- Сютден ауузу кюйген, суугъа юфгюре эди.
- Онгсузну – джакъла, тенгликни – сакъла.
- Уллу атлама – абынырса, уллу къабма – къарылырса.
- Дууулдаса – бал чибин, къонса – къара чибин.
- Тойгъан джерге джети къайт.
- Бёрю да ач къалмасын, эчки да ашалмасын.
- Чыкълы кюнде чыкъмагъан, чыкъса къуру кирмеген.
- Насыб бютеу халкъны юлюшюдю.
- Башланнган иш битер, къымылдагъан тиш тюшер.
- Магъанасыз сёз – тауушсуз сыбызгъы.
- Чомартха хар кюн да байрамды.
- Ачылгъан эт джабылыр, кёрген кёз унутмаз.
- Таукел адам тау тешер.
- Агъач – джерни чырайы, кийим – эрни чырайы.
- Ушамагъан – джукъмаз.
- Тёгюлген тюгел джыйылмайды.
- Акъыллы айтыр эди, акъылсыз къоймайды.
- Тойну къарнашы – харс, джырны къарнашы – эжиу.
- Окъугъан озар, окъумагъан тозар.
- Къарт айтханны этмеген, къартаймаз.
- Бичгенде ашыкъма, тикгенде ашыкъ.
- Айтылгъан буйрукъ, сёгюлмез
- Джаш къарыу бла кючлю, къарт акъыл бла кючлю.
- Иги бла джюрюсенг, джетерсе муратынга, аман бла джюрюсенг, къалырса уятха.
- Адамны аманы адамны бети бла ойнар.
- Адамны джюреги нени кёрюрге сюйсе, кёзю да аны кёрюрге ёч болады.
- Телиге от эт десенг, юйюнге от салыр.
- Керти сёзге тёре джокъ.
- Тешигини къатында, чычхан да батыр болур.
- Тюзню ётмеги тюзде къалса да, тас болмаз.
- Адам сёзюнден белгили.
- Мухардан ач ычхынмаз.
- Къарт болгъан джерде, берекет болур, сабий болгъан джерде, оюн болур.
- Тынгылагъан тынгы бузар.
- Ишин билген, аны сыйын чыгъарады.
- Ашыкъгъанны этеги бутуна чырмалыр.
- Джогъун бар этген, барын бал этген.
- «Ма», - дегенни билмесенг, «бер», - дегенни билмезсе.
- Гитче джилтин уллу элни джандырыр.
- Адамны бетине къарама, адетине къара.
- Джашда акъыл джокъ, къартда къарыу джокъ.
- Адамны сабийин сюйген джюреги, бычакъча, джитиди.
- Ойнай билмеген, оюн бузар.
- Рысхы джалгъанды: келген да этер, кетген да этер.
- Байны къызы баймакъ болса да, юйде къалмаз!
- Къайгъыны сюйген, къайгъы табар.
- Ач къалгъандан, кеч къалгъан къолай.
- От кюйдюрген, сау болса да, тот кюйдюрген, сау болмаз.
- Суугъа – таянма, джаугъа – ийнанма.
- Билген билмегенни юретген адетди.
Смешные курьезы, с которыми мы сталкиваемся по работе.
Читают тему (гостей: 1)