- Аджаллыгъа окъсуз шкок атылыр.
- Тау башында, тау болмаз, джангыз терек, бау болмаз.
- Минг тенг да азды, бир джау да кёбдю.
- Борчунг бар эсе, хурджунунга ойлаб узал.
- Айранны сюйген, ийнек тутар.
- Гугук кесини атын айтыб къычыргъанча, мен, мен деб нек тураса?
- Башсыз урчукъ тюзюне айланмаз.
- Кёлсюзден сёзсюз тууар.
- Юйлю уругъа ит чабмаз.
- Билими азны – ауузунда кирит.
- Тура эдим джата, къайдан чыкъды хата?
- Экиндини кеч къылсанг, чабыб джетер ашхам.
- Эшекни не къадар тюйсенг да, ат болмаз.
- Аджашхан тёгерек айланыр.
- Иги болса, тамадама – махтау, аман болса, меннге – айыб.
- Тилсиз миллет джокъ болур.
- Берекет берсин деген джерде, берекет болур.
- Къайгъыны сюйген, къайгъы табар.
- Чомарт джарлы болмаз.
- Къулакъдан эсе, кёзге ышан.
- Бек анасы джыламаз.
- Къартны бурнун сюрт да, оноугъа тут.
- Урама да – ёледи, сатама да – келеди.
- Билим насыб берир, билим джолну керир.
- Биреуню тёрюнден, кесинги эшик артынг игиди.
- Айтхан сёзюне табылгъан.
- Элиб деген, элге болушур.
- Ханнга да келеди хариблик.
- Хар адамгъа кеси миннген тау кибик.
- Ашхы сёз таш тешер.
- Байма, деб да, къууанма, джарлыма, деб да, джылама.
- Сютден ауузу кюйген, суугъа юфгюре эди.
- Чомартны къолун джокълукъ байлар.
- Аман адамны тепсинге олтуртсанг, къызынгы тилер.
- Ханы къызы буюгъа-буюгъа киштик болду.
- Тилде сюек болмаса да, сюек сындырыр.
- Эки элинги тыйсанг, джети элде махталырса.
- Ачылгъан эт джабылыр, кёрген кёз унутмаз.
- Келинин тута билмеген, къул этер, къызын тута билмеген, тул этер.
- Биреу ашаб къутулур, биреу джалаб тутулур.
- Башланнган иш битер, къымылдагъан тиш тюшер.
- Садакъачыны джаны – къапчыгъында.
- Мал тутхан – май джалар.
- Къозулугъунда тоймагъан, къойлугъунда тоймаз.
- Адеб базарда сатылмаз.
- Хар зат кесини орнуна иги.
- Эр абынмай, эл танымаз.
- Эте билген, этген этеди, эте билмеген, юретген этеди!
- Адеб этмеген, адеб кёрмез.
- «Ма», - дегенни билмесенг, «бер», - дегенни билмезсе.
В субботу, 26 мая в 19 часов состоится собрание Совета форума.
|
Beeline
Муза Всё очень серьёзно. |
||||
|
|
|
|||
Читают тему (гостей: 1)