- Ёлмесенг да, къарт дамы болмазса?
- Адамны артындан къара сабан сюрме.
- Хунаны тюбюн къазсанг, юсюнге ауар.
- Окъуу – билимни ачхычы, окъуу – дунияны бачхычы.
- Къатыны харакетли болса, эри къымсыз болур.
- Къобан да къуру да къобханлай турмайды, адам да къуру да патчахлай турмайды.
- Эри аманны, къатыны – аман.
- Джарлы джети элни сёзюн этер.
- Келгинчи, къонакъ уялыр, келгенден сора, къонакъбай уялыр.
- Эртде тургъан джылкъычыны эркек аты тай табар.
- Акъылсызны джууукъгъа алма, акъыллыны кенгнге салма.
- Сабий болмагъан джерде, мёлек болмаз.
- Адамны адамлыгъы къыйынлыкъда айгъакъланады.
- Ашыкъгъанны этеги бутуна чырмалыр.
- Адамны сыфатына къарама, сёзюне къара.
- Ушамагъан – джукъмаз.
- Ишленмеген джаш – джюгенсиз ат, ишленмеген къыз – тузсуз хант.
- Терслик кетер, тюзлюк джетер.
- Сёлеш деб шай берген, тохта деб, сом берген.
- Къарнынг тойгъунчу аша да, белинг талгъынчы ишле.
- Аман эсирсе, юйюн ояр.
- Агъач – джерни чырайы, кийим – эрни чырайы.
- Магъанасыз сёз – тауушсуз сыбызгъы.
- Аууз сакълагъан – джан сакълар.
- Ишлегенде эринме, ишде чолакъ кёрюнме.
- Билимсиз иш бармаз.
- Этек чакъмакълары баш джаргъан, сёлешген сёзлери таш джаргъан.
- Къайгъыны сюйген, къайгъы табар.
- Кёл ашады да, кеси ашады.
- Таукелге нюр джауар.
- Чалманны аллы къалай башланса, арты да алай барады.
- Татлы сёз – балдан татлы.
- Эшекге миннген – биринчи айыб, андан джыгъылгъан – экинчи айыб.
- Алтыннга тот къонмаз.
- Мен да «сен», дейме, сен да «кесим», дейсе.
- Сангырау къулакъ эл бузар.
- Ауругъанны сау билмез, ач къарынны токъ билмез.
- Къонакъ кёб келюучю юйню, къазаны отдан тюшмез.
- Дууулдаса – бал чибин, къонса – къара чибин.
- Адамны сабийин сюйген джюреги, бычакъча, джитиди.
- Чомарт бергенин айтмаз.
- Акъыл сабырлыкъ берир.
- Тойгъан джерден туугъан джер игиди.
- Тёзген – тёш ашар!
- Къызгъанчдан ычхыныр, мухардан ычхынмаз.
- Юйюнг бла джау болгъандан эсе, элинг бла джау бол.
- Термилгенинги табмазса, кюлгенинге тюберсе.
- Окъугъан озар, окъумагъан тозар.
- Билими азны – ауузунда кирит.
- Этни бети бла шорпасы.
"Барс Эль". Обращение к карачаево-балкарскому народу.
Читают тему (гостей: 1)