- Адамны джюреги нени кёрюрге сюйсе, кёзю да аны кёрюрге ёч болады.
- Къуллукъчума, деб махтанма, къуллукъ – хаух джамчыды!
- Уллу айтханны этмеген – уллаймаз.
- Адеб джокъда, намыс джокъ.
- Суу ичген шауданынга тюкюрме.
- Кийимни бир кюнню аясанг, минг кюннге джарар.
- Кёзюнде тереги болгъан, чёбю болгъаннга кюле эди.
- Башсыз урчукъ тюзюне айланмаз.
- Юреннген ауруу къалмаз.
- Бал ашаргъа сюе эсенг, чибин ургъаннга тёз.
- Эл бла кёргенинг эрелей.
- Ата Джуртча джер болмаз, туугъан элча эл болмаз.
- Нёгерсизни джолу узун.
- Иги бла джюрюсенг, джетерсе муратынга, аман бла джюрюсенг, къалырса уятха.
- Магъанасыз сёз – тауушсуз сыбызгъы.
- Ач келгенни – тойдур, кеч келгенни – къондур.
- Рысхы – сют юсюнде кёмюк кибикди.
- Арбаз сайлама да, хоншу сайла.
- Ата Джуртун танымагъан, атасын да танымаз.
- Таукел къуру къалмаз.
- Элни кючю – эмеген.
- Ауругъан – джашаудан умутчу.
- Иги джашны ышаны – аз сёлешиб, кёб тынгылар.
- Адеби болмагъан къыз – тузсуз хант.
- Джогъун бар этген, барын бал этген.
- Борчунг бар эсе, хурджунунга ойлаб узал.
- Керек ташны ауурлугъу джокъ.
- Алтыда кюлмеген, алтмышда кюлмез.
- Ачыу алгъа келсе, акъыл артха къалады.
- Ашыкъгъанны этеги бутуна чырмалыр.
- Джангызны оту джарыкъ джанмаз!
- Эл ауузу – элек, анга ийнаннган – халек.
- Сабийни джумушха джибер да, ызындан бар.
- Сабийликде юретмесенг, уллу болса – тюзелмез.
- Ётюрюк хапар аякъ тюбю бла джюрюйдю.
- Тиширыусуз юй – отсуз от джагъа.
- Къарыусузгъа кюлме, онгсузгъа тийме.
- Кечеси – аяз, кюню – къыш, джарлы къаргъагъа бир аш тюш!
- Ач къарынны, токъ билмез
- Арбаз къынгырды да, ийнек сауалмайма.
- Билмегенинги, билгеннге сор.
- Акъыллы эркиши атын махтар, акъылсыз эркиши къатынын махтар.
- Акъыл неден да кючлюдю.
- Адам къыйынлыгъын кёлтюрюр, зауукълугъун кёлтюрмез.
- Арыгъан къош чамчы болур.
- Къонакъ болсанг, ийнакъ бол.
- Акъыл сабырлыкъ берир.
- Босагъагъа джууукъ орун болса, ашыгъыб тёрге озма.
- Кирсизни – саны таза, халалны – къаны таза.
- Иесиз малны бёрю ашар.
Садакъ
Читают тему (гостей: 1)