- Сакъламагъан затынга джолукъсанг, не бек къууанаса, не бек ачыйса.
- Адеб базарда сатылмаз.
- Акъыл сабырлыкъ берир.
- Джангыз торгъай джырламаз.
- Билимден уллу байлыкъ джокъду.
- Ашхы адам – халкъ байлыгъы, ашхы джер – джашау байлыгъы.
- Билмейме деген – бир сёз
- Аман киши кеси юйюнде – къонакъ.
- Кёпюр салгъан кеси ётер, уру къазгъан кеси кетер.
- Уллу къашыкъ эрин джыртар.
- Юй ишлеген балта эшикде къалыр.
- Джаным-тиним – окъуу, билим.
- Тас болгъан бычакъны сабы – алтын.
- Мухарны эси – ашарыкъда.
- Джигер – джаннга къыйынлыкъ.
- Уллу суу бла уллу ауруудан башынгы сакъла.
- Байлыкъ адамны сокъур этер.
- Ариу сёзде ауруу джокъ.
- Рысхы – сют юсюнде кёмюк кибикди.
- Баргъанынга кёре болур келгенинг.
- Мал ёлсе, сюек къалыр, адам ёлсе, иши къалыр.
- Тойгъан джерден туугъан джер игиди.
- Керти сёзге тёре джокъ.
- Чомартны къолу берекет.
- Аман хансны – урлугъу кёб.
- Бозанг болмагъан джерге, къалагъынгы сукъма.
- Адам къаллай бир ишленмесе, аллай бир кесин уллу кёреди.
- Эте билген, этген этеди, эте билмеген, юретген этеди!
- Тёрени джагъы джокъ.
- Ойнай билмеген, уруб къачар.
- Эркишиге тары кебек танг кёрюнюр.
- Джаз бир кюнню джатсанг, къыш талай кюнню абынырса.
- Сагъыш – къартлыкъгъа сюйюмчю.
- Тенгинг джокъ эсе – изле, бар эсе – сакъла!
- Айран ичген – къутулду, джугъусун джалагъан – тутулду.
- Сабыр джетер муратха, сабырсыз къалыр уятха.
- Къонакъ аз олтурур, кёб сынар.
- Атлыны кёрсе, джаяуну буту талыр.
- Итли къонакъ джарашмаз.
- Махтаннган къыз, тойда джукълар.
- Биреуге аманлыкъны тилеме да, кесинге ашхылыкъны тиле.
- Уллу сёзде уят джокъ.
- Аякъларынгы джууургъанынга кёре узат.
- Бек анасы джыламаз.
- Джаш болсун, къыз болсун, акъылы, саны тюз болсун.
- Уллу айтханны этмеген – уллаймаз.
- Тойну къарнашы – харс, джырны къарнашы – эжиу.
- Башы джабылгъан челекге, кир тюшмез.
- Тёрде – темир таякълы, къаяда – чыпчыкъ аякълы.
- Этек чакъмакълары баш джаргъан, сёлешген сёзлери таш джаргъан.
