- Чомарт къонакъ юй иесин сыйлар.
- Къарнынг ауруса, ауузунгу тый
- Аджаллыгъа окъсуз шкок атылыр.
- Бети бедерден, намыс сакълама.
- Суу ичген шауданынга тюкюрме.
- Ат басханны джер билед.
- Аманны тукъумуна къарама, игини тукъумун сорма.
- Айран ичген – къутулду, джугъусун джалагъан – тутулду.
- Юреннген ауруу къалмаз.
- Кёзюнде тереги болгъан, чёбю болгъаннга кюле эди.
- Ач бёрюге мекям джокъ.
- Башы ишлегенни, ауузу да ишлер.
- Бозанг болмагъан джерге, къалагъынгы сукъма.
- Кёб къычыргъандан – къоркъма, тынч олтургъандан – къоркъ.
- Кютгени беш эчки, сызгъыргъаны уа, джерни джарады.
- Чарсда алчыны эл кёреди.
- Аман къатын алгъан, арыр, иги къатын алгъан джарыр.
- Ишлерге уял да, ашаргъа табма.
- Сабий болмагъан джерде, мёлек болмаз.
- Уллу суу бла уллу ауруудан башынгы сакъла.
- Юй ишлеген балта эшикде къалыр.
- Керти сёзге тёре джокъ.
- Ёгюзню мюйюзлери ауурлукъ этмейдиле.
- Ачлыкъ отха секиртир.
- Адам къыйынлыгъын кёлтюрюр, зауукълугъун кёлтюрмез.
- Экеу тутушса, биреу джыгъылыр.
- Терек ауса, отунчу – кёб.
- Акъыл къартда, джашда тюйюлдю – башдады.
- Чакъырылгъанны аты, чакъырылмагъанны багъасы болур.
- Билеги кючлю, бирни джыгъар, билими кючлю, мингни джыгъар.
- Чыкълы кюнде чыкъмагъан, чыкъса къуру кирмеген.
- Аш хазыр болса, иш харам болур.
- Къызгъанчдан ычхыныр, мухардан ычхынмаз.
- Таякъ этден ётер, тил сюекден ётер.
- Сагъыш – къартлыкъгъа сюйюмчю.
- Этни да ашады, бетни да ашады.
- Тёзген – тёш ашар!
- Минг тенг да азды, бир джау да кёбдю.
- Арбаз къынгырды да, ийнек сауалмайма.
- Бал – татлы, балдан да бала – татлы.
- Ауругъаннга – кийик саулукъ, джетген къызгъа – чилле джаулукъ.
- Шекер бла туз – бир болмаз, ушамагъан – юй болмаз.
- Билим насыб берир, билим джолну керир.
- Сютню башын джалагъан къутулур, тюбюн ичген тутулур.
- Баш болса, бёрк табылыр.
- Джарлы эскисин джамаса, къууаныр.
- Байлыкъ адамны сокъур этер.
- Тюзню ётмеги тюзде къалса да, тас болмаз.
- Къатын къылыкъсыз, эр тынчлыкъсыз.
- Эли джокъну – кёлю джокъ.
