- Джерни букъусу кёкге къонмаз.
- Аман къатын сабий табса, бий болур…
- Чабакъ башындан чирийди.
- Ариу джол аджал келтирмез.
- Алгъанда – джууукъ, бергенде – джау.
- Баш болса, бёрк табылыр.
- Тёзген – тёш ашар!
- Чабакъгъа акъыл, табагъа тюшсе келеди.
- Билмегенинги, билгеннге сор.
- Къатыны харакетли болса, эри къымсыз болур.
- Джарашыу сюйген – джалынчакъ.
- Сагъыш – къартлыкъгъа сюйюмчю.
- Тойгъан джерге джети къайт.
- Къолу уллу – асыу, аягъы уллу – джарсыу.
- Ашда – бёрю, ишде – ёлю.
- Шапа кёб болса, аш татымсыз болур.
- Ашыкъгъан cуу, тенгизге джетмез.
- Аман къатын алгъан, арыр, иги къатын алгъан джарыр.
- Намыс сатылыб алынмайды.
- Ёпкелегенни ашы татлы болады.
- Тешик этген тынчды, аны джамагъан къыйынды.
- Накъырданы арты керти болур.
- Чомартха Тейри да борчлуду.
- Атадан ёксюз – бир ёксюз, анадан ёксюз – эки ёксюз.
- Къолунгдан къуймакъ ашатсанг да, атаны борчундан къутулмазса.
- Дуния мал дунияда къалады.
- Татлы тилде – сёз ариу, чемер къолда – иш ариу.
- Сютню башын джалагъан къутулур, тюбюн ичген тутулур.
- Кёлю джокъну – джолу джокъ.
- Джолда аягъынга сакъ бол, ушакъда тилинге сакъ бол.
- Ёзденликни джайгъан – джокълукъ.
- Чабакъсыз кёлге къармакъ салгъанлыкъгъа, чабакъ тутмазса.
- Иги сеники эсе да, сюйген кесимикин этеме.
- Адамгъа аман кюн соруб келмейди.
- Бастасын ашагъан, хантусун да ичер.
- Ашлыкъны арба юйге келтирир, чана базаргъа элтир.
- Тюзлюк шохлукъну бегитир.
- Игилик игилик бла сингдирилиучю затды.
- Чомарт джарлы болмаз.
- Тюзню ётмеги тюзде къалса да, тас болмаз.
- Билими азны – ауузунда кирит.
- Эркиши – от, тиширыу – суу.
- Ариу сёз аурууунгу алыр.
- Ариу сёз – къылычдан джити.
- Билим – акъылны чырагъы.
- Ачыу алгъа келсе, акъыл артха къалады.
- Джырына кёре эжиую.
- Джигер – джаннга къыйынлыкъ.
- Чакъырылмагъан къонакъ къачан кетерин сормаз.
- Уллу къазанда бишген эт, чий къалмаз.
Смешные курьезы, с которыми мы сталкиваемся по работе.
Читают тему (гостей: 1)