- Къуру гыбыт бек дыгъырдар.
- Урунуу – насыбны анасы.
- Кесине оноу эте билмеген, халкъына да эте билмез.
- Чабар ат – джетген къыз.
- Этек чакъмакълары баш джаргъан, сёлешген сёзлери таш джаргъан.
- Таякъ этден ётер, тил сюекден ётер.
- Экиндини кеч къылсанг, чабыб джетер ашхам.
- Джолунга кёре – джюрюшюнг, джагъанга кёре – юлюшюнг.
- «Ёгюз, джаргъа джууукъ барма, меннге джюк боллукъса», - дегенди эшек.
- Кимни – тили, тиши онглу, кимни – къолу, иши онглу.
- Малны кют, джерни тюрт.
- Чоюнну башы ачыкъ болса, итге уят керекди.
- Тойгъан джерге джети къайт.
- Алгъанда – джууукъ, бергенде – джау.
- Танг атмайма десе да, кюн къоярыкъ тюйюлдю.
- Билим ат болуб да чабар, къуш болуб да учар.
- Кийим тукъум сордурур.
- Тешик этген тынчды, аны джамагъан къыйынды.
- Суугъа – чабакъ, къаягъа – ыргъакъ.
- Абынмазлыкъ аякъ джокъ, джангылмазлыкъ джаякъ джокъ.
- Таукел адам тау тешер.
- Ётюрюк хапар аякъ тюбю бла джюрюйдю.
- Ашхы атаны – джашы ашхы, ашхы ананы – къызы ашхы.
- Къатыны харакетли болса, эри къымсыз болур.
- Сёз садакъдан кючлюдю.
- Окъугъан – асыу, окъумагъан – джарсыу.
- Джыланны къуйругъундан басарынг келсе, аны башы болгъанын унутма.
- Уллу къашыкъ эрин джыртар.
- Къартны сыйын кёрмеген, къартлыгъында сыйлы болмаз.
- Джарлы тюеге минсе да, ит къабар.
- Бермеген къол, алмайды.
- Аш кетер да бет къалыр.
- Хатерли къул болур.
- Бети къызарыучу адамны, джюреги харам болмаз.
- Ариу сёзде ауруу джокъ.
- Кёбге таш атма.
- Башынга джетмегенни сорма.
- Ата джурт – алтын бешик.
- Ашына кёре табагъы, балына кёре къалагъы.
- Кёб джат да, бек чаб.
- Сибиртки да сыйлы болду, кюрек да кюнлю болду.
- Ач – эснер, ат – кишнер.
- Ханы къызы буюгъа-буюгъа киштик болду.
- Къызын тута билмеген, тул этер, джашын тута билмеген, къул этер.
- Кёбню кёрген – кёб билир.
- Къайгъыны сюйген, къайгъы табар.
- Тулпарлыкъ, билекден тюл – джюрекден.
- Байлыкъдан саулукъ ашхыды.
- Аман хансны – урлугъу кёб.
- Ёгюзню мюйюзлери ауурлукъ этмейдиле.
Аммачыкъ09 - 06.08 )))))))))))
Читают тему (гостей: 1)