- Зар адамны насыбы болмаз.
- Мени джылытмагъан кюн, меннге тиймесин!
- Къошда джокъгъа – юлюш джокъ.
- Ойнаб айтсанг да, эслеб айт.
- Ёпкелегенни ашы татлы болады.
- Босагъагъа джууукъ орун болса, ашыгъыб тёрге озма.
- Термилгенинги табмазса, кюлгенинге тюберсе.
- Чомартха хар кюн да байрамды.
- Адам боллукъ, атламындан белгили болур.
- Телиге акъыл салгъандан эсе, ёлгеннге джан салырса.
- Ачыкъ джюрекге джол – ачыкъ.
- Аз айтсам, кёб ангылагъыз.
- Биреуню тёрюнден, кесинги эшик артынг игиди.
- Сёз сёзню айтдырыр.
- Хунаны тюбюн къазсанг, юсюнге ауар.
- Дууулдаса – бал чибин, къонса – къара чибин.
- Ач къарынны, токъ билмез
- Ашын ашагъанынгы, башын да сыйла.
- Джауумдан сора, кюн кюйдюрюр, ётюрюкден сора, айыб кюйдюрюр.
- Ач уят къоймаз.
- Кёрмегеннге кебек – танг, битмегеннге сакъал – танг.
- Ач къалгъандан, кеч къалгъан къолай.
- Ата Джуртча джер болмаз, туугъан элча эл болмаз.
- Ашатыргъа иш – ашхы, ишлетирге аш – ашхы.
- Бастасын ашагъан, хантусун да ичер.
- Тёрде – темир таякълы, къаяда – чыпчыкъ аякълы.
- Тау башында, тау болмаз, джангыз терек, бау болмаз.
- Эте билген, этген этеди, эте билмеген, юретген этеди!
- Ишни ахырын ойламай, аллын башлама.
- Нарт сёз къарт болмаз.
- Айтхан сёзюне табылгъан.
- Гугурук къычырмаса да, тангны атары къалмаз.
- Ачны эсинде – аш.
- Байдан умут эте, джарлыдан ёгюз багъасы къорады.
- Бал ашаргъа сюе эсенг, чибин ургъаннга тёз.
- Халкъны джырын джырласанг, халкъ санга эжиу этер.
- Дуния малгъа сатылма, кесингден телиге къатылма.
- Джумушакъ терекни къурт ашар.
- Джыйырма къойну юч джыйырма эбзе кюте эди.
- Атлыны кёрсе, джаяуну буту талыр.
- Ауругъан – джашаудан умутчу.
- Юй ишлеген балта эшикде къалыр.
- Къайгъыны сюйген, къайгъы табар.
- Ариу джол аджал келтирмез.
- Эли джокъну – кёлю джокъ.
- Кёбню кёрген – кёб билир.
- Джол бла сёзню къыйыры джокъ.
- Ачлыкъда тары гырджын халыуадан татлы.
- Башы джабылгъан челекге, кир тюшмез.
- Къоркъакъны кёзю экили кёрюр.
