- Аман къатын сабий табса, бий болур…
- Адамны артындан къара сабан сюрме.
- Сакъламагъан затынга джолукъсанг, не бек къууанаса, не бек ачыйса.
- Къонакъ кёб келюучю юйню, къазаны отдан тюшмез.
- Эллинг бла джау болсанг да, юйюнг бла джау болма.
- Ишленмеген джаш – джюгенсиз ат, ишленмеген къыз – тузсуз хант.
- Ашда уялгъан – мухар, ишде уялгъан – хомух.
- Тилчиден кери бол.
- Джылкъыдан – ат чыгъар, тукъумдан – джаш чыгъар.
- Бал чибинни ургъаны – ачы, балы – татлы.
- Къобан да къуру да къобханлай турмайды, адам да къуру да патчахлай турмайды.
- Аманнга да, игиге да оноусуз къатышма.
- Ана къойну – балагъа джандет.
- Ёзденликни джайгъан – джокълукъ.
- Къыз келсе, джумуш эте келеди, къатын келсе, ушакъ эте келеди.
- Окъугъанны бети джарыкъ.
- Бермеген къол, алмайды.
- Ауурну тюбю бла, дженгилни башы бла джюрюген.
- Aдам боллукъ, сыфатындан белгили.
- Экиндини кеч къылсанг, чабыб джетер ашхам.
- Кёпюр салгъан кеси ётер, уру къазгъан кеси кетер.
- Къазанны башы ачыкъ болса, итге уят керекди.
- Ишленмеклик адамлыкъды.
- Къууут – джелге, берне – бошха.
- Сабий кёргенин унутмаз.
- Джолда аягъынга сакъ бол, ушакъда тилинге сакъ бол.
- Джыйырма къойну юч джыйырма эбзе кюте эди.
- Адам боллукъ, атламындан белгили болур.
- Джол бла сёзню къыйыры джокъ.
- Джолунга кёре – джюрюшюнг, джагъанга кёре – юлюшюнг.
- Билмейме деген – бир сёз
- Эркишини аманы тиширыуну джылатыр.
- Иги адамны бир сёзю эки болмаз.
- Тамчы таш тешер.
- Ким бла джюрюсенг, аны кёзю бла кёрюнюрсе.
- Сангырау къулакъ эл бузар.
- Биреуге аманлыкъ этиб, кесинге игилик табмазса.
- Терек ауса, отунчу – кёб.
- Урунуу – насыбны анасы.
- Кюлме джашха – келир башха.
- Ариу сёзде ауруу джокъ.
- Агъач – джерни чырайы, кийим – эрни чырайы.
- Элни кючю – эмеген.
- Хантына кёре тузу, юйюне кёре къызы.
- Игиге айтсанг – билир, аманнга айтсанг – кюлюр.
- Чомарт джарлы болмаз.
- Окъдан джара эртде-кеч болса да бителир, сёз джара, ёмюрге къалыр.
- Татлы тилде – сёз ариу, чемер къолда – иш ариу.
- Байны къызы баймакъ болса да, юйде къалмаз!
- Къулакъдан эсе, кёзге ышан.
