- Байдан умут эте, джарлыдан ёгюз багъасы къорады.
- Билим ат болуб да чабар, къуш болуб да учар.
- Эски джаугъа ышанма.
- Акъыл бла адеб эгизледиле.
- Къан бла кирген, джан бла чыгъар.
- Аман адам этегингден тутса, кес да къач.
- Ёксюзню тилеги къабыл болур.
- Кечеси – аяз, кюню – къыш, джарлы къаргъагъа бир аш тюш!
- Эртде тургъан джылкъычыны эркек аты тай табар.
- Чарсда алчыны эл кёреди.
- Бал ашаргъа сюе эсенг, чибин ургъаннга тёз.
- Джахил болса анасы, не билликди баласы?
- Бети – къучакълар, джюреги – бычакълар.
- Онгсузну – джакъла, тенгликни – сакъла.
- Билгенни къолу къарны джандырыр.
- Кёбден умут этиб, аздан къуру къалма.
- Бир онгсуз адам адет чыгъарды, деб эштирик тюлсе.
- Керилген да, ургъан кибикди.
- Ариуну – ауруу кёб.
- Къонакъ аман болса, къонакъбай джунчур
- Джогъун бар этген, барын бал этген.
- Аллахдан тилесенг, кёб тиле.
- Махтаннган къыз, тойда джукълар.
- Урама да – ёледи, сатама да – келеди.
- Байлыкъ келсе, акъыл кетер.
- Ач бёрюге мекям джокъ.
- Джырчы ёлсе, джыры къалыр.
- Ойнаб айтсанг да, эслеб айт.
- Мухар, кеси тойса да, кёзю тоймаз.
- Джуртун къоругъан озар.
- Башынга джетмегенни сорма.
- Къатын байлыкъны сюер, эр саулукъну сюер.
- Келгинчи, къонакъ уялыр, келгенден сора, къонакъбай уялыр.
- Игилик игилик бла сингдирилиучю затды.
- Хазыр ашха – терен къашыкъ.
- Ариу сёз джыланны орнундан чыгъарыр.
- Арыгъан къош чамчы болур.
- Ашхы адам – халкъ байлыгъы, ашхы джер – джашау байлыгъы.
- Джарлыны эшигин махтагъан джабар.
- Терек ауса, отунчу – кёб.
- Аджаллыгъа окъсуз шкок атылыр.
- Аман къатын сабий табса, бий болур…
- Тёрде – темир таякълы, къаяда – чыпчыкъ аякълы.
- Тешик этген тынчды, аны джамагъан къыйынды.
- Тил – кесген бычакъ, сёз – атылгъан окъ.
- Кийим тукъум сордурур.
- Тилсиз миллет джокъ болур.
- Узун джолну барсанг, бюгюн келирсе, къысха джолну барсанг, тамбла келирсе.
- Джарлыны тону джаз битер.
- Джашлыкъ этмеген, башлыкъ этмез.
