- Келинни – келгинчи, бёркню кийгинчи кёр.
- Аман адам этегингден тутса, кес да къач.
- Иги сёз – джаннга азыкъ, аман сёз башха – къазыкъ.
- Шапа кёб болса, аш татымсыз болур.
- Рысхы – насыбха къор.
- Азыгъы аз, алгъа къабар, аты аман, алгъа чабар.
- Тиширыусуз юй – отсуз от джагъа.
- Кёзню ачылгъаны – иги, ауузну джабылгъаны – иги.
- Эл элде бирер малынг болгъандан эсе, бирер тенгинг болсун.
- Окъугъан – асыу, окъумагъан – джарсыу.
- Юре билмеген ит, къонакъ келтирир.
- Аз сёлешген, къайгъысыз турур.
- Кёл – къызбай, къол – батыр.
- Ата джурт – алтын бешик.
- Магъанасыз сёз – тауушсуз сыбызгъы.
- Билим къая тешер.
- Ёксюзню къалачы уллу кёрюнюр.
- Ёзденликни джайгъан – джокълукъ.
- Иги – алгъыш этер, аман – къаргъыш этер.
- Тёгюлген тюгел джыйылмайды.
- Ашаса, ашамаса да, бёрюню ауузу – къан.
- Дуния мал дунияда къалады.
- Юй кюйдю да, кюйюз чыкъды, ортасындан тюйюш чыкъды.
- Минг тенг да азды, бир джау да кёбдю.
- Адамны сыфатына къарама, сёзюне къара.
- Аманнга алтын чыдамаз.
- Адам сёзге тынгыла, акъыл сёзню ангыла.
- Асхат ашлыкъ сата, юйдегиси ачдан къата.
- Огъурлуну сёзю – суу, огъурсузну сёзю – уу.
- Джарлы тюеге минсе да, ит къабар.
- Кеси юйюмде мен да ханма.
- Ётген ёмюр – акъгъан суу.
- Ашда – бёрю, ишде – ёлю.
- Акъыл сабырлыкъ берир.
- Ишленмеген джаш – джюгенсиз ат, ишленмеген къыз – тузсуз хант.
- Кийимни бир кюнню аясанг, минг кюннге джарар.
- Акъыл бла адеб эгизледиле.
- Чакъырылмагъан къонакъ къачан кетерин сормаз.
- Къатын байлыкъны сюер, эр саулукъну сюер.
- Келгинчи, къонакъ уялыр, келгенден сора, къонакъбай уялыр.
- Ауругъаннга – кийик саулукъ, джетген къызгъа – чилле джаулукъ.
- Сабийликде юретмесенг, уллу болса – тюзелмез.
- Айран ичген – къутулду, джугъусун джалагъан – тутулду.
- Кёрмегеннге кебек – танг, битмегеннге сакъал – танг.
- Гитче джилтин уллу элни джандырыр.
- Акъыллы айтыр эди, акъылсыз къоймайды.
- Татлы сёз – балдан татлы.
- Миллетни бойну – базыкъ, аны бла кюрешген – джазыкъ.
- Ётюрюкчюню шагъаты – къатында.
- Бет бетге къараса, бет да джерге къарар.
