Войти на сайт
11 Мая 2026 года

 

  • Чомарт джарлы болмаз.
  • Чёбню кёлтюрсенг, тюбюнден сёз чыгъар.
  • Къатыны харакетли болса, эри къымсыз болур.
  • Биреуню эскиси биреуге джангы болмайды.
  • Эркиши – от, тиширыу – суу.
  • Абынмазлыкъ аякъ джокъ, джангылмазлыкъ джаякъ джокъ.
  • Биреу ашаб къутулур, биреу джалаб тутулур.
  • Хата – гитчеден.
  • Суу кетер, таш къалыр.
  • Ишлемеген – тишлемез.
  • Адам сёзюнден белгили.
  • Уллу суу бла уллу ауруудан башынгы сакъла.
  • Кесине гебен этелмеген, биреуге черен эте эди.
  • Ач отунчуну ачыуу – бурнунда.
  • Джылар джаш, атасыны сакъалы бла ойнар.
  • Джумушакъ сёз къаты таякъны сындырыр.
  • Къонагъынгы артмагъын алма да, алгъышын ал.
  • Адеб джокъда, намыс джокъ.
  • Элиб деген, элге болушур.
  • Ач къарным, тынч къулагъым.
  • Ариу джол аджал келтирмез.
  • Къайгъыны сюйген, къайгъы табар.
  • Чабакъ башындан чирийди.
  • Айныгъанлы алты кюн, тогъайгъанлы тогъуз кюн.
  • Арбаз сайлама да, хоншу сайла.
  • Сабий болмагъан джерде, мёлек болмаз.
  • Кёбден умут этиб, аздан къуру къалма.
  • Дуния аламаты сен эсенг да, игиме деб айтма.
  • Джюрекге ариу – кёзге да ариу.
  • Баш болса, бёрк табылыр.
  • Бюгюн дуния кибик, тамбла ахыратды.
  • Къыйынлы джети элге оноу этер.
  • Тюз сёз баргъан сууну тыяр.
  • Джолунга кёре – джюрюшюнг, джагъанга кёре – юлюшюнг.
  • Джылыгъа джылан илешир.
  • Ёгюзню мюйюзюнден тутадыла, адамны сёзюнден тутадыла.
  • Тынгылагъан тынгы бузар.
  • Айтылгъан сёз ызына къайтмаз.
  • Этни да ашады, бетни да ашады.
  • Кенгеш болса, уруш болмаз.
  • Керилген да, ургъан кибикди.
  • Аш иеси бла татлыды.
  • Миллетни бойну – базыкъ, аны бла кюрешген – джазыкъ.
  • Кесинг сынамагъан затны, адамгъа буюрма.
  • Эм уллу байлыкъ – джан саулукъ.
  • Айтхан – тынч, этген – къыйын.
  • Кёл – къызбай, къол – батыр.
  • Чарсда алчыны эл кёреди.
  • Ишленмеклик адамлыкъды.
  • Онгсузну – джакъла, тенгликни – сакъла.

 

Архив Форума » Зеленый Форум [архив] » - ЗФ - Ана тилибизде
Страницы: Пред. 1 ... 13 14 15 16 17 ... 62 След.
RSS
Келигиз, тил байлыгъыбызны сакълайыкъ!
 
#351
Джаратама0
03.03.2008 20:44:03
Девушка Гор
 
 
 
#352
Джаратама0
03.03.2008 20:46:25
Апокалипсис_бла)))
Сау бол! Бу да сенге!
 
 
 
#353
Джаратама0
03.03.2008 21:17:11
Кергелен
Сиз ана тилибизге уллу эс бёлген адамгъа ушайсыз, аны айтханым, бараз кюн, 5-мартда бу темада тилни юсюнден профессор, филология илмуланы кандидаты Батчаланы Али-Мурат бла ушакъ этерикбиз. Заманыгъыз болса, ушагъыбызгъа къошулсагъыз иги боллукъ эди!
 
 
 
#354
Джаратама0
03.03.2008 21:22:55
Девушка Гор
<Болсун къурманчыгъм. юйде болсам. сени разы этерме.
 
 
 
#355
Джаратама0
03.03.2008 21:28:52
Кергелен
 
 
 
#356
Джаратама0
03.03.2008 23:04:20
Акъыллычыкъ
Къарачай тилни сюйгенлеге да болушургъа керекди, аны этер ючюн а кесибиз, къарачайлыла тилибизни терен билирге керекбиз
Бек тюз айтаса. Хаманда бир затха сейирсине эдим, институтда окъугъан сагъатымда, башха миллетли джаш адамла бизни тилибизден сёзле билир мурат бла, джазыб айлана эдиле. Сора, экинчи кюн, бизни бла къарачайча сёлеширге умут эте эдиле! Ол заманда бир кере башыма келмеген эди, башха тилден сёзлени билирге. Ала уа, абазала, черкеслиле, ногъайлыла - сизни тилигиз бизникинден тынчды дей эдиле.
 
 
 
#357
Джаратама0
04.03.2008 14:39:48
Мышона
Бек тюз айтаса. Хаманда бир затха сейирсине эдим, институтда окъугъан сагъатымда, башха миллетли джаш адамла бизни тилибизден сёзле билир мурат бла, джазыб айлана эдиле.
Бизде да бар эди ол адет. Керти да тынч тил болуб эте болурла алай.
 
 
 
#358
Джаратама0
04.03.2008 15:09:09
Акъыллычыкъ
Бизде да бар эди ол адет. Керти да тынч тил болуб эте болурла алай.
бсагъатда уа чечен тилни этиб айлянала алай)))
 
 
 
#359
Джаратама0
04.03.2008 15:17:25
УдивлЁныЙ
Ангыламадым, къалай этиб айланадыла?
 
 
 
#360
Джаратама0
04.03.2008 21:27:42
Девушка Гор
 
 
 
#361
Джаратама0
04.03.2008 21:29:39
кокетка
Сорууларынгы хазыр этгенмисе?
 
 
 
#362
Джаратама0
04.03.2008 21:39:14
Девушка Гор
Этмей а уа, игит да этгенме)))
 
 
 
#363
Джаратама0
04.03.2008 21:41:20
кокетка
Кертда?! Машалла.
 
 
 
#364
Джаратама0
04.03.2008 21:55:02
Девушка Гор
Айыб этме, къайтарыб соргъаныма: не затны юсюнден соруула берирге керекди? Литература болмайын, тилни юсюнден сорургъа боллукъмуду?
 
 
 
#365
Джаратама0
04.03.2008 22:03:56
Эгоистка
Мен ангылагъаннга кёре къарачай тилден берликбиз сорууланы, Алий-Мурат КъЧКъУ-де къарачай тилни окъутады, аджашдырмай эсем
 
 
 
#366
Джаратама0
04.03.2008 22:23:51
Акъыллычыкъ
Керти да тынч тил болуб эте болурла алай.
Тынч да болур, алай а, ариу, таза тил болгъаны ючюн билирге излей болурла башха миллетле бизни ана тилибизни
 
 
 
#367
Джаратама0
05.03.2008 18:47:22
Багъалы джамагъат, айтханыбызча филология илмуланы кандидаты, профессор Батчаланы Али-Мурат бла ушагъыбызны башлайбыз.

 
 
 
#368
Джаратама0
05.03.2008 18:49:12
Али-Мурат Хасанович, биринчи сорууну мен кесим берирге излейме. Сиз КъЧКъУ-ни филология факультетини Къарачай-ногъай филологиясыны кафедрасыны тамадасысыз, сиз ангылагъаннга кёре ана тилни бизни университетде тыйыншлы дараджада окъутамыдыла?
 
 
 
#369
Джаратама0
05.03.2008 18:51:31
Салам алейкум Али-Мурат Хасанович!
 
 
 
#370
Джаратама0
05.03.2008 18:52:00
Хош келигиз!
 
 
 
#371
Джаратама0
05.03.2008 18:53:46
Сау келигиз, Али - Мурат Хасанович!
 
 
 
#372
Джаратама0
05.03.2008 18:56:20
Девушка Гор
Белгилисича, Къарачай-Малкъар тил, адабият бизни университетибизде 1957 джылдан бери окъулады. Ол джыллада белгили алимле филология илмуланы кандидатлары, доцентле Байрамкъулланы Хаджи-Ахмат, Орусбийланы Хаджи-Мурат, Хабичлени Магомет, Хаджилаланы Хаджи-Мурат, Акъбайланы Шакъман, Хубийланы Магомет, Лайпанланы Къазий эл школлагъа ана тил бла литературадан устазла хазырлауда уллу къыйынларын салгъандыла. Андан бери ётген 50 джылны ичинде ала салгъан босагъада ана тилибиз ёсе, айный баргъаны бла бирге мени акъылым бла мийик дараджагъа джетгенди. Бюгюнлюкде ишлеген коллектив билим сынамын аямай, студентлеге тыйыншлы дараджада бередиле дерслени, илму тамалда ангылатадыла тилни кесеклерин, литератураны теориясын.
 
 
 
#373
Джаратама0
05.03.2008 18:57:23
кокетка
sama
КОРОЛЁК
Аллах саулукъ берсин, кёб джашагъыз, муратларыгъыз толсунла.
 
 
 
#374
Джаратама0
05.03.2008 18:58:23
Батчаланы Али Мурат
Сау болугъуз! Аллах разы болсун
 
 
 
#375
Джаратама0
05.03.2008 19:00:30
сизге кельген студентлеге,эл школладан келгенле бла шахар школладагъыладан .ана тиллеринде къайсы игирек селешедиле, аны соргъаным тилнишахардамы, элдеми иги биледиле?
 
 
 
Страницы: Пред. 1 ... 13 14 15 16 17 ... 62 След.
Читают тему (гостей: 2)

 

Написать нам

Фонд «Содействие развитию карачаево-балкарской молодежи «Эльбрусоид»

© 2003-2026 Elbrusoid.org  |  Все права защищены Законами Гор.