- Алтыннга тот къонмаз.
- Чабакъ башындан чирийди.
- Айранны сюйген, ийнек тутар.
- Душманны тышы – акъ, ичи – къара.
- Джангыз терек къынгыр ёсер.
- Билмезни кёзю кёрмез, этмезни къулагъы эшитмез.
- Хар ишни да аллы къыйынды.
- Кёб джат да, бек чаб.
- Ашына кёре табагъы, балына кёре къалагъы.
- Ишлерге уял да, ашаргъа табма.
- Ашха уста, юйюнде болсун
- Мураты болгъанны джюрек тебюую башхады.
- Адам къыйынлыгъын кёлтюрюр, зауукълугъун кёлтюрмез.
- Уруну арты – къуру.
- Иги адам абынса да, джангылмаз.
- Эл ауузу – элия.
- Оюмсуз атлагъан, аджалсыз ёлюр.
- Аман адамны тепсинге олтуртсанг, къызынгы тилер.
- Эл элде бирер малынг болгъандан эсе, бирер тенгинг болсун.
- Биреу ашаб къутулур, биреу джалаб тутулур.
- Иги болса, тамадама – махтау, аман болса, меннге – айыб.
- Хар сёзню орну барды.
- Джылкъыдан – ат чыгъар, тукъумдан – джаш чыгъар.
- Байлыкъ тауусулур, билим тауусулмаз.
- Тенгинг джокъ эсе – изле, бар эсе – сакъла!
- Джыгъылгъанны сырты джерден тоймаз.
- Аман киши кеси юйюнде – къонакъ.
- Чомарт къонакъ юй иесин сыйлар.
- Ариу сёз – къылычдан джити.
- Ойнай билмеген, оюн бузар.
- Бозаны арты дауур болур.
- Адамны аты башхача, акъылы да башхады.
- Кесинг сынамагъан затны, адамгъа буюрма.
- Иши джокъну, сыйы джокъ.
- Ёлюр джаннга, ёкюл джокъ.
- Къарны аманнга къазан такъдырма, къолу аманнга от джакъдырма.
- Аманны эки битли тону болур, бирин сеннге кийдирир, бирин кеси киер.
- Акъыллы эркиши атын махтар, акъылсыз эркиши къатынын махтар.
- Мухар, кеси тойса да, кёзю тоймаз.
- Джарлы джети элни сёзюн этер.
- Зар адам ашынгы ашар, кесинги сатар.
- Эли джокъну – кёлю джокъ.
- Эл ауузу – элек, анга ийнаннган – халек.
- Таула не мийик болсала да, аууш табылыр.
- Билим къая тешер.
- Эрни эр этерик да, къара джер этерик да, тиширыуду.
- Адам боллукъ, атламындан белгили болур.
- Игилик игилик бла сингдирилиучю затды.
- Эртде тургъан бла эртде юйленнген сокъуранмаз.
- Эки ойлашыб, бир сёлешген.
