Войти на сайт
25 Июня 2026 года

 

  • Билеги кючлю, бирни джыгъар, билими кючлю, мингни джыгъар.
  • Сагъыш – къартлыкъгъа сюйюмчю.
  • Ата Джуртун танымагъан, атасын да танымаз.
  • Керти сёзге тёре джокъ.
  • Ачны эсинде – аш.
  • Окъугъан – асыу, окъумагъан – джарсыу.
  • Эркиши – от, тиширыу – суу.
  • Азыкълы ат арымаз, къатыны аман джарымаз.
  • Минг тенг да азды, бир джау да кёбдю.
  • Эл ауузу – элек, анга ийнаннган – халек.
  • Азыкъ аз болса, эртде орун сал.
  • Нёгер болсанг, тенг бол, тенг болмасанг, кенг бол.
  • Кюн – узун, ёмюр – къысха.
  • Уясында не кёрсе, учханында аны этер.
  • Таякъ этден ётер, тил сюекден ётер.
  • Къыйынлы джети элни къайгъысын этер.
  • Къалгъан ишге къар джауар.
  • Биреуге аманлыкъ этиб, кесинге игилик табмазса.
  • Къайгъыны сюйген, къайгъы табар.
  • Аджаллыгъа окъсуз шкок атылыр.
  • Босагъагъа джууукъ орун болса, ашыгъыб тёрге озма.
  • Ёзденликни джайгъан – джокълукъ.
  • Къошда джокъгъа – юлюш джокъ.
  • Артына баргъанны, къатына барма.
  • Ашлыкъны арба юйге келтирир, чана базаргъа элтир.
  • Кёл – къызбай, къол – батыр.
  • Атлыны ашхысы, ат тизгининден билинир
  • Кёпюр салгъан кеси ётер, уру къазгъан кеси кетер.
  • Нёгерсизни джолу узун.
  • Акъыл къартда, джашда тюйюлдю – башдады.
  • Чомарт джарлы болмаз.
  • Окъуу – билимни ачхычы, окъуу – дунияны бачхычы.
  • Хар ишни да аллы къыйынды.
  • Аманны къуугъан, аманлыкъ табар.
  • Джашны джигитлиги сорулур, къызны джигерлиги сорулур.
  • Джашынгы кесинг юретмесенг, джашау юретир.
  • Чыкълы кюнде чыкъмагъан, чыкъса къуру кирмеген.
  • Бозанг болмагъан джерге, къалагъынгы сукъма.
  • Ёлген эшек бёрюден къоркъмайды.
  • Джаным-тиним – окъуу, билим.
  • Тил бла келеди джыр да.
  • Джарлы эскисин джамаса, къууаныр.
  • Ач, тоймам, дейди, тойгъан, ач болмам, дейди.
  • Башынга джетмегенни сорма.
  • Аллахдан тилесенг, кёб тиле.
  • Суугъа – чабакъ, къаягъа – ыргъакъ.
  • Айтылгъан сёз ызына къайтмаз.
  • Эл бла кёргенинг эрелей.
  • Джашлыкъ этмеген, башлыкъ этмез.
  • Ашыкъгъан cуу, тенгизге джетмез.

 

Архив Форума » Зеленый Форум [архив] » - ЗФ - Ана тилибизде
Страницы: Пред. 1 ... 13 14 15 16 17 ... 62 След.
RSS
Келигиз, тил байлыгъыбызны сакълайыкъ!
 
#351
Джаратама0
03.03.2008 20:44:03
Девушка Гор
 
 
 
#352
Джаратама0
03.03.2008 20:46:25
Апокалипсис_бла)))
Сау бол! Бу да сенге!
 
 
 
#353
Джаратама0
03.03.2008 21:17:11
Кергелен
Сиз ана тилибизге уллу эс бёлген адамгъа ушайсыз, аны айтханым, бараз кюн, 5-мартда бу темада тилни юсюнден профессор, филология илмуланы кандидаты Батчаланы Али-Мурат бла ушакъ этерикбиз. Заманыгъыз болса, ушагъыбызгъа къошулсагъыз иги боллукъ эди!
 
 
 
#354
Джаратама0
03.03.2008 21:22:55
Девушка Гор
<Болсун къурманчыгъм. юйде болсам. сени разы этерме.
 
 
 
#355
Джаратама0
03.03.2008 21:28:52
Кергелен
 
 
 
#356
Джаратама0
03.03.2008 23:04:20
Акъыллычыкъ
Къарачай тилни сюйгенлеге да болушургъа керекди, аны этер ючюн а кесибиз, къарачайлыла тилибизни терен билирге керекбиз
Бек тюз айтаса. Хаманда бир затха сейирсине эдим, институтда окъугъан сагъатымда, башха миллетли джаш адамла бизни тилибизден сёзле билир мурат бла, джазыб айлана эдиле. Сора, экинчи кюн, бизни бла къарачайча сёлеширге умут эте эдиле! Ол заманда бир кере башыма келмеген эди, башха тилден сёзлени билирге. Ала уа, абазала, черкеслиле, ногъайлыла - сизни тилигиз бизникинден тынчды дей эдиле.
 
 
 
#357
Джаратама0
04.03.2008 14:39:48
Мышона
Бек тюз айтаса. Хаманда бир затха сейирсине эдим, институтда окъугъан сагъатымда, башха миллетли джаш адамла бизни тилибизден сёзле билир мурат бла, джазыб айлана эдиле.
Бизде да бар эди ол адет. Керти да тынч тил болуб эте болурла алай.
 
 
 
#358
Джаратама0
04.03.2008 15:09:09
Акъыллычыкъ
Бизде да бар эди ол адет. Керти да тынч тил болуб эте болурла алай.
бсагъатда уа чечен тилни этиб айлянала алай)))
 
 
 
#359
Джаратама0
04.03.2008 15:17:25
УдивлЁныЙ
Ангыламадым, къалай этиб айланадыла?
 
 
 
#360
Джаратама0
04.03.2008 21:27:42
Девушка Гор
 
 
 
#361
Джаратама0
04.03.2008 21:29:39
кокетка
Сорууларынгы хазыр этгенмисе?
 
 
 
#362
Джаратама0
04.03.2008 21:39:14
Девушка Гор
Этмей а уа, игит да этгенме)))
 
 
 
#363
Джаратама0
04.03.2008 21:41:20
кокетка
Кертда?! Машалла.
 
 
 
#364
Джаратама0
04.03.2008 21:55:02
Девушка Гор
Айыб этме, къайтарыб соргъаныма: не затны юсюнден соруула берирге керекди? Литература болмайын, тилни юсюнден сорургъа боллукъмуду?
 
 
 
#365
Джаратама0
04.03.2008 22:03:56
Эгоистка
Мен ангылагъаннга кёре къарачай тилден берликбиз сорууланы, Алий-Мурат КъЧКъУ-де къарачай тилни окъутады, аджашдырмай эсем
 
 
 
#366
Джаратама0
04.03.2008 22:23:51
Акъыллычыкъ
Керти да тынч тил болуб эте болурла алай.
Тынч да болур, алай а, ариу, таза тил болгъаны ючюн билирге излей болурла башха миллетле бизни ана тилибизни
 
 
 
#367
Джаратама0
05.03.2008 18:47:22
Багъалы джамагъат, айтханыбызча филология илмуланы кандидаты, профессор Батчаланы Али-Мурат бла ушагъыбызны башлайбыз.

 
 
 
#368
Джаратама0
05.03.2008 18:49:12
Али-Мурат Хасанович, биринчи сорууну мен кесим берирге излейме. Сиз КъЧКъУ-ни филология факультетини Къарачай-ногъай филологиясыны кафедрасыны тамадасысыз, сиз ангылагъаннга кёре ана тилни бизни университетде тыйыншлы дараджада окъутамыдыла?
 
 
 
#369
Джаратама0
05.03.2008 18:51:31
Салам алейкум Али-Мурат Хасанович!
 
 
 
#370
Джаратама0
05.03.2008 18:52:00
Хош келигиз!
 
 
 
#371
Джаратама0
05.03.2008 18:53:46
Сау келигиз, Али - Мурат Хасанович!
 
 
 
#372
Джаратама0
05.03.2008 18:56:20
Девушка Гор
Белгилисича, Къарачай-Малкъар тил, адабият бизни университетибизде 1957 джылдан бери окъулады. Ол джыллада белгили алимле филология илмуланы кандидатлары, доцентле Байрамкъулланы Хаджи-Ахмат, Орусбийланы Хаджи-Мурат, Хабичлени Магомет, Хаджилаланы Хаджи-Мурат, Акъбайланы Шакъман, Хубийланы Магомет, Лайпанланы Къазий эл школлагъа ана тил бла литературадан устазла хазырлауда уллу къыйынларын салгъандыла. Андан бери ётген 50 джылны ичинде ала салгъан босагъада ана тилибиз ёсе, айный баргъаны бла бирге мени акъылым бла мийик дараджагъа джетгенди. Бюгюнлюкде ишлеген коллектив билим сынамын аямай, студентлеге тыйыншлы дараджада бередиле дерслени, илму тамалда ангылатадыла тилни кесеклерин, литератураны теориясын.
 
 
 
#373
Джаратама0
05.03.2008 18:57:23
кокетка
sama
КОРОЛЁК
Аллах саулукъ берсин, кёб джашагъыз, муратларыгъыз толсунла.
 
 
 
#374
Джаратама0
05.03.2008 18:58:23
Батчаланы Али Мурат
Сау болугъуз! Аллах разы болсун
 
 
 
#375
Джаратама0
05.03.2008 19:00:30
сизге кельген студентлеге,эл школладан келгенле бла шахар школладагъыладан .ана тиллеринде къайсы игирек селешедиле, аны соргъаным тилнишахардамы, элдеми иги биледиле?
 
 
 
Страницы: Пред. 1 ... 13 14 15 16 17 ... 62 След.
Читают тему (гостей: 2)

 

Написать нам

Фонд «Содействие развитию карачаево-балкарской молодежи «Эльбрусоид»

© 2003-2026 Elbrusoid.org  |  Все права защищены Законами Гор.