- Келинин тута билмеген, къул этер, къызын тута билмеген, тул этер.
- Аджашханны ызындагъы кёреди, джангылгъанны джанындагъы биледи.
- Къарт болгъан джерде, берекет болур, сабий болгъан джерде, оюн болур.
- Бал – татлы, балдан да бала – татлы.
- Чомарт къолда мал къалмаз.
- Телини эшигин, махтау джабар.
- Эли джокъну – кёлю джокъ.
- Хар ишни да аллы къыйынды.
- Мадар болса, къадар болур.
- Айтылгъан буйрукъ, сёгюлмез
- Бозанг болмагъан джерге, къалагъынгы сукъма.
- Тёзген – тёш ашар!
- Ариуну – ауруу кёб.
- Эшекге миннген – биринчи айыб, андан джыгъылгъан – экинчи айыб.
- Юй кюйдю да, кюйюз чыкъды, ортасындан тюйюш чыкъды.
- Иги бла джюрюсенг, джетерсе муратынга, аман бла джюрюсенг, къалырса уятха.
- Ач къарынны, токъ билмез
- Къозулугъунда тоймагъан, къойлугъунда тоймаз.
- Тин – байлыгъынг, терен саулугъунг.
- Къонагъы джокъну – шоху джокъ.
- Аякъларынгы джууургъанынга кёре узат.
- Тешигини къатында, чычхан да батыр болур.
- Ауругъаннга – кийик саулукъ, джетген къызгъа – чилле джаулукъ.
- Чомартны къолун джокълукъ байлар.
- Кеси юйюмде мен да ханма.
- Кюн – узун, ёмюр – къысха.
- Элге къуллукъ этмеген, элге ие болмаз.
- Биреуге аманлыкъны тилеме да, кесинге ашхылыкъны тиле.
- Ашха уста, юйюнде болсун
- Эки къатын алгъан – эки ташны ортасына башын салгъан.
- Алим болгъандан эсе, адам болгъан къыйынды.
- Тёгюлген тюгел джыйылмайды.
- Эртде тургъан джылкъычыны эркек аты тай табар.
- Тюз сёз баргъан сууну тыяр.
- Уллу айтханны этмеген – уллаймаз.
- Аш иеси бла татлыды.
- Джарашыу сюйген – джалынчакъ.
- Тамбла алтындан бюгюн багъыр ашхы.
- Гугук кесини атын айтыб къычыргъанча, мен, мен деб нек тураса?
- Ёнгкюч къууана барыр, джылай келир.
- Этек чакъмакълары баш джаргъан, сёлешген сёзлери таш джаргъан.
- Игини сыйлагъан адетди.
- Къарны аманнга къазан такъдырма, къолу аманнга от джакъдырма.
- Сакъламагъан затынга джолукъсанг, не бек къууанаса, не бек ачыйса.
- Элни кючю – эмеген.
- Борчунг бар эсе, хурджунунга ойлаб узал.
- Ач уят къоймаз.
- Арбаз къынгырды да, ийнек сауалмайма.
- Орну джокъну – сыйы джокъ.
- Уясында не кёрсе, учханында аны этер.
В субботу, 26 мая в 19 часов состоится собрание Совета форума.
|
Beeline
Муза Всё очень серьёзно. |
||||
|
|
|
|||
Читают тему (гостей: 2)