Войти на сайт
10 Мая 2026 года

 

  • Бастасын ашагъан, хантусун да ичер.
  • Акъыллы эркиши атын махтар, акъылсыз эркиши къатынын махтар.
  • Ата Джуртуму башы болмасам да, босагъасында ташы болайым.
  • Туз, гырджын аша, тюзлюк бла джаша.
  • Терек ауса, отунчу – кёб.
  • Атлыны кёрсе, джаяуну буту талыр.
  • Джангызны оту джарыкъ джанмаз!
  • Къан бла кирген, джан бла чыгъар.
  • Мадар болса, къадар болур.
  • Шапа кёб болса, аш татымсыз болур.
  • Адам къыйынлыгъын кёлтюрюр, зауукълугъун кёлтюрмез.
  • Къызгъанчдан ычхыныр, мухардан ычхынмаз.
  • Халкъны юйю – туугъан джери.
  • Дуния малгъа сатылма, кесингден телиге къатылма.
  • Джумушакъ терекни къурт ашар.
  • Тойгъа барсанг, тоюб бар, эски тонунгу къоюб бар.
  • Кимни – тили, тиши онглу, кимни – къолу, иши онглу.
  • Байлыкъ адамны сокъур этер.
  • Эркишиге тары кебек танг кёрюнюр.
  • Аман адам этегингден тутса, кес да къач.
  • Ашхы – джыяр, аман – джояр.
  • Башсыз урчукъ тюзюне айланмаз.
  • Нёгер болсанг, тенг бол, тенг болмасанг, кенг бол.
  • Акъыл къартда, джашда тюйюлдю – башдады.
  • Джюрекге ариу – кёзге да ариу.
  • Айранны сюйген, ийнек тутар.
  • Адам къаллай бир ишленмесе, аллай бир кесин уллу кёреди.
  • Тойчу джашха къарама, къойчу джашха къара.
  • Кёрмегеннге кебек – танг, битмегеннге сакъал – танг.
  • Джауумдан сора, кюн кюйдюрюр, ётюрюкден сора, айыб кюйдюрюр.
  • Кесинг сынамагъан затны, адамгъа буюрма.
  • Накъырда – кертини келечиси.
  • Джылар джаш, атасыны сакъалы бла ойнар.
  • Ата Джуртча джер болмаз, туугъан элча эл болмаз.
  • Тин – байлыгъынг, терен саулугъунг.
  • Иги сеники эсе да, сюйген кесимикин этеме.
  • Аууз сакълагъан – джан сакълар.
  • Ач – эснер, ат – кишнер.
  • Къолу уллу – асыу, аягъы уллу – джарсыу.
  • Сангырау къулакъ эл бузар.
  • Къарт айтханны этмеген, къартаймаз.
  • Кенгеш болса, уруш болмаз.
  • Сакъалы текени да бар, мыйыгъы киштикни да бар.
  • Билимсиз иш бармаз.
  • Махтаннган къыз, тойда джукълар.
  • Аджашханны ызындагъы кёреди, джангылгъанны джанындагъы биледи.
  • Эки къатын алгъан – эки ташны ортасына башын салгъан.
  • Танг атмайма десе да, кюн къоярыкъ тюйюлдю.
  • Бал ашаргъа сюе эсенг, чибин ургъаннга тёз.
  • Кюн – узун, ёмюр – къысха.

 

Архив Форума » Зеленый Форум [архив] » - ЗФ - Ана тилибизде
Страницы: Пред. 1 ... 6 7 8 9 10 ... 62 След.
RSS
Келигиз, тил байлыгъыбызны сакълайыкъ!
 
#176
Джаратама0
23.02.2008 22:49:19
Asya
Бергенме, къагъытха джазыб да, компьютеринде адреслеге да къошуб кетгенме. Бек къууаннган эди джазгъанынга. Джазарыкъма, деб къалгъан эди.
 
 
 
#177
Джаратама0
23.02.2008 22:59:01
Девушка Гор
сау бол джаным мени бек кууандырдынг Аллахта сени кууандырсын, бетинги аруулугуча насибинде муратынгда аруу болсун.
 
 
 
#178
Джаратама0
23.02.2008 23:03:02
Asya
Сау бол!
Бусагъатда телефон бла сёлешгенме да Азамат бла, Rassel-ни джумушу бла, сенге да керек эсе электрон адресин берейим?
 
 
 
#179
Джаратама0
23.02.2008 23:05:01
Акъыллычыкъ
Кертиси бла бек арию джырды! Биринчи кере эшиткенимде, джылагъан да этгенеем.
 
 
 
#180
Джаратама0
23.02.2008 23:08:07
Ариадна
Мен да кёб джылагъанма ол джыргъа. Терен магъаналы сёзлери барды. Алай джазаргъа бек уллу фахму керекди.
 
 
 
#181
Джаратама0
23.02.2008 23:08:25
Девушка Гор
тамам джаным бек сау бол
 
 
 
#182
Джаратама0
23.02.2008 23:13:09
Asya
Rassel
Сюйюнчланы Азаматны электрон адресин экигизге да джазама, анга письмола джаза турлукъсуз деб ышанама. Биртданда бек сюеди джаш адамла бла кесини чыгъармаларыны, джашау джолуну юсюнден сёлеширге.
E-mail:suyunchev@mail.ru
 
 
 
#183
Джаратама0
23.02.2008 23:14:58
Девушка Гор
Тюз айтаса. Аны бла айта болурла, джазыучула къалгъанладан терен кёредиле джашауну!
 
 
 
#184
Джаратама0
23.02.2008 23:17:26
Ариадна
Кеслери кёрген бла къалмайын, бизге да кёргюзедиле! Ансын, биз кёб затны эслемей ётебиз, сан этмейин кетебиз.
 
 
 
#185
Джаратама0
23.02.2008 23:19:02
Девушка Гор
Алача бир болур эди адам!
 
 
 
#186
Джаратама0
23.02.2008 23:22:36
Ариадна
Тюзюн айтсам, поэт болалмагъандан ары, ала джазгъанны окъургъа борчлугъа санайма кесими. Поэтге къанат берген кимди? Окъуучу. Окъуб, азбар этиб, тенглерибизге, джыйылгъан джерде адамлагъа айта турсакъ, олду джазыучулагъа эм уллу саугъа!
 
 
 
#187
Джаратама0
23.02.2008 23:23:24
Ариадна
Девушка Гор
Алача бир болур эди адам!



Аллах аитса болурса.
 
 
 
#188
Джаратама0
23.02.2008 23:26:03
Девушка Гор
Билемисе, мен стихлени окъургъа сюмейме, джырланы уа бек сюеме. Музыкагъа салынса стих, башха тюрлю эшитиледи. Джанынгы блай бурдуртуб къояды.
 
 
 
#189
Джаратама0
23.02.2008 23:29:40
Ариадна
Мен а уа гитчелигимден бери назмуланы окъургъа сюеме. Аны ючюн болур, бюгюн да назму китабчыкъла биргеме айланадыла. тилинги ариу, бай этерге уллу болушлукъ этедиле ала.
 
 
 
#190
Джаратама0
23.02.2008 23:46:02
Мен тертюнчю классда окъугъан сагъатда. бизгешколгъа къонакъгъа Лаипанланы Билял келиб, назмула джазаргъа юретген эди.Бизда бирер тетрад къураб . ары аланы джаза эдик.бусагъатда тас этгенме аны , ансы бир талай джазаргъа кюрешген эдик классыбызда къызларыбыз
 
 
 
#191
Джаратама0
23.02.2008 23:48:56
всезнайка
Мени да бар эди аллай заманым, кесим кесиме поэт кёрюнюб тургъан, джазгъанларымы кёбюсюн бюгюн да асыраб турама, насыбха дженгил огъуна ангылагъан эдим, менден поэт болмазлыгъын, ансын бусагъатда миллетни кюлдюре айланныкъ эдим.
 
 
 
#192
Джаратама0
24.02.2008 00:02:34
Девушка Гор
всезнайка
Бир заманда, школда конкурс этедиле да, Пушкинни юбилейине назмула джазаргъа керек эди. Къайсы классда болгъанымы унутханма, гитче уа тюл эдим, назму къураб, линейканы аллында окъугъан да этген эдим. Андан сора да джаза тургъан эдим, алай а Сюйюнчланы Азаматха келиучю илхам (вдохновение) менге джол табмай къалгъан болур эди.
 
 
 
#193
Джаратама0
24.02.2008 00:09:10
Девушка Гор
всезнайка
Мени да бар эди аллай заманым, кесим кесиме поэт кёрюнюб тургъан, джазгъанларымы кёбюсюн бюгюн да асыраб турама, насыбха дженгил огъуна ангылагъан эдим, менден поэт болмазлыгъын, ансын бусагъатда миллетни кюлдюре айланныкъ эдим.



Сенлеинме.Мен болургъа излемеген къалмады дунияда артистликден башлаб. юиде иимедиле ансы.Артдагъылада уа журфакда окъугъан бир дваюрадный эгечим практикада болгъанында "Къарачай" газетде анга статья джазыб бергенем.Газетде аны басмалагъанларында, кесими журналист кибик кердюм.Телевизорда халатла бла селешселе къарачай белюмню журналистлери алагъа ачыулангандан анда ишлерим да келе эди.
 
 
 
#194
Джаратама0
24.02.2008 00:11:02
Акъыллычыкъ
Азаматха келиучю илхам (вдохновение) менге джол табмай къалгъан болур эди.
Менге да))))
 
 
 
#195
Джаратама0
24.02.2008 00:40:25
Девушка Гор

халал, иги къыз - саубол
Аллах айтса, керти гоккалада берирме саугъагъа сеннге))
 
 
 
#196
Джаратама0
24.02.2008 15:18:41
Девушка Гор
Бри иги кюн эди, ол кюн... Бир игичик ишлеген эдик... кече джукъламай
 
 
 
#197
Джаратама0
24.02.2008 15:21:42
Rassel
А менге?))))

кокетка
Мени да чакъырсагъыза ?
 
 
 
#198
Джаратама0
24.02.2008 15:24:06
Ариадна
Уоу, чакъырылмай мы къалгъанса((( Разы бол
Сен къайсыса? Мен таныймамы?
 
 
 
#199
Джаратама0
24.02.2008 15:25:19
кокетка
Сен мени танымайся, мен Черкесскиденме
 
 
 
#200
Джаратама0
24.02.2008 15:27:05
Ариадна
Кел бизге къонакъгъа!!! Джашларыбызда кетгендиле))) Девишник этербиз
 
 
 
#
Джаратама0
 
 
 
Страницы: Пред. 1 ... 6 7 8 9 10 ... 62 След.
Читают тему (гостей: 2)

 

Написать нам

Фонд «Содействие развитию карачаево-балкарской молодежи «Эльбрусоид»

© 2003-2026 Elbrusoid.org  |  Все права защищены Законами Гор.