- Эртде тургъан бла эртде юйленнген сокъуранмаз.
- Чарсда алчыны эл кёреди.
- Кийим тукъум сордурур.
- Къуру гыбыт бек дыгъырдар.
- Къызгъанчдан ычхыныр, мухардан ычхынмаз.
- Чыкълы кюнде чыкъмагъан, чыкъса къуру кирмеген.
- Ханнга да келеди хариблик.
- Таула не мийик болсала да, аууш табылыр.
- Тил джюрекге джол ишлейди.
- Адамны адамлыгъы къыйынлыкъда айгъакъланады.
- Нарт сёз – тилни бети.
- Къайтырыкъ эшигинги, къаты уруб чыкъма.
- Къызбайны юйюне дери сюрсенг, батыр болур.
- Биреуге кёлтюрген таягъынг, кесинги башынга урур.
- Дуния мал дунияда къалады.
- Билмезни кёзю кёрмез, этмезни къулагъы эшитмез.
- Джиби бир къат джетмей эди да, эки къат тарта эди.
- Ариу сёз – къылычдан джити.
- Тыш элде солтан болгъандан эсе, кесинги элде олтан болгъан игиди!
- Уллу сёзде уят джокъ.
- Акъыл аздырмаз, билим тоздурмаз.
- Адеб базарда сатылмаз.
- Юй ишлеген балта эшикде къалыр.
- Башда акъыл болмаса, эки аякъгъа кюч джетер.
- Тюзлюк тас болмайды.
- Атадан ёксюз – бир ёксюз, анадан ёксюз – эки ёксюз.
- Келгинчи, къонакъ уялыр, келгенден сора, къонакъбай уялыр.
- Окъдан джара эртде-кеч болса да бителир, сёз джара, ёмюрге къалыр.
- Бёрю да ач къалмасын, эчки да ашалмасын.
- Ашлыкъ – бюртюкден, джюн – тюкден.
- Тойну къарнашы – харс, джырны къарнашы – эжиу.
- Ашда – бёрю, ишде – ёлю.
- Къарны аманнга къазан такъдырма, къолу аманнга от джакъдырма.
- Этим кетсе да, сюегим къалыр.
- Шапа кёб болса, аш татымсыз болур.
- Байлыкъ келсе, акъыл кетер.
- Мал тутхан – май джалар.
- Чомартха хар кюн да байрамды.
- Сакъламагъан затынга джолукъсанг, не бек къууанаса, не бек ачыйса.
- Билеги кючлю, бирни джыгъар, билими кючлю, мингни джыгъар.
- Акъылсызны джууукъгъа алма, акъыллыны кенгнге салма.
- Келинин тута билмеген, къул этер, къызын тута билмеген, тул этер.
- Къартха ушагъан джаш – акъыллы, джашха ушагъан къарт – тели.
- Тилсиз миллет джокъ болур.
- Аманны эки битли тону болур, бирин сеннге кийдирир, бирин кеси киер.
- Тас болгъан бычакъны сабы – алтын.
- Аз сёлеш, кёб ишле.
- Тили узунну, намысы – къысха.
- Намысы болмагъанны, сыйы болмаз.
- Аманны тукъумуна къарама, игини тукъумун сорма.
