- Ёлюк кебинсиз къалмаз.
- Эрни эр этерик да, къара джер этерик да, тиширыуду.
- Намыс сатылыб алынмайды.
- Къар – келтирди, суу – элтди.
- Миллетни бойну – базыкъ, аны бла кюрешген – джазыкъ.
- Ата джурт – алтын бешик.
- Сютню башын джалагъан къутулур, тюбюн ичген тутулур.
- Акъыл къартда, джашда тюйюлдю – башдады.
- Дуния малгъа сатылма, кесингден телиге къатылма.
- Биреуге аманлыкъны тилеме да, кесинге ашхылыкъны тиле.
- Азыкъ аз болса, эртде орун сал.
- Ишлемеген – тишлемез.
- Аман киши кеси юйюнде – къонакъ.
- Урама да – ёледи, сатама да – келеди.
- Мураты болгъанны джюрек тебюую башхады.
- Кюн – узун, ёмюр – къысха.
- Билими азны – ауузунда кирит.
- Бети къызарыучу адамны, джюреги харам болмаз.
- Тойчу джашха къарама, къойчу джашха къара.
- Ашхылыкъ джерде джатмайды, аманлыкъ суугъа батмайды.
- Кесинге джетмегенни, кёб сёлешме.
- Джюрекден джюрекге джол барды.
- Алтыннга тот къонмаз.
- Джети тилни билген джети кишиди.
- Къонакъ кёб келюучю юйню, къазаны отдан тюшмез.
- Ач – эснер, ат – кишнер.
- Бозаны арты дауур болур.
- Душманны тышы – акъ, ичи – къара.
- Иши джокъну, сыйы джокъ.
- Берекет берсин деген джерде, берекет болур.
- Сагъыш – къартлыкъгъа сюйюмчю.
- Къозулугъунда тоймагъан, къойлугъунда тоймаз.
- Адебсиз адам – джюгенсиз ат.
- Адамны аманы адамны бети бла ойнар.
- Накъырданы арты керти болур.
- Эски джаугъа ышанма.
- Кесине оноу эте билмеген, халкъына да эте билмез.
- Хоншуну тауугъу къаз кёрюнюр, келини къыз кёрюнюр.
- Сабыр джетер муратха, сабырсыз къалыр уятха.
- Ёмюрлюк шохлукъну джел элтмез.
- Сагъышы джокъ – джукъучу, акъылы джокъ – къаугъачы.
- Тау башында, тау болмаз, джангыз терек, бау болмаз.
- Джарашыу сюйген – джалынчакъ.
- Ата Джуртун танымагъан, атасын да танымаз.
- Къартны сыйын кёрмеген, къартлыгъында сыйлы болмаз.
- Хунаны тюбюн къазсанг, юсюнге ауар.
- Агъач – джерни чырайы, кийим – эрни чырайы.
- Ата – билек, ана – джюрек!
- Къонакъ болсанг, ийнакъ бол.
- Мал кёб болса, джууукъ кёб болур.
В субботу, 26 мая в 19 часов состоится собрание Совета форума.
|
Beeline
Муза Всё очень серьёзно. |
||||
|
|
|
|||
Читают тему (гостей: 1)