- Накъырда – кертини келечиси.
- Тамырсыз терекге таянма – джыгъылырса.
- Къарны аманнга къазан такъдырма, къолу аманнга от джакъдырма.
- Терслик кетер, тюзлюк джетер.
- Босагъа таш юйге кирмей эди, тыбыр таш эшикге чыкъмай эди.
- Байлыкъ адамны сокъур этер.
- Кютгени беш эчки, сызгъыргъаны уа, джерни джарады.
- Тилчиден кери бол.
- Бети – къучакълар, джюреги – бычакълар.
- Джангыз торгъай джырламаз.
- Сёз сёзню айтдырыр.
- Къатыны харакетли болса, эри къымсыз болур.
- Тёгюлген тюгел джыйылмайды.
- Адам сёзюнден белгили.
- Адам сёзге тынгыла, акъыл сёзню ангыла.
- Ариу сёз джыланны орнундан чыгъарыр.
- Эки элинги тыйсанг, джети элде махталырса.
- Берекет берсин деген джерде, берекет болур.
- Мадар болса, къадар болур.
- Адам туугъан джеринде, ит тойгъан джеринде.
- Ач да бол, токъ да бол – намысынга бек бол.
- Сууда джау джокъ, кёб сёзде магъана джокъ.
- Ачлыкъ отха секиртир.
- Насыблы элин сюер, насыбсыз кесин сюер.
- Джашда акъыл джокъ, къартда къарыу джокъ.
- Джуртун къоругъан озар.
- Къайгъы тюбю – тенгиз.
- Айныгъанлы алты кюн, тогъайгъанлы тогъуз кюн.
- Иги адамны бир сёзю эки болмаз.
- Джаз бир кюнню джатсанг, къыш талай кюнню абынырса.
- Игини сыйлагъан адетди.
- Ханнга да келеди хариблик.
- Халкъны юйю – туугъан джери.
- Кёлю джокъну – джолу джокъ.
- Чакъырылмагъан къонакъ тёрге атламаз.
- Телиге акъыл салгъандан эсе, ёлгеннге джан салырса.
- Кёбге таш атма.
- Юйлю уругъа ит чабмаз.
- Этим кетсе да, сюегим къалыр.
- Хансыз джомакъ болмаз.
- Къонакъ хазыр болгъанлыкъгъа, къонакъбай хазыр тюлдю.
- Болджал ишни бёрю ашар.
- Таукелге нюр джауар.
- Юреннген ауруу къалмаз.
- Аджал соруб келмез, келсе, къайтыб кетмез.
- Адеб джокъда, намыс джокъ.
- Суугъа – чабакъ, къаягъа – ыргъакъ.
- Кийимни бир кюнню аясанг, минг кюннге джарар.
- Сютню башын джалагъан къутулур, тюбюн ичген тутулур.
- Къарыусузгъа кюлме, онгсузгъа тийме.
Келигиз, тил байлыгъыбызны сакълайыкъ!
|
Asya
Бергенме, къагъытха джазыб да, компьютеринде адреслеге да къошуб кетгенме. Бек къууаннган эди джазгъанынга. Джазарыкъма, деб къалгъан эди.  |
|
|
|
|
|
Девушка Гор
сау бол джаным мени бек кууандырдынг Аллахта сени кууандырсын, бетинги аруулугуча насибинде муратынгда аруу болсун.  |
|
|
|
|
|
Asya
Сау бол! Бусагъатда телефон бла сёлешгенме да Азамат бла, Rassel-ни джумушу бла, сенге да керек эсе электрон адресин берейим? |
|
|
|
|
|
Акъыллычыкъ
Кертиси бла бек арию джырды! Биринчи кере эшиткенимде, джылагъан да этгенеем. |
|
|
|
|
|
Ариадна
Мен да кёб джылагъанма ол джыргъа. Терен магъаналы сёзлери барды. Алай джазаргъа бек уллу фахму керекди. |
|
|
|
|
|
Девушка Гор
тамам джаным бек сау бол |
|
|
|
|
|
Девушка Гор
Тюз айтаса. Аны бла айта болурла, джазыучула къалгъанладан терен кёредиле джашауну! |
|
|
|
|
|
Ариадна
Кеслери кёрген бла къалмайын, бизге да кёргюзедиле! Ансын, биз кёб затны эслемей ётебиз, сан этмейин кетебиз.  |
|
|
|
|
|
Девушка Гор
Алача бир болур эди адам! |
|
|
|
|
|
Ариадна
Девушка Гор Алача бир болур эди адам! Аллах аитса болурса. |
|
|
|
|
|
Девушка Гор
Билемисе, мен стихлени окъургъа сюмейме, джырланы уа бек сюеме. Музыкагъа салынса стих, башха тюрлю эшитиледи. Джанынгы блай бурдуртуб къояды. |
|
|
|
|
|
Ариадна
Мен а уа гитчелигимден бери назмуланы окъургъа сюеме. Аны ючюн болур, бюгюн да назму китабчыкъла биргеме айланадыла. тилинги ариу, бай этерге уллу болушлукъ этедиле ала. |
|
|
|
|
|
Акъыллычыкъ
Азаматха келиучю илхам (вдохновение) менге джол табмай къалгъан болур эди. Менге да)))) |
|
|
|
|
|
Девушка Гор
халал, иги къыз - саубол Аллах айтса, керти гоккалада берирме саугъагъа сеннге)) |
|
|
|
|
|
Девушка Гор
Бри иги кюн эди, ол кюн... Бир игичик ишлеген эдик... кече джукъламай  |
|
|
|
|
|
Rassel
А менге?)))) кокетка Мени да чакъырсагъыза ?  |
|
|
|
|
|
Ариадна
Уоу, чакъырылмай мы къалгъанса((( Разы бол Сен къайсыса? Мен таныймамы?  |
|
|
|
|
|
кокетка
Сен мени танымайся, мен Черкесскиденме |
|
|
|
|
|
Ариадна
Кел бизге къонакъгъа!!! Джашларыбызда кетгендиле))) Девишник этербиз |
|
|
|
|
|
|
||||
|
|
|
|||
Читают тему (гостей: 50)