- Берекет берсин деген джерде, берекет болур.
- Таш бла ургъанны, аш бла ур.
- Урунуу – насыбны анасы.
- Эр абынмай, эл танымаз.
- Туз, гырджын аша, тюзлюк бла джаша.
- Билмегенинги, билгеннге сор.
- Битмегеннге сакъал – танг.
- Садакъачыны джаны – къапчыгъында.
- Акъыллы – эл иеси, тели – эл баласы.
- Нарт сёз – тилни бети.
- Атлыны кёрсе, джаяуну буту талыр.
- Азыгъы аз, алгъа къабар, аты аман, алгъа чабар.
- Айран ичген – къутулду, джугъусун джалагъан – тутулду.
- Ашхы сёз таш тешер.
- Атынг аманнга чыкъгъандан эсе, джанынг тамагъынгдан чыкъсын.
- Билмезни кёзю кёрмез, этмезни къулагъы эшитмез.
- Келинин тута билмеген, къул этер, къызын тута билмеген, тул этер.
- Биреуню къыйынлыгъы бла кесинге джол ишлеме.
- Тёрде – темир таякълы, къаяда – чыпчыкъ аякълы.
- Къайгъы тюбю – тенгиз.
- Эли джокъну – кёлю джокъ.
- Айранны сюйген, ийнек тутар.
- Эл ауузу – элек, анга ийнаннган – халек.
- Чакъырылгъанны аты, чакъырылмагъанны багъасы болур.
- Акъыллы эркиши атын махтар, акъылсыз эркиши къатынын махтар.
- Къарнынг тойгъунчу аша да, белинг талгъынчы ишле.
- Нафысынгы айтханын этме, намысынгы айтханын эт.
- Джогъун бар этген, барын бал этген.
- Тамчы таш тешер.
- Эркиши – от, тиширыу – суу.
- Огъурлуну сёзю – суу, огъурсузну сёзю – уу.
- Ата джурт – алтын бешик.
- Алтыда кюлмеген, алтмышда кюлмез.
- Олтуруб кёрюнмей эди да, ёрге туруб кёрюне эди.
- Чыбыкълыкъда бюгюлмеген, къазыкълыкъда бюгюлмей эди.
- Агъач халкъгъа алтынды, иссиликге салкъынды.
- Къанны къан бла джуума, аманны аман бла къуума.
- Къартны бурнун сюрт да, оноугъа тут.
- Керти сёзге тёре джокъ.
- Соргъан айыб тюлдю, билмеген айыбды.
- Ариуну – ауруу кёб.
- Аджашханны ызындагъы кёреди, джангылгъанны джанындагъы биледи.
- Джахил болса анасы, не билликди баласы?
- Сабийликде юретмесенг, уллу болса – тюзелмез.
- Термилгенинги табмазса, кюлгенинге тюберсе.
- Керилген да, ургъан кибикди.
- Этим кетсе да, сюегим къалыр.
- Адамны аты башхача, акъылы да башхады.
- Игиге айтсанг – билир, аманнга айтсанг – кюлюр.
- Тиширыусуз юй – отсуз от джагъа.
"Барс Эль". Обращение к карачаево-балкарскому народу.
Читают тему (гостей: 1)