Войти на сайт
25 Июня 2026 года

 

  • Айран тёгюлсе, джугъусу къалыр.
  • Аууздан келген, къолдан келсе, ким да патчах болур эди.
  • Ёзденликни джайгъан – джокълукъ.
  • Туз, гырджын аша, тюзлюк бла джаша.
  • Бал чибинни ургъаны – ачы, балы – татлы.
  • Махтаннган къыз, тойда джукълар.
  • Кимни – тили, тиши онглу, кимни – къолу, иши онглу.
  • Элиб деген, элге болушур.
  • Уллу сёзде уят джокъ.
  • Нарт сёз къарт болмаз.
  • Ойнай билмеген, оюн бузар.
  • Бюгюн дуния кибик, тамбла ахыратды.
  • Джаралыны джастыгъында сау ёлюр.
  • Кийимни бир кюнню аясанг, минг кюннге джарар.
  • Хунаны тюбюн къазсанг, юсюнге ауар.
  • Халкъны джырын джырласанг, халкъ санга эжиу этер.
  • Ёлген эшек бёрюден къоркъмайды.
  • Ашлыкъ – бюртюкден, джюн – тюкден.
  • Къарны аманнга къазан такъдырма, къолу аманнга от джакъдырма.
  • Эки къатын алгъан – эки ташны ортасына башын салгъан.
  • Чакъырылмагъан къонакъ – орунсуз.
  • Кёзю сокъурдан – къоркъма, кёлю сокъурдан – къоркъ.
  • Къайгъыны сюйген, къайгъы табар.
  • Ишлерге уял да, ашаргъа табма.
  • Тилчи тилден къаныкъмаз.
  • Джигер – джаннга къыйынлыкъ.
  • Къызгъанчдан ычхыныр, мухардан ычхынмаз.
  • Иесиз малны бёрю ашар.
  • Аз сёлешген, къайгъысыз турур.
  • Кёзюнде тереги болгъан, чёбю болгъаннга кюле эди.
  • Окъугъан – асыу, окъумагъан – джарсыу.
  • Ёксюзню тилеги къабыл болур.
  • Биреуню эскиси биреуге джангы болмайды.
  • Мухарны эси – ашарыкъда.
  • Айтхан сёзюне табылгъан.
  • Ашатыргъа иш – ашхы, ишлетирге аш – ашхы.
  • Узун джолну барсанг, бюгюн келирсе, къысха джолну барсанг, тамбла келирсе.
  • Бети – къучакълар, джюреги – бычакълар.
  • Шайтан алдады, тюзлюк къаргъады.
  • Ишни ахырын ойламай, аллын башлама.
  • Эшекни не къадар тюйсенг да, ат болмаз.
  • Адам сёзюнден белгили.
  • Къарыусузгъа кюлме, онгсузгъа тийме.
  • Келинни – келгинчи, бёркню кийгинчи кёр.
  • Экиндини кеч къылсанг, чабыб джетер ашхам.
  • Ариу – кёзге, акъыл – джюрекге.
  • Байны оноуу, джарлыгъа джарамаз.
  • Урунуу – насыбны анасы.
  • Харам къарнашдан, халал тенг ашхы.
  • Атлыны кёрсе, джаяуну буту талыр.

 

Архив Форума » Зеленый Форум [архив] » - ЗФ - Ана тилибизде
Страницы: Пред. 1 ... 13 14 15 16 17 ... 62 След.
RSS
Келигиз, тил байлыгъыбызны сакълайыкъ!
 
#351
Джаратама0
03.03.2008 20:44:03
Девушка Гор
 
 
 
#352
Джаратама0
03.03.2008 20:46:25
Апокалипсис_бла)))
Сау бол! Бу да сенге!
 
 
 
#353
Джаратама0
03.03.2008 21:17:11
Кергелен
Сиз ана тилибизге уллу эс бёлген адамгъа ушайсыз, аны айтханым, бараз кюн, 5-мартда бу темада тилни юсюнден профессор, филология илмуланы кандидаты Батчаланы Али-Мурат бла ушакъ этерикбиз. Заманыгъыз болса, ушагъыбызгъа къошулсагъыз иги боллукъ эди!
 
 
 
#354
Джаратама0
03.03.2008 21:22:55
Девушка Гор
<Болсун къурманчыгъм. юйде болсам. сени разы этерме.
 
 
 
#355
Джаратама0
03.03.2008 21:28:52
Кергелен
 
 
 
#356
Джаратама0
03.03.2008 23:04:20
Акъыллычыкъ
Къарачай тилни сюйгенлеге да болушургъа керекди, аны этер ючюн а кесибиз, къарачайлыла тилибизни терен билирге керекбиз
Бек тюз айтаса. Хаманда бир затха сейирсине эдим, институтда окъугъан сагъатымда, башха миллетли джаш адамла бизни тилибизден сёзле билир мурат бла, джазыб айлана эдиле. Сора, экинчи кюн, бизни бла къарачайча сёлеширге умут эте эдиле! Ол заманда бир кере башыма келмеген эди, башха тилден сёзлени билирге. Ала уа, абазала, черкеслиле, ногъайлыла - сизни тилигиз бизникинден тынчды дей эдиле.
 
 
 
#357
Джаратама0
04.03.2008 14:39:48
Мышона
Бек тюз айтаса. Хаманда бир затха сейирсине эдим, институтда окъугъан сагъатымда, башха миллетли джаш адамла бизни тилибизден сёзле билир мурат бла, джазыб айлана эдиле.
Бизде да бар эди ол адет. Керти да тынч тил болуб эте болурла алай.
 
 
 
#358
Джаратама0
04.03.2008 15:09:09
Акъыллычыкъ
Бизде да бар эди ол адет. Керти да тынч тил болуб эте болурла алай.
бсагъатда уа чечен тилни этиб айлянала алай)))
 
 
 
#359
Джаратама0
04.03.2008 15:17:25
УдивлЁныЙ
Ангыламадым, къалай этиб айланадыла?
 
 
 
#360
Джаратама0
04.03.2008 21:27:42
Девушка Гор
 
 
 
#361
Джаратама0
04.03.2008 21:29:39
кокетка
Сорууларынгы хазыр этгенмисе?
 
 
 
#362
Джаратама0
04.03.2008 21:39:14
Девушка Гор
Этмей а уа, игит да этгенме)))
 
 
 
#363
Джаратама0
04.03.2008 21:41:20
кокетка
Кертда?! Машалла.
 
 
 
#364
Джаратама0
04.03.2008 21:55:02
Девушка Гор
Айыб этме, къайтарыб соргъаныма: не затны юсюнден соруула берирге керекди? Литература болмайын, тилни юсюнден сорургъа боллукъмуду?
 
 
 
#365
Джаратама0
04.03.2008 22:03:56
Эгоистка
Мен ангылагъаннга кёре къарачай тилден берликбиз сорууланы, Алий-Мурат КъЧКъУ-де къарачай тилни окъутады, аджашдырмай эсем
 
 
 
#366
Джаратама0
04.03.2008 22:23:51
Акъыллычыкъ
Керти да тынч тил болуб эте болурла алай.
Тынч да болур, алай а, ариу, таза тил болгъаны ючюн билирге излей болурла башха миллетле бизни ана тилибизни
 
 
 
#367
Джаратама0
05.03.2008 18:47:22
Багъалы джамагъат, айтханыбызча филология илмуланы кандидаты, профессор Батчаланы Али-Мурат бла ушагъыбызны башлайбыз.

 
 
 
#368
Джаратама0
05.03.2008 18:49:12
Али-Мурат Хасанович, биринчи сорууну мен кесим берирге излейме. Сиз КъЧКъУ-ни филология факультетини Къарачай-ногъай филологиясыны кафедрасыны тамадасысыз, сиз ангылагъаннга кёре ана тилни бизни университетде тыйыншлы дараджада окъутамыдыла?
 
 
 
#369
Джаратама0
05.03.2008 18:51:31
Салам алейкум Али-Мурат Хасанович!
 
 
 
#370
Джаратама0
05.03.2008 18:52:00
Хош келигиз!
 
 
 
#371
Джаратама0
05.03.2008 18:53:46
Сау келигиз, Али - Мурат Хасанович!
 
 
 
#372
Джаратама0
05.03.2008 18:56:20
Девушка Гор
Белгилисича, Къарачай-Малкъар тил, адабият бизни университетибизде 1957 джылдан бери окъулады. Ол джыллада белгили алимле филология илмуланы кандидатлары, доцентле Байрамкъулланы Хаджи-Ахмат, Орусбийланы Хаджи-Мурат, Хабичлени Магомет, Хаджилаланы Хаджи-Мурат, Акъбайланы Шакъман, Хубийланы Магомет, Лайпанланы Къазий эл школлагъа ана тил бла литературадан устазла хазырлауда уллу къыйынларын салгъандыла. Андан бери ётген 50 джылны ичинде ала салгъан босагъада ана тилибиз ёсе, айный баргъаны бла бирге мени акъылым бла мийик дараджагъа джетгенди. Бюгюнлюкде ишлеген коллектив билим сынамын аямай, студентлеге тыйыншлы дараджада бередиле дерслени, илму тамалда ангылатадыла тилни кесеклерин, литератураны теориясын.
 
 
 
#373
Джаратама0
05.03.2008 18:57:23
кокетка
sama
КОРОЛЁК
Аллах саулукъ берсин, кёб джашагъыз, муратларыгъыз толсунла.
 
 
 
#374
Джаратама0
05.03.2008 18:58:23
Батчаланы Али Мурат
Сау болугъуз! Аллах разы болсун
 
 
 
#375
Джаратама0
05.03.2008 19:00:30
сизге кельген студентлеге,эл школладан келгенле бла шахар школладагъыладан .ана тиллеринде къайсы игирек селешедиле, аны соргъаным тилнишахардамы, элдеми иги биледиле?
 
 
 
Страницы: Пред. 1 ... 13 14 15 16 17 ... 62 След.
Читают тему (гостей: 2)

 

Написать нам

Фонд «Содействие развитию карачаево-балкарской молодежи «Эльбрусоид»

© 2003-2026 Elbrusoid.org  |  Все права защищены Законами Гор.