- Аман адамны тепсинге олтуртсанг, къызынгы тилер.
- Ишленмеген джаш – джюгенсиз ат, ишленмеген къыз – тузсуз хант.
- Аджашханны ызындагъы кёреди, джангылгъанны джанындагъы биледи.
- Таула не мийик болсала да, аууш табылыр.
- Джюрек кёзден алгъа кёрюр.
- Акъыллы эркиши атын махтар, акъылсыз эркиши къатынын махтар.
- Къарнынг тойгъунчу аша да, белинг талгъынчы ишле.
- Эл ауузу – элия.
- Эркиши – от, тиширыу – суу.
- Олтуруб кёрюнмей эди да, ёрге туруб кёрюне эди.
- Къарын къуру болса, джюрек уру болур.
- Юре билмеген ит, къонакъ келтирир.
- Сёз – кюмюш, джыр – алтын.
- Окъдан джара эртде-кеч болса да бителир, сёз джара, ёмюрге къалыр.
- Джыйырма къойну юч джыйырма эбзе кюте эди.
- Байма, деб да, къууанма, джарлыма, деб да, джылама.
- Экеулен сёлеше тура эселе, орталарына барыб кирме.
- Ёнгкюч къууана барыр, джылай келир.
- Эм ашхы къайын ана мамукъ бла башынгы тешер.
- Байлыкъ адамны сокъур этер.
- Соргъан айыб тюлдю, билмеген айыбды.
- Юйлю уругъа ит чабмаз.
- Чакъырылмай келген къонакъ сыйланмай кетер.
- Ауузу бла къуш тута айланады.
- Бичгенде ашыкъма, тикгенде ашыкъ.
- Джарлы джети элни сёзюн этер.
- Байлыкъ болгъан джерде, тынчлыкъ джокъду.
- Джолунга кёре – джюрюшюнг, джагъанга кёре – юлюшюнг.
- Мураты болгъанны джюрек тебюую башхады.
- Уясында не кёрсе, учханында аны этер.
- Эринчекге кюн узун.
- Окъугъан озар, окъумагъан тозар.
- Тюзлюк шохлукъну бегитир.
- Накъырда – кертини келечиси.
- Чыкълы кюнде чыкъмагъан, чыкъса къуру кирмеген.
- Аз сёлешген, къайгъысыз турур.
- Тенгни тенглиги джашай барсанг билинир.
- Джиби бир къат джетмей эди да, эки къат тарта эди.
- Ётген ёмюр – акъгъан суу.
- Аз сёлеш, кёб ишле.
- Къыз келсе, джумуш эте келеди, къатын келсе, ушакъ эте келеди.
- Къонакъ кёб келюучю юйню, къазаны отдан тюшмез.
- Хар ишни да аллы къыйынды.
- Танг атмайма десе да, кюн къоярыкъ тюйюлдю.
- Уллу сёлешме да, уллу къаб.
- Ёгюзню мюйюзлери ауурлукъ этмейдиле.
- Ишге юренсин къоллары, халкъ бла болсун джоллары.
- Байны оноуу, джарлыгъа джарамаз.
- Ишлерге уял да, ашаргъа табма.
- Адебни адебсизден юрен.
