- Къуллукъчума, деб махтанма, къуллукъ – хаух джамчыды!
- Тёзгеннге, джабылгъан эшик ачылыр.
- Зарда марда джокъ.
- Аман къатын сабий табса, бий болур…
- Кёб ант этген, кёб ётюрюк айтыр.
- Элге къуллукъ этмеген, элге ие болмаз.
- Чабакъ башындан чирийди.
- Таукел къуру къалмаз.
- Джуртун къоругъан озар.
- Бастасын ашагъан, хантусун да ичер.
- Урама да – ёледи, сатама да – келеди.
- Алма терегинден кери кетмез.
- Тенгни тенглиги джашай барсанг билинир.
- Дууулдаса – бал чибин, къонса – къара чибин.
- Ханнга да келеди хариблик.
- Ойнай билмеген, оюн бузар.
- Къатыны харакетли болса, эри къымсыз болур.
- Билим – акъылны чырагъы.
- Джаным-тиним – окъуу, билим.
- Адамны сыфатына къарама, сёзюне къара.
- Джан саулукъ бермей, сан саулукъ бермезсе.
- Къолу уллу – асыу, аягъы уллу – джарсыу.
- Ким бла джюрюсенг, аны кёзю бла кёрюнюрсе.
- Ана къойну – балагъа джандет.
- Джукъу тёшек сайламайды.
- Зар адам ашынгы ашар, кесинги сатар.
- Хар ишни да аллы къыйынды.
- Кёб къычыргъандан – къоркъма, тынч олтургъандан – къоркъ.
- Биреуге кёлтюрген таягъынг, кесинги башынга урур.
- Мухар, кеси тойса да, кёзю тоймаз.
- Ёзденликни кёбю ётюрюк.
- Ачыу алгъа келсе, акъыл артха къалады.
- Сабийни джумушха джибер да, ызындан бар.
- Тенгинг джокъ эсе – изле, бар эсе – сакъла!
- Элиб деген, элге болушур.
- Аман хансны – урлугъу кёб.
- Чарсда алчыны эл кёреди.
- Кёлсюзден сёзсюз тууар.
- Дуния аламаты сен эсенг да, игиме деб айтма.
- Тюзлюк тас болмайды.
- Башынга джетмегенни сорма.
- Сууда джау джокъ, кёб сёзде магъана джокъ.
- Уруну арты – къуру.
- Халкъны юйю – туугъан джери.
- Гугук кесини атын айтыб къычыргъанча, мен, мен деб нек тураса?
- Экеулен сёлеше тура эселе, орталарына барыб кирме.
- Урунуу – насыбны анасы.
- Бети – къучакълар, джюреги – бычакълар.
- Тели турса – той бузар.
- Кюн – узун, ёмюр – къысха.
Диль Дивана, с днем рождения!!!
|
Джамиля, с прошедшим, искренне поздравляю! Желаю всех банальностей, но от этого не менее нужных: здоровья, любви, счастья. :smt127
|
|
|
|
|
|
[b:65c333574d]Диль Дивана)) С прошедшим))
Счастья, здоровья, любви тебе и твоим близким...)))
Пусть все исполнится...))[/b:65c333574d] :smt127
|
|
|
|
|
Аллах сюйген адамларынгдан айырмасын|
Диль Димона, с Прошедшим! Аллах кеб насыб берсин!
|
||||
|
|
|
|||
Читают тему (гостей: 1)