- Тура эдим джата, къайдан чыкъды хата?
- Хазыр ашха – терен къашыкъ.
- Къолунгдан къуймакъ ашатсанг да, атаны борчундан къутулмазса.
- Эринчекни аурууу – кёб.
- Къызны минг тилер, бир алыр.
- Джумушакъ сёз къаты таякъны сындырыр.
- Ашыкъгъан cуу, тенгизге джетмез.
- Керти сёзге тёре джокъ.
- Тынгылагъан тынгы бузар.
- Адам сёзюнден белгили.
- Эр сокъур болсун, къатын тилсиз болсун.
- Адам сёзге тынгыла, акъыл сёзню ангыла.
- Джырына кёре эжиую.
- Аш берме да, къаш бер.
- Сёлеш деб шай берген, тохта деб, сом берген.
- Сабий болмагъан джерде, мёлек болмаз.
- Эм ашхы къайын ана мамукъ бла башынгы тешер.
- Кёб къычыргъандан – къоркъма, тынч олтургъандан – къоркъ.
- Адам туугъан джеринде, ит тойгъан джеринде.
- Къууут – джелге, берне – бошха.
- Гитче джилтин уллу элни джандырыр.
- Кирсизни – саны таза, халалны – къаны таза.
- Къартны бурнун сюрт да, оноугъа тут.
- Алтыда кюлмеген, алтмышда кюлмез.
- Акъыллы эркиши атын махтар, акъылсыз эркиши къатынын махтар.
- Сангырау къулакъ эл бузар.
- Накъырда – кертини келечиси.
- Биреуге аманлыкъны тилеме да, кесинге ашхылыкъны тиле.
- Артына баргъанны, къатына барма.
- Иги бла джюрюсенг, джетерсе муратынга, аман бла джюрюсенг, къалырса уятха.
- Ата джурт – алтын бешик.
- Келинни – келгинчи, бёркню кийгинчи кёр.
- Чабар ат – джетген къыз.
- Окъугъан – асыу, окъумагъан – джарсыу.
- Уллу къазанда бишген эт, чий къалмаз.
- Ана кёлю – балада, бала кёлю – талада.
- Айыбны суу бла джууалмазса.
- Ётюрюкден тюбю джокъ, кёлтюрюрге джиби джокъ.
- Мухар, кеси тойса да, кёзю тоймаз.
- Ушамагъан – джукъмаз.
- Джашлыкъ этмеген, башлыкъ этмез.
- Джылар джаш, атасыны сакъалы бла ойнар.
- Тыш элде солтан болгъандан эсе, кесинги элде олтан болгъан игиди!
- Къарнынг ауруса, ауузунгу тый
- Иги сёз – джаннга азыкъ, аман сёз башха – къазыкъ.
- Зарда марда джокъ.
- Сакъламагъан затынга джолукъсанг, не бек къууанаса, не бек ачыйса.
- Кёб ант этген, кёб ётюрюк айтыр.
- Эшекге миннген – биринчи айыб, андан джыгъылгъан – экинчи айыб.
- Джумушакъ терекни къурт ашар.
С Днем программиста!
|
Т.к. программистов у нас на форуме прибыло, спешу поздравить (в конце рабочего дня *краснея*)!
С Днем программиста, уважаемые мои коллеги!
|
|
|
|
|
Читают тему (гостей: 1)