- Эки къатын алгъан – эки ташны ортасына башын салгъан.
- Джырчы ёлсе, джыры къалыр.
- Ата Джуртча джер болмаз, туугъан элча эл болмаз.
- Окъуусуз билим – джокъ, билимсиз кюнюнг – джокъ.
- Рысхы джалгъанды: келген да этер, кетген да этер.
- Адам боллукъ, атламындан белгили болур.
- Эски джаугъа ышанма.
- Ач уят къоймаз.
- Ана – юйню кюн джарыгъы.
- Къонакъ хазыр болгъанлыкъгъа, къонакъбай хазыр тюлдю.
- Ургъан суудан башынгы сакъла.
- Кесинг сынамагъан затны, адамгъа буюрма.
- Джумушакъ сёз къаты таякъны сындырыр.
- Дуния аламаты сен эсенг да, игиме деб айтма.
- Адебсиз адам – джюгенсиз ат.
- Джыгъылгъанны сырты джерден тоймаз.
- Баш – акъыл ючюн, акъылман – халкъ ючюн.
- Олтуруб кёрюнмей эди да, ёрге туруб кёрюне эди.
- Акъдан къара болмаз.
- Тилде сюек болмаса да, сюек сындырыр.
- Тулпарлыкъ, билекден тюл – джюрекден.
- Акъыллы башны – тили къысха.
- Керилген да, ургъан кибикди.
- Бал чибинни ургъаны – ачы, балы – татлы.
- Эр абынмай, эл танымаз.
- Адеб базарда сатылмаз.
- Кийим тукъум сордурур.
- Зар адам ашынгы ашар, кесинги сатар.
- Къартны бурнун сюрт да, оноугъа тут.
- Тешик этген тынчды, аны джамагъан къыйынды.
- Эринчекни аурууу – кёб.
- Адамны аты башхача, акъылы да башхады.
- Тели турса – той бузар.
- Аджалсыз ёлюм болмаз.
- Сабийликде юретмесенг, уллу болса – тюзелмез.
- Чабакъгъа акъыл, табагъа тюшсе келеди.
- Айраннга суу къош, телиге джол бош.
- Джигер – джаннга къыйынлыкъ.
- Арбаз сайлама да, хоншу сайла.
- Кюн – узун, ёмюр – къысха.
- От кюйдюрген, сау болса да, тот кюйдюрген, сау болмаз.
- Ашыкъгъанны этеги бутуна чырмалыр.
- Кёб джат да, бек чаб.
- Атадан ёксюз – бир ёксюз, анадан ёксюз – эки ёксюз.
- Иги адамны бир сёзю эки болмаз.
- Онгсузну – джакъла, тенгликни – сакъла.
- Уллу къазанда бишген эт, чий къалмаз.
- Эрни эр этерик да, къара джер этерик да, тиширыуду.
- Ашына кёре табагъы, балына кёре къалагъы.
- Агъач халкъгъа алтынды, иссиликге салкъынды.
