- Суу да къайтады чыкъгъан джерине.
- Эм ашхы къайын ана мамукъ бла башынгы тешер.
- Татлы сёз – балдан татлы.
- Къатын къылыкъсыз, эр тынчлыкъсыз.
- Сабыр джетер муратха, сабырсыз къалыр уятха.
- Баш болса, бёрк табылыр.
- Иги адамны бир сёзю эки болмаз.
- Къазанда болса, чолпугъа чыгъар.
- Аурууну келиую тынч, кетиую – къыйын.
- Ариу джол аджал келтирмез.
- Къошда джокъгъа – юлюш джокъ.
- Кюлме джашха – келир башха.
- Билгенни къолу къарны джандырыр.
- Джюрекге ариу – кёзге да ариу.
- Адебни адебсизден юрен.
- Кёзюнде тереги болгъан, чёбю болгъаннга кюле эди.
- Ханы къызы буюгъа-буюгъа киштик болду.
- Суу ичген шауданынга тюкюрме.
- Окъуу – билимни ачхычы, окъуу – дунияны бачхычы.
- Булут кёкге джарашыу, уят бетге джарашыу.
- Айтхан – тынч, этген – къыйын.
- Ханнга да келеди хариблик.
- Къартны бурнун сюрт да, оноугъа тут.
- Къонакъ болсанг, ийнакъ бол.
- Башы ишлегенни, ауузу да ишлер.
- Кимни – тили, тиши онглу, кимни – къолу, иши онглу.
- Магъанасыз сёз – тауушсуз сыбызгъы.
- Кёб ант этген, кёб ётюрюк айтыр.
- Ачыу алгъа келсе, акъыл артха къалады.
- Чомартны къолун джокълукъ байлар.
- Къолунгдан къуймакъ ашатсанг да, атаны борчундан къутулмазса.
- Окъугъан – асыу, окъумагъан – джарсыу.
- Аз сёлеш, кёб ишле.
- Джетген къыз джерли эшекни танымаз.
- Эки къатын алгъан – эки ташны ортасына башын салгъан.
- Къарны аманнга къазан такъдырма, къолу аманнга от джакъдырма.
- Джырына кёре эжиую.
- Зарда марда джокъ.
- Ашыкъгъан cуу, тенгизге джетмез.
- Тилсиз миллет джокъ болур.
- Таукел адам тау тешер.
- Къызбайны юйюне дери сюрсенг, батыр болур.
- Огъурлуну сёзю – суу, огъурсузну сёзю – уу.
- Хантына кёре тузу, юйюне кёре къызы.
- Сёз сёзню айтдырыр.
- Босагъагъа джууукъ орун болса, ашыгъыб тёрге озма.
- Айырылгъанланы айю ашар, бёлюннгенлени бёрю ашар.
- Суу кетер, таш къалыр.
- Нарт сёз – тилни бети.
- Кесине гебен этелмеген, биреуге черен эте эди.
В субботу, 26 мая в 19 часов состоится собрание Совета форума.
|
Beeline
Муза Всё очень серьёзно. |
||||
|
|
|
|||
Читают тему (гостей: 1)