- Туз, гырджын аша, тюзлюк бла джаша.
- Шекер бла туз – бир болмаз, ушамагъан – юй болмаз.
- Бал чибинни ургъаны – ачы, балы – татлы.
- Бир абыннган – минг сюрюнюр.
- Сескекли кесин билдирир.
- Джигер – джаннга къыйынлыкъ.
- Тенгни тенглиги джашай барсанг билинир.
- Таукел тауну аудурур.
- Акъыл аздырмаз, билим тоздурмаз.
- Ариу – кёзге, акъыл – джюрекге.
- Чакъырылмагъан къонакъ къачан кетерин сормаз.
- Таш бла ургъанны, аш бла ур.
- Къыз келсе, джумуш эте келеди, къатын келсе, ушакъ эте келеди.
- Айранны сюйген, ийнек тутар.
- Эки элинги тыйсанг, джети элде махталырса.
- Адам къыйынлыгъын кёлтюрюр, зауукълугъун кёлтюрмез.
- Ач къалгъандан, кеч къалгъан къолай.
- Къонакъ аз олтурур, кёб сынар.
- Джырчы джырчыгъа – къарнаш.
- Гугурук къычырмаса да, тангны атары къалмаз.
- Бал – татлы, балдан да бала – татлы.
- Бастасын ашагъан, хантусун да ичер.
- Кесинг сынамагъан затны, адамгъа буюрма.
- Аман киши кеси юйюнде – къонакъ.
- Ишлерге уял да, ашаргъа табма.
- Билим къая тешер.
- Акъылсызны джууукъгъа алма, акъыллыны кенгнге салма.
- Уясында не кёрсе, учханында аны этер.
- Къартны сыйын кёрмеген, къартлыгъында сыйлы болмаз.
- Тай асырагъан, атха минер.
- Уллу айтханны этмеген – уллаймаз.
- Ёзденликни кёбю ётюрюк.
- Кёб джат да, бек чаб.
- Эринчекге кюн узун.
- Ишленмеклик адамлыкъды.
- Къуру гыбыт бек дыгъырдар.
- Ётюрюкню башын керти кесер.
- Итли къонакъ джарашмаз.
- Адам туугъан джеринде, ит тойгъан джеринде.
- Ургъан суудан башынгы сакъла.
- Эринчекни аурууу – кёб.
- Къатын байлыкъны сюер, эр саулукъну сюер.
- Ичимден чыкъды хата, къайры барайым сата?
- Ач отунчуну ачыуу – бурнунда.
- Сабий болмагъан джерде, мёлек болмаз.
- Ашатыргъа иш – ашхы, ишлетирге аш – ашхы.
- Эрине къаргъыш этген къатын, эрнин къабар.
- Насыблы элин сюер, насыбсыз кесин сюер.
- Сабийни джумушха джибер да, ызындан бар.
- Нафысынгы айтханын этме, намысынгы айтханын эт.
