керекди. |
|
|
|
|
|
Девушка Гор
тамам джаным бек сау бол |
|
|
|
|
|
Девушка Гор
Тюз айтаса. Аны бла айта болурла, джазыучула къалгъанладан терен кёредиле джашауну! |
|
|
|
|
|
Ариадна
Кеслери кёрген бла къалмайын, бизге да кёргюзедиле! Ансын, биз кёб затны эслемей ётебиз, сан этмейин кетебиз.  |
|
|
|
|
|
Девушка Гор
Алача бир болур эди адам! |
|
|
|
|
|
Ариадна
Девушка Гор Алача бир болур эди адам! Аллах аитса болурса. |
|
|
|
|
|
Девушка Гор
Билемисе, мен стихлени окъургъа сюмейме, джырланы уа бек сюеме. Музыкагъа салынса стих, башха тюрлю эшитиледи. Джанынгы блай бурдуртуб къояды. |
|
|
|
|
|
Ариадна
Мен а уа гитчелигимден бери назмуланы окъургъа сюеме. Аны ючюн болур, бюгюн да назму китабчыкъла биргеме айланадыла. тилинги ариу, бай этерге уллу болушлукъ этедиле ала. |
|
|
|
|
|
Акъыллычыкъ
Азаматха келиучю илхам (вдохновение) менге джол табмай къалгъан болур эди. Менге да)))) |
|
|
|
|
|
Девушка Гор
халал, иги къыз - саубол Аллах айтса, керти гоккалада берирме саугъагъа сеннге)) |
|
|
|
|
|
Девушка Гор
Бри иги кюн эди, ол кюн... Бир игичик ишлеген эдик... кече джукъламай  |
|
|
|
|
|
Rassel
А менге?)))) кокетка Мени да чакъырсагъыза ?  |
|
|
|
|
|
Ариадна
Уоу, чакъырылмай мы къалгъанса((( Разы бол Сен къайсыса? Мен таныймамы?  |
|
|
|
|
|
кокетка
Сен мени танымайся, мен Черкесскиденме |
|
|
|
|
|
Ариадна
Кел бизге къонакъгъа!!! Джашларыбызда кетгендиле))) Девишник этербиз |
|
|
|
|
|
|
||||
|
|
|
|||
Читают тему (гостей: 1)