- Кёкдеги болмаса, джердегин кёрмейди.
- Ашатыргъа иш – ашхы, ишлетирге аш – ашхы.
- Чыбыкълыкъда бюгюлмеген, къазыкълыкъда бюгюлмей эди.
- Къарны аманнга къазан такъдырма, къолу аманнга от джакъдырма.
- Джашлыкъ этмеген, башлыкъ этмез.
- Накъырда – кертини келечиси.
- Айтхан сёзюне табылгъан.
- Къоркъакъны кёзю экили кёрюр.
- Къызны минг тилер, бир алыр.
- Джети тилни билген джети кишиди.
- Билимли ёлмез, билимсиз кёрмез.
- Тил джюрекге джол ишлейди.
- Кёб джашагъан – кёб билир.
- Сабыр джетер муратха, сабырсыз къалыр уятха.
- Мураты болгъанны джюрек тебюую башхады.
- Кёлю джокъну – джолу джокъ.
- Рысхы джалгъанды: келген да этер, кетген да этер.
- Байма, деб да, къууанма, джарлыма, деб да, джылама.
- Огъурлуну сёзю – суу, огъурсузну сёзю – уу.
- Зар адамны насыбы болмаз.
- Къарт айтханны этмеген, къартаймаз.
- Ёлюк кебинсиз къалмаз.
- Къыйынлы джети элни къайгъысын этер.
- Ата Джуртуму башы болмасам да, босагъасында ташы болайым.
- Ашыкъгъанны этеги бутуна чырмалыр.
- Ауругъан – джашаудан умутчу.
- Чарсда алчыны эл кёреди.
- Гитче джилтин уллу элни джандырыр.
- Къазанда болса, чолпугъа чыгъар.
- Ашаса, ашамаса да, бёрюню ауузу – къан.
- Босагъагъа джууукъ орун болса, ашыгъыб тёрге озма.
- Суу кетер, таш къалыр.
- Джаным-тиним – окъуу, билим.
- Дуния малгъа сатылма, кесингден телиге къатылма.
- Кёб къычыргъандан – къоркъма, тынч олтургъандан – къоркъ.
- Кесинге джетмегенни, кёб сёлешме.
- Биреу ашаб къутулур, биреу джалаб тутулур.
- Ойнай билмеген, уруб къачар.
- Биреуню тёрюнден, кесинги эшик артынг игиди.
- Ишлегенде эринме, ишде чолакъ кёрюнме.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Тамырсыз терекге таянма – джыгъылырса.
- Берекет берсин деген джерде, берекет болур.
- Къуллукъчума, деб махтанма, къуллукъ – хаух джамчыды!
- Айырылмаз джууугъунга, унутмаз сёзню айтма.
- Ауузу бла къуш тута айланады.
- Къанны къан бла джуума, аманны аман бла къуума.
- Ким бла джюрюсенг, аны кёзю бла кёрюнюрсе.
- Адеб джокъда, намыс джокъ.
- Ауурну тюбю бла, дженгилни башы бла джюрюген.
Армреслеры Карачаево-Черкесии - сильнейшие на планете!
|
[img:846cf0bd66]http://s61.radikal.ru/i171/1111/6b/d9b6b62f7a5e.jpg[/img:846cf0bd66]
Крепка как сталь рука Рукоборца!!!!!!
P.S. Къарачай пацанланы къолларыдыла :smt121
|
|
|
|
|
|
[img:7f0eff4632]http://i076.radikal.ru/1111/e5/79be61e3de20.jpg[/img:7f0eff4632]
Чомаев Роберт и президент Асоциации Армспорта РФ Филимонов.
|
||||
|
|
|
|||
Читают тему (гостей: 1)