- Чомарт бергенин айтмаз.
- Джерни букъусу кёкге къонмаз.
- Джукъу тёшек сайламайды.
- Ата – баланы уясы.
- Хар зат кесини орнуна иги.
- Ишге юренсин къоллары, халкъ бла болсун джоллары.
- Ишни ахырын ойламай, аллын башлама.
- Акъыл бла адеб эгизледиле.
- Уллу сёзде уят джокъ.
- Эм уллу байлыкъ – джан саулукъ.
- Тил – кесген бычакъ, сёз – атылгъан окъ.
- Кесинге джетмегенни, кёб сёлешме.
- Ашхы адам – халкъ байлыгъы, ашхы джер – джашау байлыгъы.
- Ёмюрлюк шохлукъну джел элтмез.
- Джолунга кёре – джюрюшюнг, джагъанга кёре – юлюшюнг.
- Адам къаллай бир ишленмесе, аллай бир кесин уллу кёреди.
- Ач келгенни – тойдур, кеч келгенни – къондур.
- «Ёгюз, джаргъа джууукъ барма, меннге джюк боллукъса», - дегенди эшек.
- Чоюнну башы ачыкъ болса, итге уят керекди.
- Эллинг бла джау болсанг да, юйюнг бла джау болма.
- Байны къызы баймакъ болса да, юйде къалмаз!
- Садакъачыны джаны – къапчыгъында.
- Джолда аягъынга сакъ бол, ушакъда тилинге сакъ бол.
- Кюн кёрмеген, кюн кёрсе, кюндюз чыракъ джандырыр.
- Сёз сёзню айтдырыр.
- Джарлыны тону джаз битер.
- Адамны джюреги нени кёрюрге сюйсе, кёзю да аны кёрюрге ёч болады.
- Джарлы джети элни сёзюн этер.
- Бир онгсуз адам адет чыгъарды, деб эштирик тюлсе.
- Кёб ант этген, кёб ётюрюк айтыр.
- Билгенни къолу къарны джандырыр.
- Арпа, будай – ащды, алтын, кюмюш а – ташды.
- Джырына кёре эжиую.
- Бермеген къол, алмайды.
- Ачлыкъда тары гырджын халыуадан татлы.
- Ашхы сёз таш тешер.
- Иги адамны бир сёзю эки болмаз.
- Экеу тутушса, биреу джыгъылыр.
- Эм ашхы къайын ана мамукъ бла башынгы тешер.
- Ауругъан – джашаудан умутчу.
- Айтылгъан сёз ызына къайтмаз.
- Тура эдим джата, къайдан чыкъды хата?
- Ачлыкъ отха секиртир.
- Къарны аманнга къазан такъдырма, къолу аманнга от джакъдырма.
- Ачны эсинде – аш.
- Къайгъыны сюйген, къайгъы табар.
- Тёзген – тёш ашар!
- Аш кетер да бет къалыр.
- Мени джылытмагъан кюн, меннге тиймесин!
- Аууз сакълагъан – джан сакълар.
